Polish
Deutsch
Svenska
Dansk
English
Íslenska

Bloggið

Flugfélög geta líka bloggað.

Verslun í háloftunum!

Nýr og girnilegur fríhafnarbæklingur - Haust 2012! 

Haustbæklingurinn okkar var að detta í hús. Úrvalið hefur aldrei verið meira og betra.

Við bendum á nokkra vinsælar vörur sem vert er að skoða:

  • Urbanears Plattan: Heyrnatól með miklum hljómgæðum í öllum litum (bls. 67).
  • Elonex lesbretti: 100 lesbækur á 5 tungumálum inn á spjaldtölvunni (bls. 66).
  • Butterfly Twist ferðaskór: Gott að hafa í veskinu þegar háu hælarnir fara að segja til sín (bls. 62).
  • Sif Jakobs: Dásamlegur silfurhringur hlaðinn sirkon steinum (bls. 47).
  • Viktor & Rolf - Flowerbomb: Hefur slegið í gegn um allan heim (bls. 19).


>> Skrifaðu niður óskalistann þinn!




Bloggað 23. október 2012, kl. 15:24



Iceland Express í sérflokki!

Valið þriðja besta lággjaldaflugfélagið í Danmörku! 

Iceland Express var valið þriðja besta lággjaldaflugfélagið sem flýgur til Danmerkur að mati danskra neytenda og ferðafrömuða í Danmörku. Úrslitin voru kynnt á Danish Travel Awards í gær. 

Sigurvegarinn var Danish Air Transport og í öðru sæti var Norwegian.

Um 1400 manns greiddu atkvæði og fjöldi fólks sem vinnur í ferðaþjónustunni.

 


Bloggað 10. október 2012, kl. 16:38



Barcelona og Berlín á brilljant verði!

24 tíma tilboð, hefst á hádegi.

Barcelona til 8. október
frá 18.900 kr.* - Síðustu sætin!

Berlín til 29. október
frá 15.700 kr.*

Til sölu: 24 tíma, frá hádegi þriðjudaginn 2. október til hádegis miðvikudag.

*Smáa letrið: Verð aðra leið með sköttum og gjöldum. Fyrstir koma, fyrstir fá — takmarkað sætaframboð. Mundu svo eftir að taka með þér myndavélina og góða skapið!

MUNA SVO — SALA HEFST KL. 12!


Bóka núna




Bloggað 2. október 2012, kl. 09:54



Bratwurst, smörrebröd eða tapas?

Bratwurst, smörrebröd eða tapas?
- 12 tíma tilboð til Berlínar, Köben og Alicante.

Köben til 30. nóvember
frá 14.950 kr.*

Berlín til 29. október
frá 15.700 kr.*

Alicante til 30. október
frá 20.700 kr.*

Til sölu: Í 12 tíma, frá hádegi til miðnættis í dag, þriðjudag 25. september.

*Smáa letrið: Verð aðra leið með sköttum og gjöldum. Fyrstir koma, fyrstir fá — takmarkað sætaframboð. Mundu svo eftir að vökva blómin og gefa gæludýrinu að borða!

MUNA SVO — SÖLU LÝKUR Á MIÐNÆTTI!


Bóka núna




Bloggað 25. september 2012, kl. 11:55



Góðar fréttir fyrir golfara!

Iceland Express Golf

Iceland Express er nýr fríðindaklúbbur sem auðveldar kylfingum að iðka golfíþróttina erlendis.

Félagar í klúbbnum greiða 5.700 kr. árgjald og njóta ýmmissa hlunninda og fríðinda.

Hvað er innifalið:

  • Tilboð til meðlima klúbbsins
  • Iceland Express Golf meðlimakort
  • Merkikort fyrir golfpokann
  • Frír flutningur á golfsetti í áætlunarflugi Iceland Express og pakkaferðum Expressferða.*
  • Kortið gildir í eitt ár
  • Skráðu þig sem meðlim í fríðindaklúbbinn hér fyrir neðan og skelltu þér svo út á völl.

Kynntu þér málið, skráðu þig sem meðlim í fríðindaklúbbinn og skelltu þér svo út á völl! 

Iceland Express Golf




Bloggað 23. ágúst 2012, kl. 13:23



Hinsegin Iceland Express

Stoltur bakhjarl Hinsegin daga í Reykjavík

Iceland Express er einn af stoltum bakhjörlum Hinsegin daga í Reykjavík sem hófust í gær og standa fram á sunnudag.

Í dag kl. fimm verður opnuð ljósmyndasýning með ljósmyndum Báru Kristinsdóttur og Geirs Ragnarssonar í ráðhúsi Reykjavíkur en þau hafa tekið ljósmyndir af hátíðarhöldum Hinsegin daga frá því fyrsta ganga þeirra var farin árið 2000.

Þá efnir Borgarskjalasafnið einnig til sýningar á skjölum sem tengjast sögu samkynhneigðra á Íslandi.

Ýmislegt annað er á dagskrá hátíðarinnar en annað kvöld verður opnunarhátíð í Háskólabíói þar sem fjölbreytt úrval skemmtikrafta kemur fram.

Stóri dagurinn er svo á laugardag þegar Gleðingangan verður farin og endar með útiskemmtun á Arnarhóli. Iceland Express er stolt af öllu sínu starfsfólki, þar með talið þeim samkynhneigðu körlum og konum sem vinna hjá fyrirtækinu. Við óskum þeim og öllum Reykvíkingum til hamingju með Hinsegin daga.

Taktu þátt í gleðinni!

Allt um Hinsegin daga




Bloggað 8. ágúst 2012, kl. 15:48



Sjötta besta lággjaldaflugfélagið

Iceland Express er sjötta besta lággjaldaflugfélagið í Evrópu! 

Samkvæmt niðurstöðu árlegrar könnunar sem gerð var af ráðgjafafyrirtækinu Skytrax og byggist á mati flugfarþega. 

Um átján milljónir flugfarþega í Evrópu tóku þátt í könnuninni.

10 bestu lággjaldaflugfélögin skv. Skytrax:

1. Easy jet
2. Norwegian
3. Niki
4. German Wings
5. Wizz air
6. Iceland Express
7. Blue Air
8. Onur Air
9. Pegasus Airlines
10. Flybe


Bloggað 16. júlí 2012, kl. 13:28



5% afsláttur af bílaleigubílum í júní

Pantaðu í júní og sparaðu! 

5% afsláttur af bílaleigubílum sem eru leigðir í júní.

Í boði eru 800.000 bílar í 125 löndum á besta mögulega verðinu.

Tryggingar, ótakmarkaður kílómetrafjöldi, engin afbókunargjöld og skattar eru innifalin í verði allra bíla hjá AUTO ESCAPE.


Bloggað 14. júní 2012, kl. 01:00



7 áfangastaðir - verð frá 12.900 kr.

7 áfangastaðir - verð frá 12.900 kr.
- London, Edinborg, Berlín, París, Prag, Barcelona og Köln.

  • London 
  • Edinborg 
  • Berlín 
  • París 
  • Prag 
  • Barcelona
  • Köln

Fljúgðu:  London 13/6 - 30/8, Edinborg 13/6 - 20/8, Berlín 13/6 - 30/8, París 19/6 - 30/8, Prag 20/6 - 30/8, Barcelona 13/6 - 30/8 og Köln 13 /6 - 20/8.

Bókaðu:  Í 24 tíma - frá hádegi þriðjudaginn 12. júní til hádegis miðvikudag.

Smáa letrið: Flug aðra leið með sköttum og öðrum gjöldum. Takmarkað sætaframboð og valdar dagsetningar. Góða ferð!

MUNA SVO — SALA HEFST Á HÁDEGI!


Bóka núna




Bloggað 12. júní 2012, kl. 09:41



Evrópa Express!

Verð frá 9.900 kr.
- London, Edinborg, Berlín, París, Prag og Gautaborg.

  • London 
  • Edinborg 
  • Berlín 
  • París 
  • Prag 
  • Gautaborg

Fljúgðu:  London 2/6 - 30/8, Edinborg 21/6 - 30/8, Berlín 3/6 - 30/8, París 21/6 - 30/8, Prag 20/6 - 30/8 og Gautaborg 20/6 - 30/8.

Bókaðu:  Í 24 tíma - frá hádegi föstudaginn 1. júní til hádegis laugardag.

Smáa letrið: Flug aðra leið með sköttum og öðrum gjöldum. Takmarkað sætaframboð og valdar dagsetningar. Mundu eftir að taka með þér innnanklæðaveski og að kyssa gæludýrið bless.

MUNA SVO — SÖLU LÝKUR KL. 12 Á MORGUN!


Bóka núna




Bloggað 1. júní 2012, kl. 12:07



24 tíma tilboð - verð frá 9.900 kr.

Verð frá 9.900 kr.
- Edinborg, Bologna, Kaupmannahöfn, London Stansted, Vilnius og Basel.

  • Edinborg
  • Bologna 
  • Kaupmannahöfn
  • London Stansted
  • Vilnius
  • Basel

Fljúgðu:  Edinborg 21/6 - 9/8, Kaupmannahöfn 1/6 - 30/8, London Stansted 5/6 - 30/8, Vilnius 26/6 - 9/8, Bologna 9/6 - 25/8 og Basel 9/6 - 25/8.

Bókaðu:  Í 24 tíma - frá hádegi þriðjudaginn 29. maí til hádegis miðvikudag.

Smáa letrið: Flug aðra leið með sköttum og öðrum gjöldum. Takmarkað sætaframboð og valdar dagsetningar. Mundu eftir að taka með þér vegabréfið og lýsispillurnar.

MUNA SVO — SALAN HEFST Á HÁDEGI!


Bóka núna




Bloggað 29. maí 2012, kl. 11:53



24 tíma Eurovision tilboð!

Verð frá 14.900 kr. trallalala...
- London, Gautaborg, Berlín, Basel og Köln.

  • London verð frá 14.900 kr.
  • Gautaborg verð frá 14.900 kr.
  • Berlín verð frá 14.900 kr.
  • Köln verð frá 14.900 kr.
  • Basel verð frá 19.900 kr.

Fljúgðu:  London 1/6 - 4/7, Gautaborg 6/6 - 4/7, Köln 5/6 - 7/7, Berlín 1/6 - 4/7 og Basel 9/6 - 7/7.

Bókaðu:  Í 24 tíma - frá hádegi mánudaginn 21. maí til hádegis þriðjudag.

Smáa letrið: Flug aðra leið með sköttum og öðrum gjöldum. Takmarkað sætaframboð og valdar dagsetningar. Mundu eftir að taka sjónvarpið úr sambandi, já og koma gæludýrinu í pössun.

MUNA SVO — SALAN HEFST Á HÁDEGI!


Bóka núna




Bloggað 21. maí 2012, kl. 11:16



Álfar til sölu..

... um borð í vélum Iceland Express.

Iceland Express styður við bakið á ungum barnafjölskyldum sem glíma við áfengis- og vímuefnafíkn.

Farþegum gefst færi á að leggja sitt af mörkum með kaupum á SÁÁ-ferðaálfinum fyrir 1500 kr. 

Flugliðar munu nú ganga um farþegarýmið og bjóða ferðaálfinn til sölu og við vonum að farþegar  takið vel á móti þeim.

Álfurinn er mikilsverðasti þátturinn í fjáröflun SÁÁ en sala á honum hefur fært samtökunum um 430 milljónir í tekjur síðan 1990.
Þessir fjármunir hafa staðið til dæmis undir uppbyggingu unglingadeildarinnar að Vogi, starfsemi fjölskyldumeðferðarinnar og gert SÁÁ fært að þróa úrræði fyrir börn alkóhólista, ungmenni og fjölskyldur.

Styðjum gott starf og kaupum álfinn!






Bloggað 15. maí 2012, kl. 14:47



1. maí kjarabót

10.000 sæti til 5 spennandi áfangastaða í Evrópu - verð frá 14.950 kr. aðra leið

1. maí tilboð  - verð frá 14.950 kr. aðra leið með sköttum og öðrum gjöldum - Fyrstir koma, fyrstir fá.

  • Kaupmannahöfn frá Keflavík/Akureyri/Egilsstöðum
  • Edinborg
  • London Stansted/Gatwick
  • Berlín
  • Köln

Fljúgðu: Kaupmannahöfn -KEF 1/6 - 30/8 -AEY 1/7 - 7/8 -EGS 13. - 27/8, Edinborg 21/6 - 30/8, London -Stansted 5/6 - 30/8 -Gatwick 2/5 - 31/5, Berlín 4/5 - 30/8 og Köln 5/6 - 30/8.

Bókaðu: Í 24 tíma - Frá hádegi í dag þriðjudaginn 1. maí til hádegis miðvikudaginn 2. maí.

Smáa letrið: Flug aðra leið með sköttum og öðrum gjöldum. Takmarkað sætaframboð og valdar dagsetningar. Gleðilegan 1. maí!

 MUNA - TILBOÐIÐ HEFST Á HÁDEGI 1. MAÍ! 

Bóka núna


Bloggað 1. maí 2012, kl. 01:41



Viltu SÓL á morgun?

Langar þig í rúmlega 20 stiga hita og sól?
...Alicante 17. apríl - verð frá 18.700 kr. 

Fljúgðu:
Til Alicante 17. apríl 2012

Kauptu: 
Núna! - Fyrstir koma - fyrstir fá.

Smáa letrið?
Flug aðra leið með sköttum og öðrum gjöldum. Takmarkað sætaframboð. Ekki gleyma að heilsa upp á sólina.


Bóka núna


Bloggað 16. apríl 2012, kl. 14:58



Gleðigjafi í dag!

24 tíma tilboð til Alicante, Varsjá, Köben, London Gatwick og Berlín
... verð frá 14.900 kr. aðra leið með sköttum og öðrum gjöldum.

Gleði, gleði, gleði:

  • Kaupmannahöfn - verð frá 14.900 kr.
  • London Gatwick - verð frá 14.900 kr.
  • Berlín Schönefeld - verð frá 19.900 kr.
  • Varsjá - verð frá 24.900 kr.
  • Alicante - verð frá 26.900 kr.

Fljúgðu:
14. apríl til 10. júní 2012

Kauptu:
Til sölu í 24 klukkustundir, frá hádegi í dag 13. apríl til hádegis laugardag.

Smáa letrið?
Flug aðra leið með sköttum og öðrum gjöldum. Takmarkað sætaframboð, valin flug og valdar dagsetningar. Ekki gleyma að loka gluggum og koma gæludýrinu í pössun.

MUNA SVO - TILBOÐIÐ HEFST Á HÁDEGI!


Bóka núna


Bloggað 13. apríl 2012, kl. 11:03



Betra verð á bílaleigubílum

Iceland Express í samstarf við Auto Escape

AUTO ESCAPE er leiðandi bílaleigumiðlari á netinu, með aðgang að 800.000 ökutækijum á 13.000 þjónustustöðvum í 125 löndum.

Þetta samstarf mun án efa tryggja farþegum okkar besta mögulega bílaleiguverðið á markaðnum. 

AUTO ESCAPE semur um besta mögulega verð við alþjóðlegar bílaleigur. Ótakmarkaður kílómetrafjöldi, tryggingar og skattar eru innifalin í leiguverði allra ökutækja.

Farþegar Iceland Express geta nú bókað bílaleigubíl hjá fyrirtækinu beint frá heimasíðu Iceland Express eða í söluveri (5500-600) og þar með notið bestu kjara sem í boði eru á bílaleigumarkaðnum í Evrópu.

Hér á myndinni má sjá starfsmenn Iceland Express með Thomas Rygaard framkvæmdastjóra söluskrifstofu AUTO ESCAPE á Norðurlöndunum við upphaf samstarfsins.

Frúin hlær í betri bíl... frá AUTO ESCAPE!



Bloggað 4. apríl 2012, kl. 14:59



Krassandi Köln

Köln - Nýr og kúltiveraður áfangastaður
Tvisvar í viku sumarið 2012

 

Borgin er miðstöð menningar, viðskipta og mennta í landinu og býður upp á fjölbreytt skemmtanalíf.

Köln er vel staðsett, það er stutt í Rínardalinn, Luxemborg og Brussel. Njóttu Kölnar, hoppaðu í lest eða veldu þér tengiflug sem er þér að skapi.

Flogið verður tvisvar í viku til Kölnar frá 5. júní til 31. ágúst.

Skelltu þér til Kölnar í sumar!


Bóka flug til Kölnar





Bloggað 3. apríl 2012, kl. 10:28



12 tíma tilboð til 5 áfangastaða!

12 tíma tilboð - Viltu sól eða heimsborgir?
- Köben, London, Berlín, Varsjá og Alicante.Verð frá 14.950 kr. aðra leið.

  • Kaupmannahöfn verð frá 14.950 kr.
  • London Gatwick verð frá 14.950 kr.
  • Berlín Schönefeld verð frá 19.950 kr.
  • Varsjá verð frá 24.950 kr.
  • Alicante verð frá 24.950 kr.

Fljúgðu:  10. apríl til 31. maí 2012.

Bókaðu:  Í 12 tíma - frá hádegi föstudaginn 30. mars til miðnættis.

Smáa letrið: Flug aðra leið með sköttum og öðrum gjöldum. Takmarkað sætaframboð og valdar dagsetningar. Mundu eftir að taka með þér hlýrabol og sólgleraugu í vorblíðuna, já og góða skó.

MUNA SVO — SALAN HEFST Á HÁDEGI!


Bóka núna




Bloggað 30. mars 2012, kl. 10:24



Hálofta"kaup"gleði

Hálofta"kaup"gleði
Nýr fríhafnarbæklingur - vor 2012

 

Flunkunýr og sjóðheitur Duty Free bæklingur er kominn í krúttlegu flugvélarnar okkar.

Stútfullur bæklingur af girnilegum og góðum vörum. Þú finnur án efa eitthvað sem þig langar í e��a þú veist ekki að þig langar í...

Vertu hagsýn/n og verslaðu í háloftunum!

