Saga

9 janúar 2003 hófst formleg sala í flug með Iceland Express og fyrsta flug félagsins var 27. febrúar 2003.

Frá upphafi hefur félagið boðið upp á daglegt flug til Kaupmannahafnar og London, og í maí 2005 bættust við þrjú flug á viku til Frankfurt Hahn í Þýskalandi.

Þann 16. maí 2006 stækkaði leiðakerfi Iceland Express aftur þegar fimm nýir áfangastaðir bættust við: Alicante á Spáni, Berlín og Friedrichshafen í Þýskalandi, og Gautaborg og Stokkhólmur í Svíþjóð. Þá var einnig tekið upp beint flug frá Akureyri til Kaupmannahafnar

Sumarið 2007 bættust svo við Basel í Sviss, Billund í Danmörku, Eindhoven í Hollandi, Ósló í Noregi og París í Frakklandi, auk þess sem beint flug frá Egilsstöðum til Kaupmannahafnar hófst. 

Sumarið 2008 voru áfangastaðir okkar í Evrópu 14 talsins og flugum við frá þremur flugvöllum á Íslandi, Keflavík, Akureyri og Egilsstöðum. 

Sumarið 2009 voru áfangastaðirnir í Evrópu orðnir 18 og meðal nýrra áfangastaða voru Álaborg í Danmörku, Bologna á Ítalíu og Genf í Sviss.

Sumarið 2010 markaði þáttaskil í starfsemi Iceland Express þegar við hófum flug til New York og tengdum leiðakerfi okkar í Evrópu um leið við Bandaríkin. Viðbrögð viðskiptavina voru mjög góð og því ljóst að þessi við bót ver komin til að vera.

Sumarið 2011 munum við fljúga til 4 áfangastaða í N-Ameríku og 20 áfangastaða víðs vegar um Evrópu.

Sjá: Flugáætlun Iceland Express

Árlegur farþegafjöldi hefur vaxið jafnt og þétt á síðustu árum, frá 136 þúsund árið 2003, upp í tæplega 500 þúsund árið 2007.  

Eigendur

Iceland Express er í eigu eignarhaldsfélagsins Fengs.

Skipurit

Skoðaðu skipurit Iceland Express hér.

Starfsfólk

Að Iceland Express standa um það bil eitt hundrað og tuttugu menn og konur með bækistöðvar Reykjavík, Keflavík, Kaupmannahöfn og London. Sjá netfangaskrá.

Þjónustuver

Hægt er að hringja í Iceland Express úr símanúmerum á Íslandi, Bretland, Danmörku, Þýskalandi og Bandaríkjunum. Símanúmer og opnunartímar.

Flugfloti og flugrekstur

Frá nóvember 2011 notar Iceland Express 180 sæta Airbus 320 flugvélar. Flugrekandi vélanna er tékkneska flugfélagið Holidays Czech Airlines.

Styrktarmálefni Iceland Express

Iceland Express vill sýna samfélagsábyrgð í verki með stuðningi við valin málefni. Samstarfsaðili félagsins að þessu sinni er Rauði kross Íslands. 

Aðalskrifstofa

Iceland Express
Ármúla 7
108 Reykjavik