Duty Free vor 2012




Bloggað 28. mars 2012, kl. 14:53



Varsjá kallar - 24 tíma tilboð!

24 tíma tilboð!
- Til Varsj��r - verð frá 19.950 kr. aðra leið.

Varsjá höfuðborg Póllands er nútímaleg og frískandi menningarborg sem hefur marga fjöruna sopið. Varsjá er "tipp topp" blanda - merkar byggingar, góður matur, ódýrar verslanir og iðandi næturlíf.

Fljúgðu:
26. mars til 31. maí 2012..

Bókaðu:
 Í 24 tíma - frá hádegi mánudaginn 19. mars til hádegis 20. mars.

Smáa letrið?
Þið þekkið þetta, takmarkað sætaframboð, valdar dagsetningar og svo framvegis. Flug aðra leið með sköttum og öðrum gjöldum. Udanej podrozy do Warszawy eða Góða ferð til Varsjár!

MUNA SVO — SALAN HEFST Á HÁDEGI!

Bóka núna


Bloggað 19. mars 2012, kl. 10:54



36 tíma tilboð - Beint til Köben frá Egilsstöðum

36 tíma tilboð!
- Beint til Köben frá Egilsstöðum verð frá 19.900 kr. aðra leið.

 
Iceland Express mun bjóða upp á beint flug á mánudögum frá Egilsstöðum til Kaupmannahafnar 13. - 27. ágúst.

Það er líf og fjör í Kaupmannahöfn að vanda og óteljandi hlutir að gera fyrir stóra sem smáa.

Fljúgðu:
13., 20. eða 27. ágúst 2012.

Bókaðu:
 Í 36 tíma - Frá hádegi fimmtudaginn 15. mars til miðnættis 16. mars.

Smáa letrið?
Þið þekkið þetta, takmarkað sætaframboð, valdar dagsetningar og svo framvegis. Flug aðra leið með sköttum og öðrum gjöldum. God tur!

MUNA SVO — SALAN HEFST Á HÁDEGI!

Bóka núna


Bloggað 15. mars 2012, kl. 09:43



24 tíma tilboð! Beint til Köben frá Akureyri.

24 tíma tilboð!
- Beint til Köben frá Akureyri verð frá 19.900 kr. aðra leið.

 
Í sumar fljúgum við beint til Kaupmannahafnar frá Akureyri... Geri aðrir betur!

Beint frá Akureyri til Köben:
1x í viku á mánudögum frá 2. júlí til 6. ágúst  2012.

Tilboðið:
Til Köben frá Akureyri á verði frá 19.900 kr. aðra leið með sköttum og öðrum gjöldum.

Fljúgðu:
2. júlí til 6. ágúst 2012.

Kauptu:
Bara í 24 tíma frá hádegi föstudaginn 9. mars til hádegis laugardaginn 10. mars.

Smáa letrið?
Fyrstir koma, fyrstir fá. Takmarkað sætaframboð, valdar dagsetningar og valin flug í tilboðinu. Mundu eftir að fá þér Brynjuís áður en þú ferð í vélina, það kælir þig fyrir sólina í Köben.

MUNA SVO — SALAN HEFST Á HÁDEGI!

Bóka núna


Bloggað 9. mars 2012, kl. 10:18



And the winner is...

Rómantískustu Facebook vinir okkar eru:

Í tilefni af Valentínusardeginum þá óskaði Express fuglinn eftir rómantískum ábendingum frá Facebook vinum okkar.

Ótalmargar sérlega rómantískar ábendingar bárust, svo rómantískar að dómnefnd gat ekki gert upp á milli þeirra tveggja bestu.

Þar var annars vegar á ferðinni Kári Örn Hinriksson með safaríkar leiðbeiningar um London fyrir elskendur, og hins vegar Karen Jóhannsdóttir, sérfræðingur í Barceló-mantík. Sjáið rómantísku ábendingarnar þeirra hér fyrir neðan.

Þökkum öllum hinum kærlega fyrir þátttökuna!

Karen og Kári, innilega til hamingju. Sendið okkur póst á facebook@icelandexpress.is með upplýsingum um hvert þið viljið fljúga og komið svo og sækið sitt hvort gjafabréfið fyrir flugi fyrir tvo til okkar í Ármúla 7!

 Fylgstu með okkur á Facebook.


Bloggað 15. febrúar 2012, kl. 14:53



12 tíma tilboð!

Til fimm spennandi áfangastaða í Evrópu
- verð frá 13.950 kr. aðra leið.

Hvert langar þig að fara?


  • Kaupmannahöfn verð frá 13.950 kr.
  • Edinborg verð frá 14.950 kr.
  • London Stansted verð frá 14.950 kr.
  • Vilnius verð frá 24.950 kr.
  • Prag verð frá 24.950 kr.

 

Bókaðu: Miðvikudaginn 15. febrúar, frá hádegi til miðnættis.

Ferðatímabil: Edinborg 20. júní til 31. ágúst, Kaupmannahöfn 16. febrúar til 31. maí, London Stansted 1. júní til 31. ágúst, Prag 20. júní til 31. ágúst og Vilnius 26. júní til 31. ágúst.

Smáa letrið: Flug aðra leið með sköttum og öðrum greiðslum. Takmarkað sætaframboð, valdar dagsetningar og valin flug. Mundu að pakka tannburstanum og tannkremi.

 

MUNA SVO — SALAN HEFST Á HÁDEGI!

 

Bóka núna


Bloggað 15. febrúar 2012, kl. 10:46



3+13=16 áfangastaðir

Þrír nýir áfangastaðir í sumar 

Iceland Express flýgur til 16 áfangastaða í Evrópu sumarið 2012 og til tveggja flugvalla við Lundúni. Allir ættu að finna eitthvað við sitt hæfi.

- Alicante
- Barcelona
- Basel
- Berlín
- Billund
- Bologna
- Edinborg
- Frankfurt Hahn
- Gautaborg
- Kaupmannahöfn
- Kraká
- London Gatwick
- London Stansted
- París
- Prag
- Varsjá
- Vilnius

Kynntu þér flugdaga og flugtímabil áfangastaðanna okkar. Láttu drauminn rætast og leggðu land undir fót í sumar. Evrópa - here I come! 

>> Flugáætlun Iceland Express


Bloggað 10. febrúar 2012, kl. 00:00



Justin Bíbí þakkar fyrir sig

Facebookvinir finna fuglkomið hljómsveitarnafn.

Síðasta föstudag leituðum við til Facebook vina okkar eftir aðstoð við að finna hljómsveitarnafn fyrir Iceland Express fuglinn.

Það bárust yfir 500 hugmyndir á Facebook leikjaflipann okkar, margar góðar — Iceland Eggspress, Pönkbandið Flying Fokkers, Fjaðrabræður og Fugison — aðrar, tja, athyglisverðar. (Fiður 2000? Curb Your enBIRDiasm?)

Besta nafnið "Justin Bíbí" kom frá Írisi Dögg Ómarsdóttur:

Íris, þú hefur unnið ferð fyrir tvo á músíkpartý í Kaupmannahöfn að eigin vali. Kíktu til okkar á skrifstofuna í Ármúla til að ganga frá lausu öndunum endunum.

Psst. Kannski gefum fleiri ferðir í músíkpartý bráðum. Fylgstu með á Facebook.


Bloggað 26. janúar 2012, kl. 13:31



Meiri músík - Meira stuð!

Músíkpartý í Kaupmannahöfn

Expressferðir í samstarfi við Prime, Paxal og íslenska tónlistarmenn bjóða í Músíkpartý í Bryggen í Kaupmannahöfn frá janúar til mars 2012.

Skelltu þér til Köben í vetur og upplifðu höfuðborgina og allt sem hún hefur upp á að bjóða. Verslaðu á Strikinu, kíktu í Calsberg safnið, hjólaðu um borgina, njóttu góðs matar og skelltu þér á tónleika með uppáhalds íslensku hljómsveitinni þinni ásamt vinum og ættingjum í Kaupmannahöfn.

Innifalið í ferðinni er flug, gisting í  2 nætur á  Hotel Wake Up Copenhagen sem er í göngufæri frá Bryggen og aðgöngumiði á tónleikana. Verð frá frá 54.900 kr.

Fyrsta músíkpartýið í Köben verður með Jóni Jónssyni sem er bjartasta vonin í íslenska tónlistarheiminum í dag í Bryggen í Kaupmannahöfn 28. janúar.

Dagskrá – Músíkpartý í Köben*:

*Fleiri tónlistarmenn verða auglýstir síðar.

Tjúttaðu í Köben í vetur. Þú átt það skilið.


Bóka núna


Bloggað 10. janúar 2012, kl. 11:51



12 tíma tilboð í dag!

Til Kaupmannahafnar eða London frá aðeins 12.999 kr. - aðra leið.

Núna hefst ferðaárið mikla! Taktu 2012 með stæl, víkkaðu sjóndeildarhringinn og skelltu þér út í heim.

Það er líf og fjör í Kaupmannahöfn að vanda og óteljandi hlutir að gera og London klikkar ekki frekar en fyrri daginn.

Nældu þér í flugmiða til Kaupmannahafnar og/eða London — verð frá aðeins 12.999 kr. aðra leið með sköttum og öðrum greiðslum.

Fljúgðu: 5. janúar til 29. febrúar 2012.

Bókaðu: Frá hádegi til miðnættis, miðvikudaginn 4. janúar 2012.

Smáa letrið: Þið þekkið þetta, takmarkað sætaframboð, valdar dagsetningar og svo framvegis. God tur eða Have a nice trip! 
 

Bóka núna


Bloggað 4. janúar 2012, kl. 00:00



Viltu vinna jólagjafabréf fyrir tvo?

Komdu þá við í bás Iceland Express í Kringlunni eða í söluverið Ármúla 7, 21. - 23. desember og taktu þátt í jólaleik.

Eina sem þú þarf að gera er að kaupa jólagjafabréf Iceland Express* og þá ertu komin/n í pottinn. Einfalt, gott og í anda jólanna!

Einn vinningshafi verður dreginn út daglega 21., 22. og 23. desember og fær jólagjafabréf fyrir tvo að gjöf til London eða Köben.

Nöfn vinningshafa verða birt daglega á Facebook síðu Iceland Express og hér á blogginu okkar.

Bás Iceland Express er staðsettur á 2. hæð í Kringlunni (hjá Joe Boxer og Auganu) og verður opinn 21.,22. og 23. desember frá kl.13.00 til 21.00. Söluskrifstofa Iceland Express, Ármúla 7 er opin frá 9.00 til 17.00.

* Gildir fyrir jólagjafabréf sem eru keypt í Kringlunni, söluverinu og á vefnum dagana 21., 22. og 23. desember. 

Sigríður Klingenberg spáir því að 2012 yrði ár ferðalaga, kannski rætist það hjá þér! 

Vinnningshafar í jólagjafabréfaleiknum:

21. desember 2011 Áskell Agnarsson
22. desember 2011 Matthías Matthíasson
23. desember 2011 Einar Valur Sigurjónsson


Bloggað 20. desember 2011, kl. 13:37



Af hverju ertu með svona rautt nef?

Við verðum rauðnefjuð 9. desember 

Starfsfólk Iceland Express tekur þátt í degi Rauða nefsins til söfnunar UNICEF.

Flugliðar og starfsfólk IEX á Keflavíkurflugvelli mun bera Rauða nefið við innritun í flugvélar í fyrramálið, sem og um borð í flugvélunum.

Við innritun verður farþegum boðið upp á hressingu frá Vífilfelli, bæði gosdrykki og jólabjór fyrir þá sem hann vilja. Þá mun tónlistarmaðurinn Pálmi Sigurhjartarson úr Sniglabandinu skemmta fólki við innritunarborðið.

Dagur rauða nefsins

Þennan sama dag munu landslið leikara og grínista sameina krafta sína í stórum skemmti- og söfnunarþætti í opinni dagskrá á Stöð 2 til að safna fé fyrir UNICEF og hvetja landsmenn til að gerast heimsforeldrar.

Dagur rauða nefsins var í fyrsta sinn haldinn af UNICEF á Íslandi árið 2006 og gengur út á að nota grín og spé til að láta gott að sér leiða.

Iceland Express er stoltur styrktaraðili og hvetur alla sem vettlingi geta valdið að sýna stuðning sinn í verki, smella á sig rauðu nefi eða styðja málefnið með öðrum hætti.


Bloggað 8. desember 2011, kl. 16:01



Starfsmannamiðar fljúga út

Fullt út að dyrum á söluskrifstofu Iceland Express

Mikil áhugi er á tólf tíma tilboði Iceland Express um flugmiða á starfsmannakjörum sem hófst á hádegi í dag og stendur til miðnættis.

Tæpri klukkustund áður en tilboðið tók gildi hafði myndast röð af fólki í höfuðstöðvum fyrirtækisins í Ármúla 7 og hefur hún haldist síðan. Þá hefur mikið álag verið á bókunarkerfi Iceland Express.

Í boði eru 4.576 miðar til Kaupmannahafnar, London og Berlínar í desember, en með tilkomu nýrra Airbus A320 flugvéla í þjónustu Iceland Express jókst sætaframboð fyrirtækisins í desember um tæplega fimm þúsund sæti. 

Nú þegar hefur tæpur helmingur miðanna sem í boði eru selst.

Tilboðið gildir til kl.24:00 mánudaginn 5. desember - fyrstur kemur, fyrstur fær. 


Bloggað 5. desember 2011, kl. 14:56



Farmiði á starfsmannakjörum

Iceland Express býður 4.576 miða til og frá London, Kaupmannahafnar og Berlínar á starfsmannakjörum.

Með tilkomu nýrra Airbus A320 flugvéla í þjónustu Iceland Express jókst sætaframboð félagsins miðað við fyrri flugflota um tæplega fimm þúsund sæti í desembermánuði.

Þær taka 180 farþega en Boeing flugvélarnar sem áður voru mest notaðar í Evrópuflugi félagsins tóku 148 farþega. Þannig hefur sætaframboð aukist í hverri ferð um 32 sæti sem jafngildir 4.576 sætum í öllum ferðum Iceland Express í desembermánuði.

Ákveðið hefur verið að bjóða þessi sæti á sömu kjörum og starfsfólki félagsins bjóðast sem svokallaðir frímiðar. Þetta er lægsta fargjald sem hefur nokkurn tíma boðist og reglan “fyrstur kemur, fyrstur fær” verður höfð að leiðarljósi við sölu sætanna.

Aðeins eru þá greiddar 2.475 krónur hvora leið fyrir flugfarið auk skatta og annara greiðslna.
Með þessu vill félagið gefa fólki tækifæri til að kynnast þeim frábæra flugvélakosti sem Iceland Express býr nú yfir.

Tilboðið gildir í tólf klukkustundir, frá hádegi mánudaginn 5. desember til miðnættis.

Hægt er að kaupa miða í söludeild Iceland Express í Ármúla 7 til kl. 17:00 á mánudag, eða til miðnættis sama dag með því að smella á hnappinn hér fyrir neðan.

Bókaðu: Í 12 klst.- frá kl. 12:00 til kl. 24:00 mánudaginn 5. desember.

Fljúgðu: Til 31. desember 2011.

Smáa letrið: Takmarkað sætaframboð á ákveðnar dagsetningar.


Bloggað 4. desember 2011, kl. 00:00



Hvað er eiginlega betra en einn fyrir einn?

Tveir fyrir einn hátíðarglaðningur frá Iceland Express!

Tveir fyrir einn tilboðNú erum við að detta í jólaskap hjá Iceland Express og ekki seinna vænna en að gefa fyrstu gjöfina í ár.

Af því að við fengum flunkunýjar Airbus flugvélar í skóinn um daginn, þá viljum við dreifa gleðinni og bjóðum 2 fyrir 1 tilboð á flugi til London, Köben og Berlínar.

Þú færð tvo flugmiða á verði eins, þ.e. kaupir einn flugmiða með sköttum og gjöldum og færð annan flugmiða í kaupbæti.

Viltu taka krakkana með? Ekkert mál, þú borgar bara grunnverð fyrir litlu krílin.* 

Bókunartímabil: Tilboðið gildir í 48 klukkustundir — frá 9:00 mánudaginn 28. nóvember til 9:00 miðvikudaginn 30. nóvember.

Flugtímabil: Frá 29. nóvember 2011 til 31. janúar 2012.**

Þú bókar með því að senda tölvupóst á netfangið sertilbod@icelandexpress.is.
ATH - Vinsamlegast sendið ekki kortaupplýsingar í póstinum. Sölufulltrúi hefur samband símleiðis þegar pöntun hefur borist. 

Hið hefðbundna smáa letur: Valdar dagsetningar og takmarkað sætaframboð. Fyrstur kemur, fyrstur fær. 

*Gildir fyrir börn 2 – 11 ára: London kr. 20.472.- / Köben kr. 19.138.- / Berlín kr. 19.531.- flug fram og tilbaka sköttum og öðrum greiðslum.
** Flug til Berlínar til áramóta.
 

Bóka núna


Bloggað 28. nóvember 2011, kl. 09:04



Aðventutilboð

London, Köben og Berlín á verði frá 11.900 kr. með sköttum.

Uppáhaldsborgirnar okkar í Evrópu eru að detta í jólagírinn þessa dagana. Kíktu til skemmtilegustu borga Evrópu á aðventunni og komdu þér á flug með okkur fyrir jólin.

Til:
- London frá 11.900 kr. aðra leið með sköttum og greiðslum. Skoða jóladagskrá í London.
- Kaupmannahöfn frá 11.900 kr. aðra leið með sköttum og greiðslum. Skoða jóladagskrá í Kaupmannahöfn.
- Berlín frá 11.900 kr. aðra leið með sköttum og greiðslum. Skoða jóladagskrá í Berlín.

Flugtímabil: Frá 23. nóvember til 31. desember 2011.

Bókaðu: Frá hádegi í dag, þriðjudaginn 22. nóvember, til hádegis fimmtudaginn 24. nóvember.

Smáa letrið: Takmarkað sætaframboð, valin flug og valdar dagsetningar.


Bloggað 22. nóvember 2011, kl. 10:26



Nýtt er betra!

Iceland Express tekur nýjar Airbus-flugvélar í notkun.

Eins og flestir tryggir lesendur bloggsins vita, þá hefur Iceland Express skipt um flugrekstraraðila. Við kvöddum vini okkar hjá Astraeus og erum nú komin í samstarf við tékkneska fyrirtækið CSA Holidays.

Þetta þýðir líka að nú erum við komin með flunkunýjar flugvélar sem munu sinna öllu millilandaflugi Iceland Express á næstu mánuðum.

Við kynnum til leiks tvær nýjar 180 sæta Airbus A320 flugvélar, önnur frá árinu 2004 og hin er því sem næst glóðvolg úr verksmiðjum Airbus, þannig að nýrra getur það nú vart verið.

En nýju vélarnar eru ekki bara nýjar. Þær eru einnig rúmbetri og þægilegri fyrir farþega, auk þess að vera þekktar fyrir lága bilanatíðni, þannig að áreiðanleiki áætlunarinnar okkar verður vonandi enn meiri en áður.

Sem sagt: nýtt, þægilegt og áreiðanlegt. Þannig viljum við hafa það. 


Bloggað 22. nóvember 2011, kl. 10:15



FRÉTTATILKYNNING

Iceland Express semur við CSA Holidays.

Gengið hefur verið frá samkomulagi við tékkneska félagið CSA Holidays, sem er í eigu CSA Airlines, um flug fyrir Iceland Express frá og með mánudeginum 21. nóvember. Samstarfi við breska flugfélagið Astreus er lokið. Ekki er gert ráð fyrir neinni röskun á áætlunarflugi Iceland Express vegna þessarar breytingar sem er liður í víðtækri endurskipulagningu sem nýir stjórnendur félagsins hafa ráðist í til aukinnar hagræðingar og bættrar þjónustu.

CSA Holidays og móðurfélag þess CSA Airlines eru með virtustu flugfélögum í Evrópu og hafa verið í fremstu röð hvað stundvísi varðar síðastliðin tíu ár. Samtök flugfélaga í Evrópu, Association of European Airlines, útnefndu CSA stundvísasta flugfélag Evrópu af tuttugu og sex stærstu flugfélögum álfunnar á árinu 2010 og allt bendir til þess að félagið muni varðveita þann sess á yfirstandandi ári.

Miklar vonir um bætta þjónustu Iceland Express við farþega sína eru bundnar við þennan ráðahag. Til viðbótar við gjörbreyttar aðstæður til bættrar stundvísi er flugvélafloti CSA bæði vandaður og öflugur. Vélarnar sem nýttar verða til flugsins fyrir Iceland Express eru af gerðinni Airbus-320. Þær taka 180 farþega og eru mun rýmri en þær flugvélar sem félagið hefur haft aðgang að hingað til. Önnur vélanna er smíðuð á þessu ári og hin árið 2004 og verða þær yngstu flugvélarnar í áætlanunarflugi á Íslandi og jafnframt fyrstu Airbus vélarnar sem þjóna flugi til og frá landinu.

Þjálfun flugliða Iceland Express til starfa um borð í Airbus flugvélunum hefst á næstu dögum og munu þeir innan skamms annast alla þjónustu um borð. Iceland Express hefur einnig hafið undirbúning að því að fá íslenskt flugrekstrarleyfi til þess að styrkja svigrúm sitt á samkeppnismarkaði enn frekar.

Með þessari breytingu er stórt skref tekið í átt til aukins áreiðanleika í þjónustu Iceland Express við farþega sína. Um leið er stoðum rennt undir bætta afkomu í rekstri félagsins enda öll frávik og tafir í áætlunarflugi afar dýrkeyptar. Til enn frekari hagræðingar hefur sumaráætlun næsta árs verið einfölduð frá því sem verið hefur og mun félagið einbeita sér að vinsælustu áfangastöðum sínum og leggja um leið grunn að áframhaldandi forystuhlutverki í þeirri miklu verðsamkeppni sem ríkir í flugi til og frá landinu.


Bloggað 21. nóvember 2011, kl. 12:38



Var einhver að tala um tilboð?

Tólf tíma tilboð í dag. Verð frá 11.900 kr. aðra leið með sköttum.

Aðeins í dag. Nældu þér í flug til Evrópu eða Ameríku (já eða bara hvoru tveggja) í nóvember og desember. 

Til:
- London frá 11.900 kr.
- Köben frá 11.900 kr. 
- Berlín frá 11.900 kr.
- New York frá 22.900 kr.
aðra leið með sköttum og greiðslum 

Flugtímabil: Frá 1. nóvember til 12. desember 2011.

Bókaðu: Bara í dag, mánudaginn 31. október, frá hádegi til miðnættis.

Smáa letrið: Takmarkað sætaframboð, valin flug og valdar dagsetningar.


Bloggað 30. október 2011, kl. 17:21



Skarphéðinn Berg nýr forstjóri Iceland Express

Tekur tímabundið við starfinu eftir uppsögn Birgis Jónssonar.

Stjórn Iceland Express hefur ráðið Skarphéðinn Berg Steinarsson tímabundið í starf forstjóra fyrirtæksins. Skarphéðinn hefur þegar tekið til starfa en hann situr einnig í stjórn félagsins ásamt Pálma Haraldssyni og Sigurði G. Guðjónssyni.  Stjórn félagsins mun á næstu dögum eða vikum ráða nýjan forstjóra til fyrirtækisins.

Brotthvarf Birgis Jónssonar úr stóli forstjóra eftir aðeins tíu daga í starfi hefur engin áhrif á daglegan rekstur Iceland Express. Hjá fyrirtækinu vinnur einbeittur hópur fagfólks sem sér til þess að reksturinn hafi sinn vanagang.  Aldrei áður hafa eins margir kosið að ferðast með Iceland Express og það sem af er þessu ári, bæði útlendingar sem og Íslendingar og framundan er að kynna metnaðarfulla sumaráætlun félagsins fyrir næsta ár.

 


Bloggað 30. september 2011, kl. 10:13



Sagan endurtekur sig

Birgir Jónsson er nýr forstjóri Iceland Express ... aftur.

Það er ekki laust við að blogginu hafi verið hugsað aftur til sinnar fyrstu færslu, þegar það spurðist út í dag að kominn væri nýr maður í brúnna hjá Iceland Express.

Matthías Imsland, sem hefur verið forstjóri Iceland Express sl. fimm ár lætur nú af störfum og vill bloggið þakka honum kærlega fyrir samstarfið og óskar honum alls velfarnaðar. 

Við hans starfi tekur maður sem væri kannski ofsögum sagt að segja að sé nýr því við kynnum til leiks fyrrum forstjóra Iceland Express á árunum 2005 til 2006 — Birgi Jónsson.

Birgir er sem sagt ekki alveg ókunnur fyrirtækinu frá fyrri tíð en síðustu ár hefur hann starfað sem forstjóri Infopress Group, eins stærsta prentfyrirtækis Austur-Evrópu.

"Ég hlakka til að takast á við nýtt verkefni með því frábæra starfsfólki sem er hjá Iceland Express og vinna með því að áframhaldandi uppbyggingu hjá félaginu" sagði Birgir við endurkomuna.

Gaman að fá þig aftur Birgir og hjartanlega velkominn til starfa.


Bloggað 19. september 2011, kl. 13:52



Lifi samkeppnin

Metár hjá Iceland Express í farþegaflutningum.

Talnameistararnir okkar voru að spýta frá sér nýjustu tölum um árangurinn það sem af er ári og þær líta bara nokkuð vel út.

Fyrstu átta mánuði ársins fluttum við ríflega ígildi íslensku þjóðarinnar — 359.933 farþega. Árið 2011 er því metár í sögu Iceland Express og hefur aukningin verið u.þ.b. 25% frá sama tímabili í fyrra.

Svo er líka léttskýjað framundan — bókanir inn á haustið eru um 30% meiri en á sama tíma í fyrra svo það má búast við annasaömum ferðavetri.


Bloggað 16. september 2011, kl. 17:47



Meiri músík, minna mas

Fimm Feisbúkkvinir fá nýja diskinn frá Pétri Ben og Eberg.

Markaðsdeildinni okkar var að áskotnast nokkrir diskar með nýjustu útgáfu tónlistagúrúanna Péturs Ben og Eberg, Numbers Game, en það vill einmitt svo skemmtilega til (og ekki fyrir algera tilviljun) að músíkin þeirra mun hljóma um borð í vélunum okkar næstu misserin.

Nema hvað, þá ákváðum við að gefa diskana til vina okkar á Facebook og settum upp smá leik þar sem við báðum fólk um að segja okkur af hverju það ætti skilið að fá disk.

Dómnefnd hefur nú lokið störfum og hinir fimm heppnu eru eftirfarandi:

- Jóhann R. Gunnlaugsson
- Íris Dögg Ómarsdóttir
- Henríetta Ósk Melsen
- Rebekka Dagmar Elísabetar
- Guðrún Andrésdóttir

Til hamingju vinnigshafar. Þið munið svo að koma og sækja diskana til okkar á skrifstofuna í Ármúla 7 fyrir næsta miðvikudag!


Bloggað 16. september 2011, kl. 12:14



Út með þessa músík!

Iceland Express hleypir Músík Express af stokkunum.

Þeir voru taktfastir, tónarnir sem bárust úr höfuðstöðvum Iceland Express í dag, enda var þá hleypt af stokkunum nýju samstarfsverkefni okkar og ÚTÓN (eða Útflutningsstofa íslenskrar tónlistar, fyrir þau ykkar sem ekki eruð með músíklingóið á hreinu).

Markmið Músík Express er einfalt: Að hjálpa íslensku tónlistarfólki að komast til útlanda til að spila alla fínu músíkina sína fyrir útlendinga sem þekkja bara Björk og Sigurrós. Í því skyni mun Músík Express veita ferðastyrki í formi flugmiða með Iceland Express, auk þess að úthluta ríflegri yfirvigt til fararinnar, enda eru magnarar og trommusett engin léttavara þegar þarf að rogast með slíkt á milli landa.

Nú geta upprennandi íslenskir tónlistarsnillingar sem vilja koma músík sinni á framfæri, sem sagt sótt um ferðastyrk að uppfylltum vissum skilyrðum sem hægt er að lesa allt um hér.

Fyrsta samstarfsverkefni Músík Express er við Prinspóló (alltso ekki súkkulaðið heldur íslensk hljómsveit með því nafni). Sveitin sendi frá sér geisladiskinn Jukk í lok síðasta árs við góðar undirtektir og innan skamms mun Prinspóló halda í viku tónleikaferðalag um Þýskaland og Pólland, þar sem sveitin mun án efa slá í gegn, þó ekki nema bara fyrir nafnið eitt og sér.

Á myndinni hér til hliðar má sjá Matthías forstjóra og Önnu Hildi Hildibrandsdóttur framkvæmdastjóra ÚTÓN handsala samstarfið.

Við hjá Iceland Express óskum Prinspóló góðs gengis og vonum að Músík Express muni hjálpa fleiri íslenskum böndum að meika það úti í hinum stóra heimi.


Bloggað 8. september 2011, kl. 17:03



Má bjóða þér aðeins meiri sól?

Tólf tíma tilboð í dag. Verð frá 11.900 kr. aðra leið með sköttum.

Aðeins í dag. Nældu þér í flug í haust út í heim á verði sem er erfitt að toppa. 

Fljúgðu til:
- London frá 11.900 kr.
- Köben frá 11.900 kr.
- Ósló frá 11.900 kr.
- Berlín frá 11.900 kr.
- Varsjá frá 11.900 kr.
- Boston frá 22.900 kr.
- New York frá 22.900 kr.
aðra leið með sköttum og greiðslum 

Flugtímabil: Frá 26. ágúst til 30. nóvember 2011.

Bókaðu: Bara í dag, fimmtudaginn 25. ágúst, frá 12:00 til miðnættis.

Smáa letrið: Takmarkað sætaframboð og valdar dagsetningar.


Bloggað 19. ágúst 2011, kl. 16:49



Fréttatilkynning vegna bilunar í vél Iceland Express 18. ágúst

Búið er að tryggja 125 farþegum af þeim 211 sem ekki komust með flugvél Iceland Express frá Alicante í gærkvöldi gistingu á tveimur hótelum í borginni. Aðrir farþegar gátu horfið til íbúða á þeirra eigin vegum. Verið er að vinna í að leigja flugvél til að koma hópnum heim til Íslands. Iceland Express sér farþegum fyrir gistingu og fæði á meðan beðið er heimferðarinnar.

Við lendingu Boeing 757-200 flugvélar Iceland Express í Alicante í gærkvöldi gaf tækjabúnaður flugvélarinnar til kynna að skoða þyrfti annan hreyfil hennar. Flugvélin átti að fara í loftið kl. 23:10 að íslenskum tíma, en af öryggisástæðum var fluginu frestað.

Starfsmaður Iceland Express var á flugvellinum og miðlaði upplýsingum til farþega jafnóðum og þær lágu fyrir og áhafnarmeðlimir gerðu það einnig. Búið var að loka nánast öllum veitingastöðum á flugvellinum en engu að síður tókst að fá veitingar fyrir allan hópinn. Mjög erfitt er að fá hótel fyrir svo stóran hóp á Alicante þessa dagana, bæði vegna þess að þar er nú háannatími ferðaþjónustunnar og að auki fara fram tveir stórir viðburðir á svæðinu um helgina.

Fljótlega tókst starfsfólki Iceland Express að finna nokkur hótelherbergi og naut fólk með börn forgangs sem og fatlaðir einstaklingar í hópnum. Barnafjölskyldur voru komnar á hótel rúmri klukkustund eftir að fyrir lá að flugvélin færi ekki til Íslands í gærkvöldi. Þá tókst að finna sérútbúinn bíl fyrir stóra hjólastóla til að flytja þá sem fatlaðir eru á hótel.

Hópur útskriftarnema frá Menntaskólanum á Ísafirði, um sextíu manns, þurfti að dvelja á flugvellinum til um klukkan sjö í morgun, en þá tókst að finna hótel fyrir hópinn. Fólkið fékk veitingar á kostnað Iceland Express á meðan það beið. Þá ræddi upplýsingafulltrúi Iceland Express við tvo einstaklinga úr hópnum í nótt og gaf þeim allar upplýsingar sem lágu fyrir og bað um að upplýsingunum yrði komið áfram til annarra í hópnum. Einnig fengu þessir aðilar uppgefið símanúmer upplýsingafulltrúans sem þeim var sagt að velkomið væri að hringja í ef á þyrfti að halda.

Á þessari stundu liggur ekki fyrir hvenær leiguflugvél fæst til að flytja fólkið heim, en upplýsingar um gang mála verða gefnar jafn óðum og þær liggja fyrir.

UPPFÆRT KL. 16:23: Iceland Express hefur tekið farþegaflugvél á leigu í Madrid á Spáni sem fer til Alicante til að fljúga til Íslands með farþega sem ekki komust þaðan í gærkvöldi. Flugvélin er væntanleg til Alicante kl. 22:00 að staðartíma þar og er áætlað að hún leggi af stað til Íslands kl. 23:00. Væntanlegur komutími hennar til Keflavíkur er kl.  01:40 aðfararnótt laugardagsins 20. ágúst.

Farþegar eru vinsamlegast beðnir um að vera komnir á Alicanteflugvöll kl. 21:00 að staðartíma og hafa meðferðis útgefna farseðla fyrir flugið í gærkvöldi.


Bloggað 19. ágúst 2011, kl. 11:39



Ert þú á leið á AfroCubism?

Tíu kátir tónlistarunnendur eru á leið í Hörpuna í kvöld.

Skúffurnar hjá Sigga markaðsstjóra virðast vera ansi drjúgar þegar kemur að því að galdra fram tónleikamiða á hina ýmsu viðburði. Nú var kappinn að gramsa og fann tíu miða á tónleika afrísk-kúbversku gleðisveitarinnar AfroCubism, sem fara fram í Hörpunni í kvöld, 28. júní.

Eins og vanalega eru það vinir okkar á Facebook sem fá að berjast um þessa bita og í þetta skiptið báðum við bara um smá rökstuðning fyrir því af hverju menn vildu kíkja á kúltíveraða músík í kvöld.


 

Til hamingju gott fólk, þið fáið tvo miða hvert á tónleikana í kvöld 

Komið nú í Grímsbæ og sækið miðana fyrir klukkan 16 í dag og ekki gleyma skilríkjunum.


Bloggað 28. júní 2011, kl. 14:05



Og hvað á barnið að heita?

Þessi fimm fá miða á tónleika Jakobs/Benjamíns/Handleiks/Kjamma í Hörpu í kvöld.

Í siðustu viku gáfum við fimm Feisbúkkvinum okkar miða á magnaða tónleika Helga "ó je, ó je, ó je" Björnssonar og nú er röðin komin að enska píanistanum og látúnsbarkanum Jamie Cullum að fylla sali Hörpunnar ljúfum tónum í kvöld, 23. júní. 

Siggi markaðsstjóri lumaði á nokkrum miðum á tónleikana og þar sem hann er áhugamaður um íslenska tungu, vildi hann fá tillögu frá vinum okkar á Facebook um gott íslenskt nafn á djassgeggjarann hann Jamie.

Sem fyrr þá var enginn skortur á ímyndunarafli vina okkar á Fésinu og dómnefnd, í samstarfi við Mannanafnanefnd, valdi þessar fimm tillögur:

 

Til hamingju gott fólk, þið fáið tvo miða hvert á tónleikana í kvöld 

Komið nú í Grímsbæ og sækið miðana fyrir klukkan 16 í dag og ekki gleyma: Skilríki, skilyrði, skiljiði það!


Bloggað 23. júní 2011, kl. 11:31



Jú Helgi, það eru allir sexí

En það eru bara þessi fimm sem við ætlum að gefa miða á tónleika Helga Björns í Hörpu á morgun.

Eins og oft vill verða áskotnuðust tíu miðar á tónleika Helga Björns í Hörpu á morgun, 17da júní.

Okkar bestu menn voru svo settir í að búa til smá leik á Facebook til að finna fólk til að verma þessi sæti. Verkefnið sem við fólum okkar fólki að leysa var að botna setninguna "Eru ekki allir..."

Fjöldi góðra ábendinga barst, okkar bestu menn bentu í vestur, bentu í austur og bentu svo á þessi fimm hér:



Auk þess fékk Þorgerður Gunnarsdóttir fyrir botninn "Eru ekki allir í teinóttu?" sem barst í pósti.

Öll fá þau tvo miða hvert.

Komið nú í Grímsbæ og sækið miðana fyrir klukkan 16 í dag (og takið með ykkur skilríki) því annars er voðinn vís!


Bloggað 16. júní 2011, kl. 14:03



Fuglkomin störf í boði

Eitursnjall forritari og kraftmikill verkefnastjóri eru á óskalistanum hjá okkur.

Það sem við leitum að: Úrræðagóður og eitursnjall forritari í fjölbreytt starf við þróun og viðhald vefsvæða félagsins og öflugur verkefnastjóri á sviði netviðskipta (sitthvort starfið, svo við komum því nú á hreint strax).

Það sem við viljum fá: Vel menntaða og hæfa einstaklinga, jafnvel með einhverja reynslu úr bransanum, með mikinn áhuga á viðfangsefninu og löngun til að starfa hjá ört vaxandi fyrirtæki í fluggeiranum.

Það sem við bjóðum: Fjölbreytt starf í líflegu og krefjandi umhverfi, áhugaverð verkefni til að vinna að og ekki síst alveg stórskemmtilegt samstarfsfólk.

Það sem þú þarft að gera: Sendu okkur umsókn fyrir 29. maí nk. ef þú hefur áhuga á að slást í hópinn. Miði er möguleiki.


Bloggað 20. maí 2011, kl. 16:51



Vortilboð

720 tilboðsmínútur framundan hjá Iceland Express.

Þriðjudaginn 3. maí, frá hádegi til miðnættis, ætlum við að bjóða fjölda flugsæta á frábæru verði til allra helstu áfangastaða okkar í maí.

Áfangastaðir og verð: Kaupmannahöfn, London, Berlín, frá 11.900 kr. og svo New York og Varsjá frá 22.900 kr. aðra leið með sköttum og öðrum greiðslum.

Fljúgðu: Frá 4. til 31. maí 2011.

Bókaðu: Frá hádegi til miðnættis (23:59) þriðjudaginn 3. maí

Smáa letrið: Takmarkað sætaframboð og valdar dagsetningar. Fastir liðir eins og venjulega.

Kíktu á fína verðdagatalið okkar þegar klukkan slær tólf á hádegi á þriðjudag og nældu þér í eins og eina utanlandsferð fyrir slikk.


Bloggað 2. maí 2011, kl. 15:45



Alltaf í boltanum

Komdu með á magnaðan leik í Meistaradeild Evrópu — flug og miði á völlinn á aðeins 59.900 kr.

Okkur voru að áskotnast 12 miðar á einn stærsta leik ársins (það sem af er að minnsta kosti), Chelsea gegn Manchester Utd í 8-liða úrslitum Meistaradeildarinnar á morgun, 6. apríl.

Flogið út í fyrramálið, 6. apríl og heim aftur fimmtudaginn 7. apríl. Verðið er aðeins 59.900 kr. fyrir flug báðar leiðir með sköttum og öðrum greiðslum og svo auðvitað miða á völlinn. Stöngin inn!

Þú bókar með því að hafa samband við þjónustuverið okkar í síma 550 0600 og starfsfólkið þar sér um að ganga frá málinu fyrir, svo einfalt er það.

Muna svo bara: fyrstir bóka, fyrstir fá og tilboðið er aðeins bókanlegt til klukkan 17:00 í dag, 5. apríl.


Bloggað 5. apríl 2011, kl. 15:13



Spádómar óskast

Úrslitakeppni Iceland Express deildarinnar er handan við hornið.

Á morgun, 17. mars, hefst úrslitakeppni í Iceland Express deild karla í körfubolta. Deildin hefur verið með magnaðasta móti í vetur, en nú tekur ný keppni við þar sem allt verður lagt í sölurnar og æsingurinn og svitastigið munu ná nýjum hæðum.

Í tilefni af þessu ætlum við að hafa smá leik á Fésbókinni okkar í samstarfi við KKÍ. Við viljum fá að vita hvaða fjögur lið komast áfram í undanúrslitin og biðjum því alla spámenn með lágmarks körfuboltainnsæi að setja sína spá inn á vegginn okkar.

Einn sannspár og heppinn aðili verður síðan dreginn út þegar úrslitin liggja fyrir og við ætlum að bjóða viðkomandi á alla úrslitaleikina sem eftir verða fyrir sig og einn gest, auk þess sem vinningshafinn fær möguleika á að taka borgarskot í einum leik í undanúrslitunum, en þar er hægt að vinna utanlandsferð að launum fyrir það eitt að skora eins og eina körfu frá miðju vallarins. Einfalt mál!

Liðin sem mætast hjá körlunum eru:
KR-Njarðvík 
Grindavík-Stjarnan
Snæfell-Haukar
Keflavík-ÍR

Fyrsti leikurinn hefst eftir rúman sólarhring þannig að það er ekki eftir neinu að bíða. Kíktu á Feisið og spáðu í körfuna. Þá munum við jafnvel spá í þig.


Bloggað 16. mars 2011, kl. 16:04



Tólf tíma tilboð!

Skelltu þér út í vor.

Frá hádegi til miðnættis í dag, 8. mars, verðum við með tólf-tíma-skelltu-þér-til-útlanda-tiboð.

Áfangastaðir: Kaupmannahöfn, London, Berlín og svo auðvitað New York.

Verðinu er stillt í mikið hóf eins og vanalega, frá 12.900 kr. aðra leið til Evrópu og svo frá aðeins 22.900 kr. aðra leið til Bandaríkjanna, fyrir þá sem vilja skella sér vestur um haf.

Fljúgðu: Frá 9. mars til 13. apríl 2011.

Bókaðu: Frá hádegi til miðnættis (23:59) þriðjudaginn 8. mars

Smáa letrið: Takmarkað sætaframboð og valdar dagsetningar. Fastir liðir eins og venjulega.

Kíktu á nýja á fína verðdagatalið okkar þegar klukkan slær tólf á hádegi á mánudag og nældu þér í eins og eina utanlandsferð fyrir slikk. 


Bloggað 8. mars 2011, kl. 13:11



Viltu hjálpa til við að halda sparigrís heilbrigðum?

Iceland Express leitar að talnaglöggum og duglegum gjaldkera.

Dýravinir með sérstakan áhuga á debet og kredit takið eftir:

Við leitum að góðum og samviskusömum starfskrafti í starf gjaldkera hjá Iceland Express. Sparigrísinn okkar þarf á smá umhyggju og ástúð að halda og því mikilvægt að sá rétti/sú rétta kunni að meðhöndla svona viðkvæmar skepnur á viðeigandi hátt.

Ef dýravernd af þessu tagi á vel við þig, eða einhvern sem þú þekkir, gæti verið tilvalið að skoða nánari lýsingu á starfinu og þeim eiginleikum sem við erum að falast eftir.

Fyrir þá sem hafa áhuga á að leggja nafn sitt í pottinn, skulu umsóknir, merktar "Gjaldkeri", sendast á netfangið job@icelandexpress.is fyrir 8. mars nk.


Bloggað 4. mars 2011, kl. 14:48



Þarftu að Faust um þetta?

25 heppnir Facebookvinir okkar eru á leiðinni á Faust á sunnudag.

Smá menningarlegt innslag á bloggið að þessu sinni:

Vildum bara láta vita að við vorum að draga út 25 heppna vini okkar á Facebook sem skrifuðu fallega hluti á vegginn okkar og þeir fá í staðinn tvo miða hver á meistarstykkið Faust, í uppsetningu Vesturports í Borgarleikhúsinu á sunnudag.

Jæja! Hefst þá lesturinn: 
- Sveinn Ásgeirsson
- Sigurbjörg Hlöðversdóttir
- Hjördís Borg Kristinsdóttir
- Sandra Björk Gunnarsdóttir
- Sigurður Enoksson
- Valgerður Júlíusdóttir
- K. Svava Einarsdóttir
- Dóra Magnúsdóttir
- Bríet Breiðfjörð Einarsdóttir
- Birna Ýr Thorsdottir
- Hjalti Sigurðsson
- Magni Þórarinsson
- Lillý Marques
- Kristján Ingvi Ólason
- Embla Sól Þórólfsdóttir
- Sigurbjörg Helga Sæmundsdóttir
- Dagný Eva
- Kári Friðriksson
- Rósa Harðardóttir
- Ragnheiður Ólafsdóttir
- Aðalsteinn Örn Aðalsteinsson
- Guðný Krisjánsdóttir
- Eva Hauksdóttir
- Helena Rós Sigmarsdóttir
- Snorri Magnússon

Sækið miðana ykkar til okkar hingað á Bústaðaveginn fyrir klukkan 15 í dag og takið með ykkur skilríki!

Yfir og út.


Bloggað 11. febrúar 2011, kl. 11:17



Ertu góð(ur) með tölur?

Iceland Express leitar eftir starfskrafti í tekjustýringu og áætlanagerð.

Iceland Express leitar eftir starfskrafti í tekjustýringu og áætlanagerð. Í boði er krefjandi starf hjá framsæknu fyrirtæki með skemmtilegan starfsanda. Starfið felur í sér mikil samskipti við ferðaheildsala ásamt verðstýringu og flestu því sem viðkemur rekstri flugfélags.

Hæfnis- og menntunarkröfur 
• Háskólamenntun á sviði viðskipta, 
ferðaþjónustu eða sambærilegt námi 
• Skipulögð og öguð vinnubrögð 
• Vandvirkni, yfirsýn og sjálfstæði í vinnubrögðum 
• Reynsla úr ferðaþjónustu æskileg 
• Tölvulæsi og reynsla af Excel

Umsóknir sendist á job@icelandexpress.is merkt "Tekjustýring" fyrir 10. febrúar nk.


Bloggað 27. janúar 2011, kl. 12:00



Stríðið er ekki búið

Viltu styðja okkar menn í boltanum? Við komum þér á staðinn.

Það gengur mikið á í Jönköping í Svíþjóð þessa dagana. Hinir rammíslensku handboltavíkingar fara þar um víða boltavelli og hafa glatt landa sína og vonandi fleiri með frábærum leik og baráttuanda að frátöldum leiknum á móti sameinuðu liði Þjóðverja og serbneskra dómara.

En nú eru blikur á lofti og næsti leikur - á móti Spánverjum 24. janúar - ræður miklu um það hvort drengirnir okkar komast áfram í undanúrslit.

Okkur hjá Express finnst mikilvægt að sem flestir Íslendingar styðji strákana með ráðum og dáð af hliðarlínunni. Þess vegna viljum við benda á einn hagkvæmasta möguleikann á að fljúga langleiðina á áfangastað; flug til Kaupmannahafnar þaðan sem auðvelt er að taka stefnuna yfir Eyrarsundið og til Jönköping.    

25. janúar verður tekið á hinu magnað liði Frakka og undanúrslita- og úrslitaleikirnir fara síðan fram dagana 28. til 30. janúar, en það er vissara að storka ekki örlögunum með því að slá einhverju á fast með þá hluti.

Þú finnur allar upplýsingar um leikina og miða á þá á vef HM2011. Flugið færðu svo hjá okkur með því að smella hér.

Láttu hendur standa framúr ermum og ekkert þras - styddu við strákana í eigin persónu.


Bloggað 22. janúar 2011, kl. 15:13



Heimsborgarar, takið ykkur stöðu!

Tólf tíma tilboð í dag hjá Iceland Express.

Í dag frá hádegi til miðnættis, verðum við með tólf-tíma-skelltu-þér-til-útlanda-í-vetur-tiboð.

Áfangastaðir: Kaupmannahöfn, London, Berlín, Varsjá og svo auðvitað New York.

Verðinu er að venju ákaflega hófstillt, frá 9.900 kr. aðra leið til Evrópu og svo frá aðeins 19.900 kr., aðra leið til Bandaríkjanna, fyrir þá sem vilja skella sér vestur um haf.

Fljúgðu: Frá 10. janúar til 28. febrúar 2011.

Bókaðu: Frá hádegi til miðnættis (23:59) í dag, mánudaginn 10. janúar

Smáa letrið: Takmarkað sætaframboð og valdar dagsetningar. 

UPPFÆRT KLUKKAN 00:03, 11. JANÚAR: TILBOÐINU ER LOKIÐ Í ÞETTA SKIPTIÐ. GÓÐA FERÐ, ALLIR ÞIÐ SEM NÆLDUÐ YKKUR Í MIÐA Á KOSTAKJÖRUM. 


Bloggað 10. janúar 2011, kl. 09:47



Börnin fara að hlakka til

Litlu jólin hafin hjá Iceland Express.

Það ríkti jólstemning yfir innrituninni hjá okkur í Leifsstöð sl. sunnudag.

Piparkökur, jólaöl og ýmislegt annað góðgæti var í boði fyrir farþega og svo voru jólasveinarnir í Sniglabandinu mættir á svæðið til að syngja sálma að sínum hætti.

Hátíðarandinn hefur einnig ratað inn á matseðilinn um borð í vélunum okkar, þar sem fram að jólum verður m.a. verður boðið upp á sérstaka hátíðarbakka með jólakræsingum, jólasamlokur og þrjár alveg sérdeilis ljúffengar tegundir af (næstum því heimabökuðum) smákökum.

Það er einnig gaman að segja frá því að þeir Sniglasveinar tróðu upp með smá jólasöng í háloftunum fyrir nokkrum dögum síðan við góðar undirtektir og aldrei að vita nema þeir birtist aftur um borð áður en jólin ganga í garð.


Bloggað 6. desember 2010, kl. 14:53



Svanhildur, þú hefur val

Vinningshafinn í haustleik Iceland Express fundinn.

Fyrir skömmu síðan datt okkur í hug að minna á hvað tilkoma Iceland Express inn á ferðamarkaðinn hefur breytt fyrir bæði hinn almenna ferðamann og þjóðarbúið. Smá sögustundir eru alltaf gagnlegar.

Um leið settum við í gang lítinn leik þar sem fólk gat reynt á kunnáttu sína um okkur og jafnframt átt möguleika á að næla sér í vinning fyrir vikið.

Nú er búið að draga í leiknum og sú heppna heitir Svanhildur Kristínardóttir og er Akureyrarmær. Svanhildur hlýtur að launum ferð að eigin vali fyrir tvo til einhvers af áfangastöðum okkar í Evrópu.

Til hamingju með vinninginn Svanhildur. Við vonum að eigir góða ferð framundan og að þú veljir þér nú einhvern skemmtilegan ferðafélaga til að hafa með. Það er nefnilega gott að hafa val.


Bloggað 27. október 2010, kl. 11:22



Tólf tíma tilboð!

Skelltu þér út fyrir jólin.

Mánudaginn 25. október, frá hádegi til miðnættis, verðum við með tólf-tíma-skelltu-þér-til-útlanda-tiboð.

Áfangastaðir: Kaupmannahöfn, London, Berlín, Varsjá og svo auðvitað New York.

Verðinu er stillt í mikið hóf eins og vanalega, frá 9.900 kr. aðra leið til Evrópu og svo frá aðeins 19.900 kr., aðra leið til Bandaríkjanna, fyrir þá sem vilja skella sér vestur um haf.

Fljúgðu: Frá 1. nóvember til 15. desember á því herrans ári 2010.

Bókaðu: Frá hádegi, mánudaginn 25. október til miðnættis (23:59) sama dag

Smáa letrið: Takmarkað sætaframboð og valdar dagsetningar. Fastir liðir eins og venjulega.

Kíktu á nýja á fína verðdagatalið okkar þegar klukkan slær tólf á hádegi á mánudag og nældu þér í eins og eina utanlandsferð fyrir slikk. 


Bloggað 24. október 2010, kl. 21:57



Ekkert blöff

Iceland Express komið í pókerinn.

Um síðustu helgi fór fram Íslandsmeistaramótið í póker á Hótel Örk í Hveragerði þar sem ríflega 200 spilarar háðu margar magnaðar rimmur.

Express var að sjálfsögðu vel sýnilegt á svæðinu því auk þess að gefa veglega ferðavinninga þá ákvað Georg, netviðskiptastjórinn okkar, að freista gæfunnar og var mættur til leiks á eitt borðanna.

Skemmst er frá að segja að ferðavinningarnir vöktu mikla lukku, ekki síst hjá þeim sem unnu þá. Þeirra á meðal var nýkrýndur Íslandsmeistarinn, Stefán Arngrímsson (til hamingju Stefán!), auk Gylfa Ísleifssonar sem hreppti sérstakan aukavinning fyrir að slá rithöfundinn, fjölmiðladjásnið og líkamsræktarundrið Egil Gillzenegger Einarsson út úr mótinu.

Eins og sjá má var Egill (sem er einnig sjálfskipaður landsliðsfyrirliði í póker) bara býsna sáttur við sitt hlutskipti og gaman að sjá menn sem kunna vel að taka tapi. 

Bloggið er hins vegar ekki alveg með á hreinu hvernig gekk hjá Georgi á mótinu, en ef einhver þarna úti er áhugasamur um að kaupa lítið notaða og vel með farna Mercedes Benz bifreið, þá má hafa samband við kappann. Öll staðgreiðslutilboð skoðuð.


Bloggað 18. október 2010, kl. 16:14



Viltu vera hátt uppi í vinnunni?

Iceland Express leitar að nýjum flugliðum til starfa.

Matthías forstjóri var að fara yfir starfsmannaþörfina fyrir næstu misseri og niðurstaðan er skýr. Við þurfum að bæta við okkur mannskap, enda ýmislegt í (landa)kortunum hjá okkur.

Við heimsóttum Bandaríkin í fyrsta skipti í sumar og það var svo skemmtilegt að við ætlum að gera það miklu oftar næsta sumar og bæta Boston og Chicago inn á landakortið.

Svo má auðvitað ekki gleyma öllum áfangastöðunum í Evrópu líka svo það er nokkuð ljóst að næsta sumar verður nokkuð líflegt. Þess vegna leitum við núna að duglegu, skemmtilegu og samviskusömu fólki í störf flugliða. Viltu slást í hópinn?

Hæfniskröfur
-Stúdentspróf eða sambærileg menntun
- Mjög góð enskukunnátta alveg nauðsynleg, (ekki verra að hafa smá amerískan hreim). 
- Kunnátta í a.m.k. einu Norðurlandamáli og svo er ekki verra ef þú getur bjargað þér á þriðja tungumálinu.

Ef þú býrð yfir öllu þessu, hefur gaman af mannlegum samskiptum og hefur ríka þjónustulund þá máttu gjarnan senda okkur línu. 

Sendu okkur endilega umsóknina þína ásamt ferilskrá, merkt "Flugliðar", á netfangið job@icelandexpress.is fyrir 25. október nk.


Bloggað 15. október 2010, kl. 21:52



Tólf tíma tilboð til Evrópu

Flug til fjögurra stórborga í Evrópu á verði frá 10.900 kr.

Frá hádegi í dag og næstu 720 mínúturnar þar á eftir, verður tilboð á flugi til fjögurra af skemmtilegustu borgum Evrópu. Verð frá 10.900 íslenskum krónum aðra leið. Þetta er tilvalið tækifæri til að taka hræbillegt haustflug yfir á meginlandið.

Hvert: Til Kaupmannahafnar, London Gatwick, Berlínar og Varsjár.

Hvenær flogið: Frá 1. september til 30. nóvember 2010.

Hvenær selt: Tilboðið stendur í tólf klukkustundir — frá 12:00 til 23:59 í dag, miðvikudaginn 1. september.

Hversu mikið: Frá 10.900 krónum aðra leið með sköttum og öðrum greiðslum.

Smáa letrið: Valdar dagsetningar, valin flug og takmarkað sætaframboð - þið þekkið þetta. 

MUNA SVO BARA AÐ SALAN HEFST Á HÁDEGI Á EFTIR!


Bloggað 1. september 2010, kl. 08:32



Stóra eplið fyrir lítinn pening

Sértilboð í sólarhring — flug til New York á verði frá 19.900 kr. með sköttum.

Ekki gráta elskan mín, þó þig vanti vítamín, því nú bjóðum við hið eina og sanna, ljúffenga og safaríka Stóra epli á sérstöku sólarhringstilboði.

Hvenær: Flugtímabil frá 30. ágúst til 31. október 2010.

Kauptu: Salan hefst á hádegi í dag, 26. ágúst, og stendur í nákvæmlega 24 tíma — til 12:00 föstudaginn 27. ágúst.

Hve mikið: Verð frá 19.900 krónur, aðra leið með sköttum og öðrum greiðslum.

Smáa letrið: Takmarkað framboð á sætum og valdar dagsetningar.

Muna svo bara að fyrstir koma, fyrstir fá, svo það borgar sig að vera tímanlega við tölvuskjáinn á eftir.

UPPFÆRT KLUKKAN 12:10: SALAN ER HAFIN!


Bloggað 26. ágúst 2010, kl. 08:53



Sumar til sölu

Sumaráætlun Iceland Express fyrir 2011 er komin í sölu.

Það er alltaf sumar hjá okkur — ef ekki sumarið í sumar þá bara næsta sumar.

Þess vegna finnst okkur alveg tilvalið, nú þegar sumarið 2010 fer fljótlega að renna sitt skeið á enda, að flauta til leiks fyrir sumarið 2011, enda ekki nema 10 mánuðir til stefnu.

Að sjálfsögðu verður bryddað upp á nýjungum næsta sumar, meðal þess helsta verða tveir nýir áfangastaðir í Bandaríkjunum, Boston og Chicago, auk þess sem flogið verður daglega til New York og gamall kunningi Evrópumegin — Stokkhólmur — skýtur upp kollinum að nýju.

Flestallir gömlu staðirnir verða svo á sínum stað og það eru því að minnsta kosti 21 góð ástæða til að kíkja út fyrir landsteinana sumarið 2011. Bara muna að besta verðið bókast fyrst

Taktu næsta sumar tímanlega, það gerum við.


Bloggað 6. ágúst 2010, kl. 13:08



Ameríka allan ársins hring

Beint flug til New York allt árið um kring.

Smá söguleg upprifjun, gott fólk:

Það var einu sinni Íslendingur sem hét Leifur og hann fann Ameríku.

Hann var kallaður Leifur heppni en náði samt einhvern veginn að týna Ameríku aftur (góða heppnin það), og einhver Ítali fann hana síðan upp á nýtt.

Við ætlum ekki að gera sömu mistök og Leifur og höfum því áveðið að halda áfram flugi til New York í allan vetur, enda tóm vitleysa að týna einhverju sem við erum nýbúin að finna, auk þess sem flugið okkar til New York í sumar hefur fengið svona líka ljómandi góðar viðtökur.

Til 1. nóvember nk. verður sem sagt flogið til New York Newark flugvallar fjóra daga í viku, frá mánudegi til fimmtudags, en eftir það verða flugdagarnir þrír á viku, mánudagar, miðvikudagar og föstudagar.

Stefnan er líka að halda verðinu innan skynsamlegra marka fyrir þá sem vilja halda í víking vestur — frá 24.900 kr. aðra leið með sköttum og öðrum greiðslum.

Iceland Express — fyrir Íslendinga sem vilja finna Ameríku.


Bloggað 20. júlí 2010, kl. 13:05



London a la Edda

Edda Björgvins mælir með nokkrum góðum stöðum í stórborginni.

Við vitum að það er ekki fyrir hvern sem er að sigta út bestu staðina til að heimsækja í London, enda er úrvalið svo gríðarlegt að meðalmanninum gætu bara fallist hendur við tilhugsunina eina.

Þess vegna ákváðum við að fá góð ráð frá flugliðunum okkar, sem luma á ýmsum fróðleik um heimsborgina á bökkum Thames.

Fyrst ætlar Edda Björgvinsdóttir, ein af flunkunýjustu flugfreyjunum hjá okkur, að deila nokkrum af sínum uppáhaldsstöðum í London með öllum sem vita vilja.

Í næstu viku verðum við síðan klár með nýjan skammt af fínum ferðaábendingum um London. Fylgist með frá byrjun!


Bloggað 15. júlí 2010, kl. 11:44



Enn ein góð leið til að kaupa Prins Póló í sumar

Iceland Express flýgur fyrsta flug til Gdansk.

Föstudaginn 4. júní bættist enn einn áfangastaðurinn formlega í leiðakerfið hjá okkur þegar fyrsta beina flugið frá Keflavík til Gdansk var flogið.

Viðtökurnar við Póllandsflugum Iceland Express hafa verið aldeilis glimrandi og í sumar verða áfangastaðirnir okkar í Póllandi þrír talsins, Varsjá, Kraká og Gdansk.

Á myndinni má sjá þegar flugvél Iceland Express fékk algjörlega ókeypis steypibað þegar hún renndi upp að flugstöðinni í Gdansk í jómfrúarfluginu.

En sem sagt, alla föstudaga í sumar, til 31. ágúst, ætlum við að heilsa upp á nýju vini okkar í Gdansk og þú ert velkomin(n) með ef þú vilt.


Bloggað 16. júní 2010, kl. 00:10



Stóra eplið fyrir alla

Fyrsta flug Iceland Express til New York farið í loftið.

Það sveif amerísk stemning yfir vötnum í Leifsstöð á þriðjudaginn var, og ekki að ástæðulausu, þar sem fyrsta flug Iceland Express til Bandaríkjanna fór þá í loftið.

Þéttskipuð vélin var á beinni leið til Newark flugvallar í New York og þannig ætlum við að hafa það fjóra daga í viku út sumarið.

Í tilefni af fyrstu brottförinni voru allir farþegar á leið til New York leystir út með stóru epli — hollt og gómsætt nesti fyrir flugið yfir hafið. Svo mætti Frelsistyttan líka á svæðið, enda alltaf til í gott geim.

En þetta er ekki allt.

New York flugið markar upphafið að sumaráætluninni okkar og meðal annarra nýrra áfangastaða má nefna Íslendinganýlenduna Winnipeg í Kanada, Mílanó á Ítalíu og Gdansk í Póllandi. Sem sagt eitthvað fyrir alla. 

Allir um borð!


Bloggað 4. júní 2010, kl. 13:59



Allir til útlanda í júní!

Júnítilboð á flugi til Evrópu og Bandaríkjanna.

Nú ættu hagsýnir heimsborgarar að taka vel við sér, því júnímánuður stefnir í að verða sérlega góður til ferðalaga.

Finndu þér flug á verði frá aðeins 9.900 kr. aðra leið til Evrópu og 19.900 kr. aðra leið til Bandaríkjanna hvenær sem er í júní. Býður einhver betur? 

Hvert: Til London (Gatwick og Stansted), Kaupmannahafnar, Lúxemborgar, Parísar, Ósló, Álaborgar, Billund, Gautaborgar, Friedrichshafen, Frankfurt Hahn, Berlínar, Rotterdam, Basel og svo auðvitað New York. 
Skoða áfangastaði

Hvenær flogið: Frá 1. til 30. júní 2010.

Hvenær selt: Tilboðið stendur í tólf klukkustundir — frá 12:00 til 23:59 í dag, fimmtudaginn 27. maí.

Hversu mikið: Frá 9.900 krónum aðra leið til Evrópu og frá 19.900 kr. aðra leið til Bandaríkjanna. Skattar og greiðslur innifaldar.

Smáa letrið: Valdar dagsetningar og takmarkað sætaframboð - þið þekkið þetta. 

TILBOÐIÐ ER BÚIÐ. KÖTTUR ÚTI Í MÝRI



Bloggað 27. maí 2010, kl. 00:19



Síðbúin sumargjöf

border=""Tíu þúsund krónu afsláttur á flugi fyrir skynsama ferðalanga.

Afsakið, en mætti rödd skynseminnar kannski aðeins ónáða ykkur í smástund?

Röddin vill bara benda öllu skynsamlega þenkjandi fólki á sumargjöfina frá Iceland Express sem allir geta nýtt sér næstu vikuna eða svo.

Bókaðu flug fram og til baka til Evrópu eða Bandaríkjanna með okkur, og við gefum þér 10.000 kr. afslátt af fargjaldinu.

Það eina sem þú þarft að gera er að bóka flug til einhvers af áfangastöðum Iceland Express (að frátöldum Alicante og Bologna) allt til 20. júní.

Þetta er það sem þú gerir
- Farðu inn í flugleitarvélina okkar og finndu flug sem þú vilt bóka (bæði áfangastað og dagsetningar).
- Á næstu síðu færðu uppgefið verð fyrir flugið, allt voða ódýrt og gott, en bíddu bara, þetta verður enn betra.
- Sláðu núna inn afsláttarkóðann þinn í þartilgerðan reit vinstra megin á síðunni og smelltu á "Leita" takkann.
- Sem fyrir galdra þá lækkar verðið á fluginu þínu um 5.000 kr. á hvern legg, og hananú!

AFSLÁTTARKÓÐINN ÞINN ER IEX0502

Áfangastaðir: Allir áfangastaðir nema Alicante og Bologna.

Fljúgðu: Flugtímabil er frá 4. maí til 20. júní 2010.

Kauptu: Þú getur notað afsláttarkóðann frá 4.-11. maí

Smáa letrið: Bara þetta vanalega, takmarkað framboð á sætum og valdar dagsetningar.


Bloggað 4. maí 2010, kl. 00:33



Hólmarar fara hamförum

Iceland Express deildinni í körfuknattleik karla lokið — Snæfell Íslandsmeistari.

Bloggið má til með að óska öllum Hólmurum, nær og fjær, til hamingju með Íslandsmeistaratitil Snæfells í körfuknattleik karla.

Heljarmennin úr Hólminum tryggðu sér titilinn í gærkvöldi með stórsigri á liði Keflavíkur, 105-69, og það á heimavelli Keflvíkinga, eitthvað sem fá lið gætu leikið eftir.

Með þessu er Snæfell búið að geirnegla stöðu sína sem besta lið landsins þetta árið, enda erfitt að halda öðru fram um lið sem er bæði bikarmeistari og Íslandsmeistari í senn.

Þar með er tímabilinu lokið í Iceland Express deildinni í körfubolta. Snæfellspiltar og KR-stúlkur geta baðað sig dýrðarljóma meistaranna í allt sumar, en næsta haust byrjar baráttan aftur og við verðum að sjálfsögðu áfram á hliðarlínunni. Eitt er víst að alltaf verður ákaflega gaman þá.


Bloggað 30. apríl 2010, kl. 11:13



Farðu norður ... og svo niður til Evrópu

Flug frá Akureyri til Kaupmannahafnar og London um helgina.

Hvað gera flugbændur þegar eldgos og öskufall loka stærsta flugvelli landsins? Jú, þeir finna annan flugvöll og halda áfram flugi eftir bestu getu.

Þetta er akkúrat það sem við ætlum að gera núna um helgina, þegar boðið verður upp á flug frá Akureyri til Kaupmannahafnar og London, vegna lokunar Keflavíkurflugvallar. Að sjálfsögðu leggjum við mesta áherslu á að koma þeim farþegum á áfangastað sem þegar eiga bókað með okkur, en ef það vilja einhverjir fleiri komast með, þá er það að sjálfsögðu guðvelkomið.

Eins og staðan er í bili eru líkur á að Keflavíkurflugvöllur verði lokaður fyrir flugumferð alla helgina, og því hafa þessi flug verið sett upp á laugardegi, sunnudegi og mánudegi. Sem fyrr er þetta þó auðvitað háð veðurskilyrðum hverju sinni og við hvetjum því farþega til að fylgjast vel með öllum breytingum sem hugsanlega geta orðið á þessari áætlun.

Flugin eru komin í sölu á vefnum.


Bloggað 23. apríl 2010, kl. 11:10



Tafir á flugumferð til og frá Íslandi vegna eldgoss í Eyjafjallajökli

Upplýsingar um flugáætlun fyrir farþega Iceland Express.

Vegna eldsumbrota í Eyjafjallajökli, hefur orðið truflun á flugumferð til og frá landinu og hefur nú þegar þurft að fella niður fjölda fluga til og frá landinu. Hið sama á við um stóran hluta Evrópu þar sem flug hefur að mestu legið niðri síðustu daga.

Nú þegar hefur orðið röskun á áætlun og eru flugfarþegar hvattir til að fylgjast með þeim breytingum sem kunna að verða á þeirra flugi áður en þeir fara á flugvöllinn, til að komast hjá óþarfa óþægindum.

Nú er búið að setja upp sérstaka upplýsingasíðu þar sem hægt er að nálgast nýjustu upplýsingar um flugáætlun Iceland Express, eins og hún er hverju sinni. Við hvetjum farþega eindregið til að kynna sér reglulega allar breytingar sem kunna að vera gerðar og minnum á að ófyrirséðar breytingar á veðurspá geta haft mikil áhrif á möguleika til flugs með stuttum fyrirvara. Því er mikilvægt að farþegar reyni eftir kostum að fylgjast með slíku.

Nánari upplýsingar um flugáætlun Iceland Express


Bloggað 15. apríl 2010, kl. 08:55



Svarthvítur sigur

Iceland Express deildin í körfubolta kvenna leidd til lykta — KR-ingar meistarar.

border="0"

Það var ánægja upp um alla veggi í KR-höllinni í gærkvöldi, enda voru KR-ingar að hampa dísætum Íslandsmeistaratitli í körfuknattleik kvenna.

Án þess að bloggið hafi allt of mikið vit á þessari íþrótt, þá er nokkuð ljóst að kattliprar og kraftmiklar KR-stúlkur unnu úrslitaeinvígið þar sem þær hafa líklega sett boltann oftar ofan í körfuna heldur en mótherjarnir, hinar harðsnúnu Hveragerðismeyjar í Hamri. Þannig virkar það víst oftast í þessum boltaleikjum.

Þar með er aldeilis æsispennandi keppnni í kvennkörfunni lokið fyrir veturinn, en karlarnir eiga enn eftir sinn skammt af sóknarfráköstum, tæknivillum og hvað þetta nú allt heitir, svo bloggið hvetur körfuboltabullur til að flykkja sér á pallana á næstunni. Þetta verður fullorðins.


Bloggað 7. apríl 2010, kl. 12:20



Hetjur háloftanna óskast til starfa

Iceland Express leitar að flugköppum fyrir sumarið.

Flugmenn og flugstjórar, takið eftir:
Það verður yfirið nóg að gera hjá okkur á næstunni og því vantar okkur fleira flughæft fólk til starfa.

Um er að ræða störf hjá flugrekstraraðila okkar, enska félaginu Astraeus, og verkefnin eru ærin, enda áfangastaðir sumarsins 25 talsins beggja vegna Atlantshafs.

Umsækjendur þurfa að uppfylla öll skilyrði til að starfa sem fullgildur flugstjóri, vera hressir og skemmtilegir og kunna alla texta Ferðahugarins utanað (þetta síðasta er reyndar ekki skilyrði en auðvitað mjög æskilegt).

Hæfnis- og menntunarkröfur
- Öll tilskilin réttindi
- A.m.k. 3.500 flugtímar
- 1.000 flugtímar á Boeing 737 eða 757
- 500 flugtímar sem flugstjóri
- Mjög góð enskukunnátta
- Hæfni í mannlegum samskiptum

Ef þetta er eitthvað sem heillar og þú hefur allt til að bera í þetta starf, þá skaltu endilega senda inn umsókn fyrir 7. apríl. Miði er möguleiki.


Bloggað 29. mars 2010, kl. 12:45



Ekki fleiri úlpudaga takk

9.900 kr. gætu komið þér á flug til Evrópu.

Rödd skynseminnar hér:
Er þetta ekki bara að verða gott af kuldagöllum og sólhatti í bili? Ef þú sýnir smá vit, geturðu tekið púlsinn á vorinu í Evrópu á hreinum spottprís  — frá bara 9.900 kall aðra leið. Þetta er nó breiner... 

Hvert: Til Berlínar, Kaupmannahafnar, London (bæði Gatwick og Stansted) og Varsjár.

Hvenær flogið: Flugtímabilið er frá 23. mars til 31. maí 2010.

Hvenær selt: Tilboðið stendur í tólf klukkustundir — frá 12:00 til 23:59 í dag, mánudaginn 22. mars.

Hversu mikið: Frá 9.900 krónum aðra leið, með sköttum og öðrum greiðslum.

Smáa letrið: Valdar dagsetningar og takmarkað sætaframboð. 

Mundu svo gömlu klisjuna, fyrstir koma, fyrstir fá, svo nú er bara setja sig í stellingar fyrir framan tölvuna í hádeginu og næla í flug.


Bloggað 22. mars 2010, kl. 00:12



Erna er á leið til Ameríku

Vinningshafi fundinn í Útleiknum okkar.

Allir sem þekkja Ernu Björnsdóttur takið eftir!
Erna á tvo flugmiða til New York í sumar, svo það gæti alveg borgað sig að vera extra góður við hana á næstunni — bjóða henni upp á ís eða eitthvað álíka. (Við getum ekki upplýst nákvæmlega hvaða Erna Björnsdóttir á í hlut, en þú tryggir ekki eftirá).

Útleik Iceland Express er sem sagt lokið og 9.218 lausnum síðar (þar af 3.695 sem voru með öll svör rétt) var það hún Erna sem var dregin út og hlýtur aðalvinninginn — flug fyrir tvo fram og til baka til New York í sumar, ekki slæmt að geta sett það á verkefnalistann hjá sér.

Síðan eru það aukavinningarnir — flug til valinna áfangastaða í Evrópu fyrir fimm heppna ferðaspekinga. Þeir eru:
Kristinn Olafsson — flug fyrir tvo til Kaupmannahafnar
Lilja Matthildardóttir — flug fyrir tvo til Kaupmannahafnar
Jón Pétursson — flug fyrir tvo til London
Sigurður Haraldsson — flug fyrir tvo til London
Ásgeir Birkisson — flug fyrir tvo til London

Til hamingju vinningshafar. Vonum að þið hafið það massagott í útlöndum í sumar.


Bloggað 17. mars 2010, kl. 13:35



Komdu að útleika

Útleikur — heilabrot fyrir ferðaglaða Íslendinga.

Ef það er eitthvað sem Íslendingar elska meira en utanlandsferðir, þá eru það spurningaleikir.

Útleikur Iceland Express sameinar þessar tvær ástríður sem aldrei fyrr — 20 spurningar sem reyna aðeins á landafræðiþekkingu þátttakenda og gæti um leið komið nokkrum fjölfróðum ferðalöngum til útlanda í sumar, því aðalverðlaunin eru flug fyrir tvo til New York og til viðbótar eru fimm aukaverðlaun — flug fyrir tvo til valins áfangastaðar í Evrópu.

Fyrir þá sem vilja undirbúa sig aðeins, þá eru allar spurningarnar birtar í sumarbæklingi Iceland Express, sem kom inn um lúguna hjá flestöllum landsmönnum með Fréttablaðinu í morgun. Gæti verið klókt að renna yfir þær fyrirfram og fletta upp svörunum áður en þrautin er fyllt út á netinu. Dregið verður úr réttum svörum 15. mars.

Reyndu þig við Útleikinn og sjáðu hverju það skilar í hús.


Bloggað 9. mars 2010, kl. 15:43



Fyrsta, annað og...

Express ferðir spyrja: Hvað ert þú tilbúin(n) að borga fyrir sex snjófyllta daga í skíðaparadísinni Garmisch-Partenkirchen?

Hagsýnir heimsborgarar athugið: Nú er okkar fólk hjá Express ferðum komið í uppboðsgírinn og ætlar að leyfa okkur að bjóða upp þessa aldeilis fínu skíðaferð fyrir tvo á Facebooksíðu Iceland Express.

Fyrsta ferð í boði er sex daga skíðaævintýri fyrir tvo í snævi þaktar hlíðar Alpanna. Flogið út 27. febrúar og aftur til baka 5. mars og gist á góðu þriggja stjörnu hóteli. Fleiri praktískar upplýsingar er hægt að nálgast á vef Express ferða. Það er nú hægt að hugsa sér verri leiðir til að eyða næstu mánaðamótum, eða hvað?

Uppboðið er hafið og stendur til klukkan 12:00 á morgun, fimmtudaginn 18. feb. Að því loknu höfum við samband við hæstbjóðanda, göngum frá dæminu og biðjum hann vinsamlegast um að dusta rykið af skíðagræjunum.

Kíktu í heimsókn til okkar á Facebook og taktu þátt í dæminu. Þitt boð gæti skilað þér í skíðafrí á spottprís.

UPPFÆRT 18. FEB KL. 13:15
Uppboðinu lauk nú í hádeginu og hæstbjóðandi er hann Jón Gísli Harðarson — greinilega áhugasamur skíðamaður þar á ferð. Til hamingju Jón og við verðum í sambandi við þig fljótlega til að ganga frá smáatriðunum.


Bloggað 17. febrúar 2010, kl. 14:52



Þið talið, við hlustum, það ber árangur (á Facebook)

Sagan af því hvernig hópur Íslendinga á Jótlandi notaði Facebook til að fá okkur til að breyta flugáætluninni okkar.

Jæja gott fólk, nú höfum við stutta sögu að segja ykkur, sem er lýsandi fyrir það hvernig okkur finnst að samfélagsmiðlar eins og Facebook og Twitter eigi að virka og hvernig góðar hugmyndir ná stundum flugi.

Í stuttu máli er sagan þessi:

  • Berglind nokkur Ketilsdóttir sendir fyrirspurn á Facebooksíðu Iceland Express varðandi möguleikana á heilsársflugi til Billund. Við svörum að það fari allt eftir framboði og eftirspurn. Ef það er nóg að fólki til að fylla vélarnar viljum við gjarnan fljúga allan ársins hring.
  • Strax í kjölfarið á þessu, fyrir fimm dögum síðan, stofnar Berglind hóp á Facebook þar sem óskað er eftir því að Iceland Express taki upp flug á milli Keflavíkur og Billund allt árið um kring.
  • Hópurinn stækkar hratt og er innan tíðar kominn með tæplega 2.000 meðlimi.
  • Við fáum ábendingu um síðuna og setjum okkar besta fólk í að kanna málið.
  • Matthíasi forstjóra líst það vel á erindið að ákveðið er að lengja flugtímabilið til/frá Billund frá byrjun júní til loka nóvember 2010, með vilyrði um áframhaldandi flug árið um kring ef viðbrögðin lofa góðu.

Matthías forstjóri sagði af þessu tilefni: Fólk lumar á fullt af góðum hugmyndum og við fögnum því að fá sem flestar sem geta auðveldað okkur að finna ný sóknarfæri. Við getum nú ekki lofað að uppfylla allar óskir um flug sem detta inn á borð til okkar, en munum skoða allt með opnum huga".  

Það er ekki síður skemmtilegt að sjá með hvaða hætti þessi hugmynd hefur orðið að veruleika Við höfum lengi verið á þeirri skoðun að samskiptamiðlar á borð við Facebook og Twitter séu besta leiðin til að vera í beinum samskiptum við bæði núverandi og vonandi framtíðarviðskiptavini, og þetta dæmi hvetur okkur til enn frekari dáða á þessum vettvangi"

Köttur út'í mýri, sett'upp á sig stýri langaði til Billund, því úti leynast ævintýri.


Bloggað 11. febrúar 2010, kl. 13:14



Er kominn ferðahugur í þig?

Ferðahugurinn er mættur til starfa hjá Iceland Express.

Iceland Express kynnir með stolti til leiks nýjasta starfskraft fyrirtækisins, en það er enginn annar en sjálfur Ferðahugurinn.

Ferðahugurinn er með eindæmum víðförull — hefur farið bókstaflega út um allar trissur — og svo hefur hann náð alveg einstaklega góðum árangri við að koma fólki í ferðagírinn í gegnum tíðina.

Það er nú ekki vaninn að gefa upp launakjör starfsmanna, en við getum þó upplýst að það var ekki mikið mál að semja um slíkt við Ferðahuginn.

Hann vildi taka þetta allt út í flugmiðum, enda flýgur Iceland Express til 25 áfangastaða næsta sumar. Þetta er því svona "win win" samstarf, eins og heimsborgararnir segja.

Að sjálfsögðu er Ferðahugurinn kominn með eigið svæði á Facebook þar sem hann ætlar að koma sinni lífsspeki á framfæri, já og jafnvel að hann komi einhverjum vinum sínum á flug án þess að taka krónu fyrir. Hann er bara þessi gjafmilda týpa svo það væri ekkert vitlaust að bæta honum á vinalistann.


Bloggað 22. janúar 2010, kl. 22:27



Halló 2010!

Kíktu út fyrir innan við 9.000 kall.

Í tilefni nýja ársins setjum við alveg hellings glás af flugsætum til Evrópu á sérstök tilboðskjör — verð frá 8.900 kr. með sköttum og gjöldum.

Hvert: Til Berlínar, Kaupmannahafnar, London Gatwick, London Stansted og Varsjár.

Hvenær flogið: Flugtímabilið er frá 6. janúar til 24. mars 2010.

Hvenær selt: Tilboðið stendur í tólf klukkustundir — frá 12:00 til 23:59 í dag, þriðjudaginn 5. janúar.

Hversu mikið: Frá 8.900 krónum aðra leið, með sköttum og öðrum greiðslum.

Smáa letrið: Valdar dagsetningar og takmarkað sætaframboð. 

UPPFÆRT KL. 00:34 ÞANN 6. JAN: TILBOÐINU ER LOKIÐ. VIÐ ÞÖKKUM ÞEIM SEM KEYPTU. 



Bloggað 4. janúar 2010, kl. 13:25



Hó, hó, hó, rímar við snjó...

border="0"Express hagyrðingar láta ljós sitt skína á Facebook.

Nú eru jólagjafabréfin hjá Iceland Express komin til byggða og munu vonandi gleðja öll þægu börnin sem fá þau að gjöf um þessi jól.

Af þessu tilefni fannst okkur alveg tilvalið að nota tækifærið og sjá hvort vinahópurinn okkar á Facebook býr yfir einhverju andans fólki þegar kemur að kveðskap, og var ákveðið að verðlauna höfund bestu jólagjafabréfavísunnar með einu gjafabréfi.

Það var ýmislegt andans hnoð sem leit dagsljósið í þessum leik og einnig var á tíðum dýrt kveðið, en dómnefnd ákvað að lokum að Kári Friðriksson ætti skilið að komast einu sinni til útlanda og til baka fyrir þessa vísu hér:

Yrðu jólin undur góð
og til margs að hlakka
ef ég fengi fyrir ljóð
ferð í jólapakka

Fyrir ykkur hin sem eruð ekki jafn hagyrt og hann Kári, viljum við benda á að allir geta eignast eða gefið sitt jólagjafabréf — kannski ekki alveg ókeypis en eiginlega því sem næst, svo nú þarf enginn að þjást af gjafakvíða um þessi jól.


Bloggað 7. desember 2009, kl. 15:31



Jólaflugin nálgast

Ennþá fleiri aukaflug komin á áætlun um jólin.

Jæja gott fólk, stutt í jólin og allt það og starfsfólk tekjustýringar hefur heldur betur lagt nótt við dag til að koma sem flestum jólaflugum fyrir í kringum hátíðarnar.

Það er óneitanlega soldið pólskt þema í þessari áætlun, með aukaflug til bæði Varsjár, Krakár og Gdansk, en við heimsækjum einnig sólríkjuna við strendur Alicante og Alpabrekkurnar nálægt Friedrichshafen, svo eitthvað sé nefnt.

Nýendurskoðuð jólaflugsáætlun lítur sem sagt svona út:

Frá Keflavík Til Keflavíkur
Alicante 17. des og 5. jan 17. des og 5. jan
Álaborg 8. jan 23. des
Berlín 23. des, 4. og 8. jan 23. des, 4. og 8. jan
Billund 2. jan 22. des
Friedrichshafen 19. og 26. des, 2. og 9. jan 19. og 26. des, 2. og 9. jan
Gdansk 16. des og 7. jan 16. des og 7. jan
Kraká 15. og 22. des, 7. jan 15. des, 2. og 7. jan
Ósló 4. og 7. jan 16. og 20. des
Varsjá 16., 19. og 22. des, 5. og 8. jan 16. des, 4., 5., 6. og 8. jan
Frá Akureyri Til Akureyrar
Kaupmannahöfn 23. des og 2. jan 23. des og 2. jan


Þannig hljómar hið heilaga ferðaspjall þetta árið.

Öll flugin eru komin í sölu svo nú er ekki eftir neinu að bíða. Drífðu þig nú (út í ) heim um jólin.


Bloggað 1. desember 2009, kl. 16:09



Margar varir vinna létt verk

border="0"Söfnunin Á allra vörum skilar ríflega 50 milljónum til góðgerðarmála.

Bloggið hefur komist að eftirfarandi niðurstöðu: Íslenskar konur hljóta að eiga heimsmet í notkun á varaglossi.

Þetta er náttúrulega bara hið allra besta mál, ekki síst þegar málstaðurinn er góður, eins og raunin var á nú í sumar og haust þegar söfnunin Á allra vörum var á fullu blússi.

Í stutt máli snerist söfnunin um sölu á varaglossi, m.a. um borð í vélum Iceland Express, auk þess sem sérstakt söfnunarkvöld var haldið í samstarfi við Skjáeinn.

Viðtökurnar voru frábærar og uppskeran eftir því — ríflega 53 milljónir króna söfnuðust og stendur til að nýta þá til uppbyggingar á aðstöðu fyrir fjölskyldur krabbameinssjúkra barna.

Á myndinn má sjá þegar forsprakkar söfnunarinnar afhentu Stryktarfélagi krabbameinssjúkra barna ágóðann.

Við hjá Iceland Express erum stolt með að hafa lagt svo góðu málefni lið og vonum og vitum að þessir peningar munu verða aflvaki góðra hluta í framtíðinni. 


Bloggað 19. nóvember 2009, kl. 15:36



Ekki fresta því til morgundagsins sem þú getur bara gert í dag

border="0"Tólf-tíma-tilboðsdagur hjá Iceland Express.

Flækjum ekkert málið og höfum þetta bara einfalt.

Í dag bjóðum við fullt af flugsætum á frábæru verði. Kíktu yfir til Evrópu fyrir aðeins 8.900 íslenskar krónur.

Hvert: Til Kaupmannahafnar, London Gatwick, London Stansted, Berlínar eða Varsjár.

Hvenær flogið: Flugtímabilið er frá 17. nóvember til 15. desember 2009.

Hvenær selt: Tilboðið stendur í tólf klukkustundir — frá 12:00 til 23:59 í dag, þriðjudaginn 17. nóvember.

Hversu mikið: Verð frá 8.900 krónum aðra leið, með sköttum og öðrum greiðslum.

Smáa letrið: Valdar dagsetningar og takmarkað sætaframboð. Öll dýrin í skóginum eiga að vera vinir.

Uppfært 00:02, 18. nóv: Tilboðinu er lokið í bili. Góðar stundir.


Bloggað 17. nóvember 2009, kl. 00:04



Af hverju er ódýrara að fljúga til Kaupmannahafnar en Stokkhólms?

border="0"Rödd skynseminnar veltir fyrir sér flugmiðaverði.

Rödd skynseminnar hefur verið að spá og spekúlera í verði á flugi til frænda okkar á Norðurlöndum og rak sig um leið á merkilega staðreynd.

Vissir þú að það er dýrara að fljúga til Stokkhólms en Kaupmannahafnar?

Furðulegt!

Ætli ástæðan sé sú að aðeins eitt flugfélag flýgur á milli Íslands og Stokkhólms, en tvö sem fljúga á milli Íslands og Köben?

Ef enginn hefur betri skýringu í brjóstvasanum þá er þetta nú bara neytendahagfræði 101 — alveg kýrskýrt dæmi um að samkeppnin er að gera eitthvað gott fyrir neytendur og það er nákvæmlega þannig sem við hugsum það.

Er einhver sem vill leggja orð í belg skynseminnar um þetta? Sendu mér þá endilega línu inn á fésið.

Góðar stundir.


Bloggað 28. október 2009, kl. 17:55



Express Airwaves

Tinna Björk og Birta Rán eru á leið á Iceland Airwaves í boði Iceland Express.

Sigga markaðsstjóra áskotnuðust á dögunum nokkur armbönd á Iceland Airwaves tónlistarhátíðins sem hefst í næstu viku og þá ákvað hann að gera hið eina rétta með góssið — að gera eitthvað fallegt fyrir vini okkar á Facebook.

Til að finna út hver ætti mest skilið að fá armband, var ákveðið að leysa málið með örútgáfu af þrautakóng. Tveir viðbragðssneggstu vinir okkar á Facebook þurftu að príla upp í Hallgrímskirkjuturn til að fá Airwaves-armbönd að gjöf.

Það voru þær Birta Rán og Tinna Björk sem reyndust léttastar á fæti og munu þræða tónleikastaði bæjarins gratís fyrir vikið.

Og hvaða lærdóm er hægt að draga af þessu gott fólk? Jú, einmitt að það er kalt á toppnum en stundum borgar sig nú samt að klifra þangað upp.

En þetta er rétt að byrja. Við eigum ennþá eftir nokkur armbönd sem verða gefin á Facebooksíðunni á næstu dögum. Þetta verður allt saman vandlega auglýst á fésinu þegar nær dregur. Ertu ekki örugglega memm?


Bloggað 9. október 2009, kl. 13:59



Reykjavík–Rotterdam

border="0"Iceland Express heldur á nýjar hollenskar slóðir næsta sumar.

Góðir lesendur. Við rjúfum reglubundna dagskrá vegna nýrrar fréttar sem var að berast:

Næsta sumar mun Iceland Express segja skilið við ljósaperuborgina Eindhoven.

Við biðjum þó alla unnendur vindmylla og hollenskra klossa að örvænta ekki, því þess í stað verður haldið á vit stærstu hafnarborgar Evrópu, Rotterdam, þar sem fólk þarf ekki að hafa áhyggjur af þunnu fjallalofti, enda er borgin að stórum hluta undir sjávarmáli.

Engar áhyggjur samt, flugvöllurinn er ekkert á floti og borgin öll á þurru landi.

Flugið hefst 2. júní 2010 og við höldum áfram vikulegu flugi til Rotterdam allt til 31. ágúst. Við mælum með að þú gerir klossana klára í ferðalag næsta sumar.


Bloggað 6. október 2009, kl. 14:54



Há dú jú læk Nú Jork?

border="0"

Iceland Express byrjar Ameríkuflug sumarið 2010.

Start spreading the news...

Frá fólkinu sem færði þér flug til Evrópu á sannkölluðum kostakjörum og bjó til alvöru samkeppni í íslenskum flugrekstri kemur nýjasta viðbótin við ört vaxandi leiðarkerfi og hún ekki svo lítil.

Sumarið 2010 mun Iceland Express taka stefnuna á sjálft land tækifæranna og hefja reglulegt áætlunarflug til Stóra eplisins, New York.

Planið er að fljúga fjórum sinnum í viku til að byrja með allt næsta sumar og ef vel gengur er aldrei að vita nema framhald verði þar á. Sala hefst í næstu viku, svo nú er um að gera að hrista saman nokkrar krónur í ferðasjóð.

Sem sagt, borgin sem aldrei sefur getur bætt nokkrum íslenskum heimsborgurum á gestalistann næsta sumar. Vilt þú ekki örugglega verða einn af þeim?


Bloggað 23. september 2009, kl. 17:30



Talnaglögg manneskja óskast

Iceland Express leitar eftir starfskrafti í tekjustýringu og áætlanagerð.

Iceland Express leitar eftir starfskrafti í tekjustýringu og áætlanagerð. Í boði er krefjandi starf hjá framsæknu fyrirtæki með skemmtilegan starfsanda. Starfið felur í sér mikil samskipti við ferðaheildsala ásamt verðstýringu og flestu því sem við kemur rekstri flugfélags.

Hæfnis- og menntunarkröfur 
• Háskólamenntun á sviði viðskipta, 
ferðaþjónustu eða sambærilegu námi 
• Skipulögð og öguð vinnubrögð 
• Vandvirkni, yfirsýn og sjálfstæði í vinnubrögðum 
• Reynsla úr ferðaþjónustu æskileg 
• Tölvulæsi og reynsla af Excel

Umsóknir sendist á job@icelandexpress.is merkt "Tekjustýring" fyrir 10. febrúar nk..


Bloggað 22. september 2009, kl. 15:43



Vertu á réttum tíma!

Tólf tíma tilboð hjá Iceland Express.

Ekki missa sjónar af úrinu á morgun, mánudag, því stundvíslega á hádegi munum við hleypa í loftið móður allra hausttilboða þar sem þú getur nælt þér í flug til fjögurra úrvalsborga vítt og breitt um Evrópu á hreinum spottprís. Tikk tokk, tikk tokk... 

Hvert: Til Kaupmannahafnar, London Gatwick, London Stansted, Berlínar eða Varsjár.

Hvenær flogið: Flugtímabilið er frá 1. október til 10. desember 2009.

Hvenær selt: Tilboðið stendur í tólf klukkustundir — frá 12:00 til 23:59, mánudaginn 21. september.

Hversu mikið: Verð frá 8.900 krónum aðra leið, með sköttum og öðrum greiðslum.

Smáa letrið: Valdar dagsetningar og takmarkað sætaframboð.

ATH!!! Jæja, nú er á þetta að vera komið í lag. Biðjumst innilegrar afsökunar ástandinu — stundum er erfitt að vera svona vinsæll...


Bloggað 20. september 2009, kl. 20:21



Jóla hvað?

Nokkur aukaflug heim um jólin fyrir Íslendinga erlendis.

Hann Valgeir tekjustjóri hjá Iceland Express er mikið jólabarn — svo mikið reyndar að hann er nú þegar farinn að búa til músastiga og jólasmákökur og koma með í vinnuna.

Það þarf því ekki að koma neinum á óvart að kappinn er búinn að setja upp nokkur aukaflug um jólin til að auðvelda Íslendingum á erlendri grundu að halda heilög jól hér heima.

Við bætum sem sagt við flugum frá Álaborg, Billund og Osló, auk þess sem norðanmenn fá sinn skammt með beinu flugi frá Kaupmannahöfn til Akureyrar.

Áætlunin er sem sagt svohljóðandi:

- 19. des frá Osló til Keflavíkur
- 22. des frá Billund til Keflavíkur
- 23. des frá Álaborg til Keflavíkur
- 23. des frá Kaupmannahöfn til Akureyrar
---x---
- 2. jan frá Akureyri til Kaupmannahafnar
- 2. jan frá Keflavík til Billund 
- 4. jan frá Keflavík til Osló
- 8. jan frá Keflavík til Álaborgar

Öll flugin eru komin í sölu svo nú er ekki eftir neinu að bíða. Drífðu þig nú heim um jólin.


Bloggað 20. september 2009, kl. 17:38



Rödd skynseminnar fellir sinn dóm

Hrönn Guðmundsdóttir, þú ert á leið til útlanda.

Doktor Gunni er Rödd skynseminnar fyrir hönd Iceland Express. Rödd skynseminnar á Facebook leitaði í síðustu viku að besta sparnaðarráðinu fyrir ferðalanga og hér er niðurstaðan. Take it away, doktor!

Hæ, Dr. Gunni hér - ööö, Rödd skynseminnar, eins og þau kalla mig hjá Iceland Express. Takk fyrir að taka þátt í leitinni að skynsömustu röddinni á Facebook-síðunni minni. Það kom hellingur af góðum ábendingum inn og við getum örugglega notað margt af því í einhvers konar databeis, eða linka-safn, sem ég sé fyrir mér að við setjum inn á roddskynseminnar.is.

Hafandi farið yfir innleggin ykkar hef ég ákveðið að Hrönn Gudmundsdóttir sé sú heppna! Hún fær tvo flugmiða í verðlaun.

Hrönn skrifar: Skipuleggja sig vel með fyrirvara.  HVAÐ VILTU GERA Á ÞEIM TÍMA SEM ÞÚ HEFUR! Fara á netið og skoða staðinn sem þú ert að fara til – skoða hvað er í boði markvert sem þig langar að sjá – velja það áhugaverðasta ef tíminn er stuttur – skoða ferðavefi og hvað er boðið frítt t.d söfn – skoða samgöngur og kaupa strætókort ef í boði eru – athuga með veitingastaði sem mælt er með – skoða ummmæli gesta um verðlag og þjónustu – panta gistingu á netinu – fullt af þjónustuvefjum sem bjóða allt að 75% afslátt á gistingu, skoðunaferðum, leikhúsum o.fl.

Það er reyndar margir aðrir sem skrifa eitthvað álíka, en ég dró Hrönn úr pottinum.

Í svona stuttum skreppiferðum af klakanum (sem eru algjörlega nauðsynlegir svo maður úldni ekki í fábreytninni hérna - Ísland best í heimi samt!), finnst mér mjög nauðsynlegt að vera búinn að undirbúa sig mjög vel áður. Bæði með því að kaupa sér borgarbók (mæli með Lonely Planet) og með því að hanga á netinu.

Að undirbúa ferð getur einmitt verið mjög skemmtilegt. Það er gaman að hlakka til og enn skemmtilegra að vita til hvers maður á að hlakka! Þó maður verði náttúrlega að gefa sér speis fyrir óvæntar uppákomur í ferðinni hefur mér reynst vel að vera með margt planað fyrirfram, til dæmis að vera búinn að ákveða á hvaða veitingastað maður etur.

Úti er gott að panta borð í gegnum síma og kynna sig sem DOCTOR (Hrönn getur kynnt sig sem Doctor Gudmundsdottir). Það tryggir manni bestu hugsanlega þjónustuna og jafnvel besta borðið á staðnum! Í alvöru, ég hef reynsluna af þessu (enda miklu auðveldara að kynna sig sem Doktor Gúnní en Mr. Hjálmarsson!)

Þakka ykkur svo enn og aftur fyrir þáttökuna og bless og meðan!
Dr. Gunni


Bloggað 14. september 2009, kl. 15:27



Hrafninn flýgur hvað...

Okkar fólk á Facebook er með alla bestu titlana

Þar sem Alþjóðlega kvikmyndahátíðin í Reykjavík er rétt handan við hornið, (nákvæmlega níu daga handan við það), og Iceland Express er einn af aðalbakhjörlum hátíðarinnar, þá fórum við að velta fyrir okkur að það gæti nú verið gaman að fá nýjar hugmyndir um titla á íslenskum bíómyndum sem enn á eftir að framleiða.

Að sjálfsögðu kom bara eitt til greina — spyrja alla vini okkar á Facebook, enda ekki ónýtt að geta ausið úr næstum því 10.000 viskubrunnum á einum stað.

Viðbrögðin voru eftir þessu og valið um fimm bestu titlana ansi snúið fyrir dómnefndina, en topp 5 titlasmiðir landsins (þar til annað kemur í ljós) eru:

- Eva Rós Ólafsdottir - "Blóðhátíð í Eyjum" - Splatter.
- Benedikt Jón Sigmundsson - "Útrásarlíf" - Þór og Danni gerast núna útrásarvíkingar í leikstjórn Þráinns Bertelssonar :)
- Örn Úlfar Sævarsson - "Áætlun Ikarus" - Spennumynd um hvað hefði gerst ef Þjóðverjar hefðu hertekið Ísland á undan Bretum í seinni heimstyrjöldinni
- Magnus Unnar  - "Hvar er gúmmískórinn minn?" - Saga einfætts sveitapilts frá Raufarhöfn upp úr 1940 og fyrstu ferð hans til Reykjavíkur. 
- Trausti Snær Kristjánsson - "Sonur minn er enginn hommi" -  Dramamynd þar sem grínið er ekki langt undan... Örn Árnason leikur svona semi alvarlegt hlutverk sem faðir samkynhneigðs manns sem leikinn er af Pétri Jóhanni. Faðirinn er mjög umdeildur maður í íslensku þjóðfélagi og endar myndin svo á því að hann klikkast endalega og sonurinn flytur norður! Bubbi á svo að sjálfsögðu heiðurinn af tónlistinni í myndinni!

Til hamingju öll. Þið hafið unnið ykkur inn miða fyrir tvo á eina af ótalmörgum sýningum á alþjóðlegu kvikmyndahátíðinni. Við sendum ykkur línu á Facebook (nema hvað) með nánari upplýsingum um það hvar þið nálgist miðana góðu.

Og svona í lokin — ekki gleyma að mæta á kvikmyndahátíðina, 17. til 27. september. Alls kyns augnakonfekt þar á ferð.


Bloggað 8. september 2009, kl. 15:21



Tvær góðar leiðir til London

Iceland Express endurnýjar kynnin af London Stansted

Segjum bara hlutina eins og þeir eru.

Við söknum Stanstedflugvallar.

Ekki misskilja þetta — við kunnum líka ákaflega vel við okkur á Gatwick. Fólkið er voða vingjarnlegt, alveg magnaðar kjötbökur sem fást í kaffiteríunni þar og svo virðast farþegarnir okkar vera kátir með að geta flogið þangað, sem hefur nú soldið að segja fyrir öll flugfélög.

En sem sagt, við fórum að pæla aðeins í þessu og niðurstaðan varð sú að auðvitað getum við endurnýjað kynnin við vini okkar á Stansted. Síðan hvenær er það annars bannað að fljúga til tveggja flugvalla í sömu borg?

Þannig að frá og með 2. nóvember verða tvö vikuleg flug til Stansted — hrein viðbót við flugið til Gatwick sem verður daglega í allan vetur.

Aldeilis góðar fréttir það fyrir fólk með valkvíða.


Bloggað 6. september 2009, kl. 16:26



Staðfest sambúð með Samtökunum

Iceland Express endurnýjar samstarfssamning við Samtökin '78.

Fyrir skömmu var skrifað undir endurnýjaðan samstarfssamning á milli Iceland Express og Samtakanna '78, en síðastliðin tvö ár höfum við stutt við bakið á Samtökunum og því starfi sem þau sinna fyrir samkynhneigða á Íslandi.

„Það breytir öllu fyrir okkur og okkar starf að hafa góðan og traustan bakhjarl,“ sagði Frosti Jónsson, formaður Samtakanna ´78, þegar samningurinn var undirritaður.

Við þökkum Frosta hlý orð í okkar garð og okkur er bæði ljúft og skylt að endurgjalda hólið með því að þakka gott samstarf á síðustu misserum. Megi það halda áfram um ókomin ár.

Á meðfylgjandi mynd má sjá þegar fyrrnefndur Frosti og Siggi Valur markaðsstjóri handsöluðu nýja samninginn. Það skal áréttað að þeir félagar eru ekki eineggja tvíburar aðskildir í æsku, en líkindin eru samt sem áður hreint sláandi og við látum lesendum bloggsins það eftir að giska á hvor er hvor.


Bloggað 19. ágúst 2009, kl. 09:57



Beint til Birmingham

Nýr áfangastaður hjá Iceland Express sumarið 2010.

Næsta sumar bjóðum við upp á tvöfaldan skammt af Bretlandi, þegar við bætum Birmingham á Iceland Express-landakortið og hefjum beint flug þangað.

Og nú kynni einhver forvitin sál að spyrja, af hverju Birmingham?  

Það eru nú ýmsar ástæður fyrir því.

- Í fyrsta lagi er Birmingham afar vel staðsett, mitt á milli London og Manchester, svo þetta er aldeilis tilvalinn áfangastaður fyrir þá sem vilja skoða eitthvað meira á Bretlandi en Big Ben og Buckingham.

- Í öðru lagi er flugvöllurinn í Birmingham með þeim stærstu á Bretlandseyjum. Hann er til dæmis einn af stærri tengiflugvöllum Ryanair og því möguleikar á tengiflugum fjölmargir. 

- Og í þriðja lagi þá er skyldumæting til Birmingham fyrir alla nammigrísi og súkkulaðiunnendur, enda höfuðstöðvar Cadbury-súkkulaðirisans og Cadbury World.
Er eitthvað betra en skemmtigarður með súkkulaðiþema? Við höldum ekki... 

Flogið verður vikulega til Birmingham frá 1. júní til 31. ágúst 2010.


Bloggað 10. ágúst 2009, kl. 16:11



Ó hýra Reykjavík!

Hommar, lesbíur, Iceland Express og allir hinir halda upp á Hinsegin daga um helgina.

Það þarf engan veðurfræðing til að segja okkur að það verður stór regnbogi yfir Reykjavík alla helgina, þegar samkynhneigðir, aðstandendur þeirra og velunnarar halda Hinsegin daga 2009 hátíðlega.

Þetta er í 11. skiptið sem Hinsegin dagar eru haldnir í Reykjavík og það er óhætt að lofa að glimmerið og pallíetturnar verða ekki skornar við nögl þetta árið, fremur en hin fyrri, enda eiga hommar og lesbíur von á metfjölda gesta í bæinn þegar Gleðigangan — hápunktur Hinsegin daga — mun dilla sér niður Laugaveginn.

Sem stoltur stuðningsaðili Samtakanna 78, samtaka homma og lesbía á Íslandi, óskum við hjá Iceland Express öllum samkynhneigðum til hamingju með Hinsegin daga 2009 og vonum að það verði hýrt og kátt yfir höfuðstaðnum nú um helgina.


Bloggað 7. ágúst 2009, kl. 11:11



Iceland Express er 13. stærsta flugfélag heims

Að minnsta kosti á Facebook.

Eins og allir aðrir Íslendingar og mömmur þeirra er Iceland Express á Facebook. Við notum síðuna okkar þar til að segja frá tilboðum, leita ráða hjá farþegum, (til dæmis um veitingahús í Kaupmannahöfn eða bari í Berlín) gefa miða á hitt og þetta (aðallega Papana virðist vera), finna kærustu handa Sigga markaðsstjóra og vera með almennan fíflagang.

Í vikunni fórum við svo yfir 9.000 vina múrinn, sem þýðir að við eigum jafnvel meira en sjálfur Hemmi Gunn. (Okkur skilst samt að Hemmi sé þrátt fyrir það bara hress, ekkert stress, bless.) 

Svo kom í morgun þessi hávísindalega rannsókn frá Inside Facebook sem sýnir að við erum númer 13 á lista yfir stærstu flugfélög og ferðatengda aðila á Facebook.

Hvað gera bændur þá?

Nú, þegar þeir eru búnir að láta fjölmiðlana vita fagna bændur auðvitað með því að gefa vinum sínum flugmiða.

Þannig að á hádegi á þriðjudag drögum við af hinu alþekkta handahófi einhvern úr vinabunkanum og sendum rakleiðis til London eða Kaupmannahafnar í fylgd með vini eða vandamanni að eigin vali.

Þannig að ef þú ert ekki vinur nú þegar er þetta rétti tíminn.

Iceland Express á Facebook


Bloggað 17. júlí 2009, kl. 15:58



Við erum á allra vörum

hspace="5"Iceland Express gerir góðverk með glossi.

Það þykir líklegast ekki til tíðinda að boðið sé upp á snyrtivörur og annan fegurðarvarning til sölu um borð í vélum Iceland Express.

Í júní og júlí í sumar bregður hins vegar svo við að við munum bjóða upp á Dior varagloss til sölu um borð og allur ágóðinn af sölunni rennur til átaksins "Á allra vörum".

"Á allra vörum" var fyrst hrint af stað fyrir ári þegar hafin var sala á varaglossum og rann allur ágóðinn (litlar 50 milljónir, takk fyrir) til kaupa á tækjabúnaði til greiningar á brjóstakrabbameini. 

Málefnið að þessu sinni er sannarlega gott einnig, því ágóðinn af sölunni rennur óskiptur til byggingar á hvíldarsetri fyrir krabbameinssjúk börn og fjölskyldur þeirra.

Fyrir þá tryggu lesendur bloggsins sem ætla ekki að taka flugið með okkur í sumar, má benda á að til 14. júní nk. er hægt að kaupa "Á allra vörum"-varaglossið á útsölustöðum Dior á Íslandi, svo allir ættu að eiga greiðan aðgang að góðverkaglossinu.

Við hjá Iceland Express erum stolt af því að taka þátt í svo verðugu verkefni og vonum að farþegar okkar muni leggja sitt lóð á vogarskálarnar til að gera drauminn um hvíldarsetur fyrir krabbameinssjúk börn að veruleika.


Bloggað 4. júní 2009, kl. 13:20



Halló Gatwick!

Fyrsta flug Iceland Express til nýs flugvallar í London.

Dagurinn í dag, 1. maí 2009, markaði ákveðin tímamót fyrir okkur hjá Iceland Express. 

Við kvöddum vini okkar á Stansted-flugvelli, sem hafa fylgt okkur allt frá stofnun félagsins, og tókum stefnuna þess í stað suður fyrir London — til Gatwick flugvallar.

Árin sex sem við höfum eytt á Stansted hafa verið harla góð, en – (það er alltaf eitthvað "en") – við ætlum sem sagt að veðja á Gatwick sem framtíðaráfangastað, enda er hann enn styttra frá öllu fjörinu í miðborg Lundúna, og ekki skaðar að hafa næstum endalausa möguleika á fínum tengiflugum þaðan um stærstan hluta hins siðmenntaða heims.

Að sjálfsögðu var smá húllumhæ í Leifsstöð af þessu tilefni eldsnemma í morgun — borðaklippingar og breskir drottningarlífverðir á staðnum, eins og sjá má hér að ofan. 

Á myndinni eru þeir Matthías forstjóri og Kristján Möller, samgönguráðherra, að opna leiðina til Gatwick ásamt tveimur öðrum heiðursmönnum sem bloggið veit engin deili á, en þeir mættu alla vega í jakkafötum og með skæri og því sjálfsagt að leyfa þeim að taka þátt í seremóníunni.

Sem sagt, leiðin er greið til Gatwick og með átta flug vikulega í allt sumar ættu flestir að geta fundið rétta flugið til að heimsækja nýja völlinn og taka um leið púlsinn á heimsborginni við Thames. 


Bloggað 1. maí 2009, kl. 20:26



Útkall til Evrópu!!!

Sumartilboð til Evrópu — 5.000 sæti á tilboðsverði, frá 8.692 kr.

Sumir segja að Evrópa sé alveg málið. Er ekki tilvalið að kíkja yfir pollinn og skoða dýrðina með eigin augum?

Hvert: Berlín, Köben, London og Varsjá.

Fljúgðu: Frá 1. til 31. maí 2009.

Kauptu: Tilboðið stendur í aðeins 12 klukkustundir —
frá kl. 12.00 til kl. 23.59 í dag, 28. apríl.

Verð: Frá 8.692 rammíslenskum krónum, aðra leið með sköttum og öðrum greiðslum.

Smáa letrið: Valdar dagsetningar og takmarkað sætaframboð.

Herlegheitin hefjast stundvíslega klukkan 12  á hádegi í dag og ekki gleyma — fyrstir bóka, fyrstir fá. 

ATH, ATH!!! Tilboðið er hafið. Þú hefur nákvæmlega hálfan sólarhring til að finna flug á spottprís. 


Bloggað 28. apríl 2009, kl. 00:54



Traustur vinur getur gert kraftaverk

Iceland Express sendir nokkra Fésbókarvini sína til útlanda algjörlega frítt (sem er nú hálfgert kraftaverk).

Það þurfa allir að eiga góða vini og við viljum eiga fullt af þeim.

Þess vegna datt okkur í hug að hafa smá vinakeppni á Fésbókarsíðu Iceland Express (Facebook, fyrir þá sem ekki skilja íslensku) og draga út einn heppinn vinningshafa fyrir hverja 500 einstaklinga sem gerðust vinir okkar á síðustu 8 dögum.

Og hvílík viðbrögð! Rúmlega 5.500 nýir vinir hafa bæst í hópinn — ekki svo slæm uppskera á rúmri viku. Þetta þýðir að við ætlum að bjóða ellefu heppnum vinum til útlanda.

Á myndinni hér til hliðar getur að líta vinningshafana ellefu í allri sinni dýrð.

Vinningshafarnir eru:
- Hafdís Berg
- Heiðar Már Guðlaugsson
- Gígja Jónsdóttir
- Ómar Olgeirsson
- Guðrún Þorbjörg Þórðardóttir
- Esther Erludóttir
- Birna Jóhannsdóttir Jóhannsdóttir
- Kópur Guðjónsson
- Anný Elín Bentsdóttir
- Ari Björn ólafsson
- Rósa Haraldsdóttir Kjeld

Þetta er sem sagt fólkið sem getur boðið einum heppnum vini með sér til annað hvort London eða Köben í sumar.

En það þarf enginn af hinum 5.900 vinum okkar að örvænta um eigin hag, því við ætlum að vera dugleg við að koma með sértilboð og alls kyns sniðugheit á Fésbókina.

Til hamingju vinningshafar. Þið getið sótt gjafabréfin ykkar á skrifstofu Iceland Express í Grímsbæ beint eftir helgi. (Munið að taka með skilríki).

Vertu með í vinahópnum.


Bloggað 17. apríl 2009, kl. 16:32



Haukastúlkur hefja sig til flugs

Kvennalið Hauka eru Íslandsmeistarar í Iceland Expressdeildinni í körfuknattleik.

Þá er það komið á hreint — Haukastúlkur er bestar í körfubolta kvenna á Íslandi þetta árið og þær hafa bikara og medalíur til að sanna það!

Haukar höfðu betur gegn kvennaliði KR í æsispennandi fimm leikja úrslitaviðureign þar sem dramatík og frábær tilþrif réðu ríkjum.

Síðasta viðureignin fór fram á Ásvöllum síðastliðið þriðjudagskvöld og endaði hún með fimm stiga sigri Hauka, 69-64.

Að sjálfsögðu var Íslandsmeistaratitillinn afhentur í leikslok og á myndinni má sjá Matthías forstjóra og Telmu Björk Fjalarsdóttur, einn af burðarásum Haukaliðsins, en svo skemmtilega vill til að Telma er líka einn af okkar ágætu flugliðum sem sér um að halda farþegum Iceland Express ánægðum og öruggum í háloftunum. 

Þess má reyndar geta að Matthías er gallharður KR-ingur, en eins og sjá má á brosinu tók hann ósigri sinna kvenna mjög vel.

Til hamingju Haukastúlkur! 


Bloggað 2. apríl 2009, kl. 22:10



Borgarskotið borgar sig

Enn ein stórskyttan skýtur sér á flug til Evrópu.

Úrslitakeppnin í Iceland Express deildinni í körfubolta stendur sem hæst þessa dagana og er þar um að ræða sannkallaða háspennu, lífshættu, sem enn sér ekki fyrir endann á (sem betur fer).

Síðastliðið föstudagskvöld fór fram leikur á milli KR og Keflavíkur sem mun án nokkurs vafa fara í sögubækurnar sem einn magnaðasti leikur íslensks körfuknattleiks — fjórar framlengingar og flautuskot sem eiga vart sinn líka.

En það var ekki síður spenna í lofti í hálfleik þegar nokkrir heppnir áhorfendur reyndu sig við borgarskot Iceland Express.

Ungur KR-ingur, Guðjón Böðvarsson, náði draumaskkoti og setti niður einn þrist af erfiðara taginu – beint frá miðlínu. Eins og vanalega þá er sjón sögur ríkari.

Fyrir vikið nældi kappinn sér í flug til einhvers af áfangastöðum Iceland Express í sumar.

Til hamingju Guðjón!


Bloggað 30. mars 2009, kl. 16:43



Hinsegin bolti

Iceland Express Cup fer fram á Íslandi um páskana.

Um síðastliðna helgi fór fram ansi hreint fjörugur fótboltaleikur í knatthúsinu Kórnum í Kópavogi.

Tilgangurinn var sá að kynna Iceland Express Cup 2009 – alþjóðlegt mót samkynhneigðra, sem fer fram á Íslandi um páskana.

Leikur þessi var með líflegasta móti, enda öttu þar kappi meðlimir úr Fótboltafélaginu Styrmi og svo einvalalið þjóðþekktra Íslendinga auk pólitíkusa í prófkjörshugleiðingum.

Meðal margra frægra mátti til að mynda sjá Bjarna Benediktsson, Helenu Jónsdóttur, Gunnar Helgason og Loga (í beinni) Bergmann.

Eftir líflegan leik urðu úrslit þau að hinir þjóðþekktu mörðu 3-2 sigur á Styrmismönnum.

En þetta er aðeins forsmekkurinn að því sem koma skal, því sem fyrr segir byrjar aðalfjörið um páskana þegar samkynhneigðar knattspyrnuhetjur hópast til landsins hvaðanæva að. Búast má við á bilinu 80-100 leikmönnum auk dómara og áhangenda, svo það það verður hýrt yfir Kórnum um hátíðarnar.

Á myndinni, sem Arnór F. Reynisson tók, má sjá Dag B. Eggertsson í harðri baráttu um atkvæði boltann við einn Styrmismanna.


Bloggað 9. mars 2009, kl. 22:34



Komin á grunnskólaaldurinn

Afmælistilboð Iceland Express – 6.000 flugsæti til Evrópu á verði frá 7.995 kr.

Þessa dagana fögnum við hjá Iceland Express sex ára afmæli fyrirtækisins og eins og vanalega viljum við bjóða öllum hagsýnum ferðalöngum að taka þátt í afmælisfagnaðinum með okkur með sérstöku afmælistilboði.

Hvert: Til Berlínar, Kaupmannahafnar, London Stansted og Varsjár.

Fljúgðu: Frá 3. til 31. mars maí 2009.

Hve mikið: Frá 7.995 kr. aðra leið með sköttum og öðrum greiðslum.

Kauptu: Tilboðið gildir aðeins í 12 klukkustundir, frá klukkan 12:00 til 23:59, mánudaginn 2. mars.

Smáa letrið: Takmarkað sætaframboð og valdar dagsetningar.

Taktu þátt í afmælisveislunni okkar. Gjafir og heillaóskaskeyti afþökkuð en hlýjar hugsanir og ferðagleði vel þegin, eins og ávallt.

Uppfært 2. mars kl. 14:11. Tilboðið komið á fulla ferð og miðarnir rjúka út. Til að gera gott tilboð enn betra hefur verið ákveðið að lengja ferðatímabilið til 31. maí. Jibbí!


Bloggað 26. febrúar 2009, kl. 23:01



Segðu það með blómum

Blómstrandi stemning um borð á konudeginum.

Eins og karlkyns lesendur bloggsins hafa vonandi munað tímanlega eftir, var konudagurinn haldinn hátíðlegur síðastliðinn sunnudag.

Að sjálfsögðu var okkur bæði ljúft og skylt að sýna í verki ótakmarkaða og óendanlega virðingu fyrir kvenkyninu. Af því tilefni var öllum kvenkyns farþegum Iceland Express þennan daginn afhent rós í litum fyrirtækisins.

Uppátækið féll að vonum í frjóan jarðveg, eins og glöggt má greina á meðfylgjandi mynd, þar sem sjá má Eymar Pledel Jónsson, flugliða afhenda einni af fjölmörgum blómarósum dagsins gjöfina.


Bloggað 24. febrúar 2009, kl. 14:55



Út með þessa músík!

Iceland Express hjálpar til við íslensku tónlistarútrásina.

Iceland Express, Útflutningsskrifstofa íslenskrar tónlistar og Admirals Palast leikhúsið í Berlín hafa gert með sér samkomulag um að reka íslenskan tónlistarklúbb í Þýskalandi og hefur klúbburinn hlotið hið þjóðlega og hljómmikla nafn, Norðrið.

Tilgangurinn er að styðja við bakið á íslenskum tónlistarmönnum og hljómsveitum sem eru að hasla sér völl í Þýskalandi, með frekari heimsyfirráð sem markmið, að sjálfsögðu.

Skipulögð verður tónleikaröð á tónlistarklúbbum í nokkrum borgum í Þýskalandi. Fyrir utan Admirals Palast í Berlín, þar sem stórvesír íslenskrar sveitaballamenningar, Helgi "eru ekki allir sexý?" Björnsson veitir forstöðu, er þegar búið að koma á samstarfi við virta tónleikahaldara í Köln og Hamborg og fleiri borgir eru í deiglunni.

Það er söngvaskáldið með flauelsröddina, sjálf Lay Low, sem ríður á vaðið og opnar Norðrið formlega með tónleikum í Þýskalandi í mars.

Ef meðfylgjandi mynd prentast vel, geta glöggir lesendur greint þegar Anna Hildur Hildibrandsdóttir hjá ÚTÓN og markaðstjórinn okkar, Birna Guðmundsdóttir, undirrituðu samkomulag um rekstur Norðursins.

Við hjá Iceland Express erum afar kát með að leggja okkar af mörkum til þessa verkefnis og hlökkum til að fljúga með framtíðarstjörnur íslensku tónlistarútrásarinnar yfir Atlantsála á vit frægðar og frama á meginlandinu.


Bloggað 17. febrúar 2009, kl. 11:03



Listagyðjan tekur flugið

Listahátíð í Reykjavík og Iceland Express í samstarf í fyrsta sinn.

Það er gaman frá því að segja að í síðustu viku var skrifað undir samstarfssamning á milli Listahátíðar í Reykjavík og Iceland Express, þess efnis að fyrirtækið verði einn af aðalsamstarfsaðilum Listahátíðarinnar til næstu tveggja ára.

Það voru þau Hrefna Haraldsdóttir, listrænn stjórnandi Listahátíðar, og Matthías forstjóri (sem er líka soldið listrænn stjórnandi í sér) sem undirrituðu samninginn í höfuðstöðvunum hér í Grímsbæ

Við þetta tækifæri sagði Matthías: Starfsfólk Iceland Express er ákaflega hreykið af því að geta lagt lóð sitt á vogarskálarnar á þessum erfiðu tímum og tekið þátt í að tryggja áframhaldandi blómstrandi menningarlíf. Ég hygg að þýðing listarinnar fyrir sjálfsmynd og sálarheill þjóðarinnar, hafi aldrei verið meiri. Enda heyjum við nú í raun, nýja sjálfstæðisbaráttu".

Listahátíð í Reykjavík 2009 verður haldin dagana 15. til 31. maí.


Bloggað 26. janúar 2009, kl. 15:57



Takið eftir, takið eftir!

5.000 flugsæti til Evrópu á frábæru tilboðsverði — frá 6.995 kr.

Þar kom að því.

Fyrsta tilboð ársins er að hrökkva í gang og nú ættu allir með minnsta snefil af útrásarlöngun að sperra eyrun og kipra augun, því sem fyrr gildir hið fornkveðna að sveltur sitjandi kráka en fljúgandi fær ... að fljúga með okkur út í heim á hreinum spottprís.

Hvert: Til Berlínar, Kaupmannahafnar, London Stansted og Varsjár.

Fljúgðu: Frá 16. janúar til 28. febrúar 2009.

Hve mikið: Frá 6.995 kr. aðra leið með sköttum og öðrum greiðslum.

Kauptu: Tilboðið gildir aðeins í 12 klukkustundir, frá klukkan 12:00 til 23:59, 15. janúar.

Smáa letrið: Takmarkað sætaframboð og valdar dagsetningar.

Nú er bara að muna að taka sér stöðu fyrir framan tölvuskjáinn skömmu fyrir hádegi á morgun, því fyrstir koma, fyrstir fá.

NÝJUSTU FRÉTTIR: Tilboðinu er lokið. Við þökkum kærlega fyrir aldeilis frábærar viðtökur. (uppfært kl. 00:02, 16. janúar)


Bloggað 14. janúar 2009, kl. 16:40



Hafþór on a budget

Vinningshafinn fundinn í verðlaunaleik Maju on a budget.

Á jólaföstunni ákváðum við hjá Iceland Express að búa til lítinn verðlaunaleik í tengslum við nýjasta útrásarverkefni okkar - Maja on a budget.

Athugulir gestir á vef okkar áttu kost á að vinna flug fyrir tvo til Kaupmannahafnar, auk gistingar og gestakorts í boði vina okkar hjá Visit Copenhagen, fyrir það eitt að svara lítilli spurningu um ævintýri Maju erlendis.

Skömmu fyrir jól var svo dregið í leiknum og heppinn framtíðarferðalangur sem er á leið til Köben með hækkandi sól heitir Hafþór Hermóðsson.

Hún Maja okkar afhenti Hafþóri vinninginn á milli jóla og nýárs og gaukaði um leið að honum nokkrum góðum ráðum fyrir ferðalagið, enda er stúlkan gangandi alfræðiorðabók um allt það sem snertir hagkvæm ferðalög. 

Til hamingju með vinninginn Hafþór og njóttu vel.


Bloggað 2. janúar 2009, kl. 11:21



Jólin, jólin alls staðar

Það fer enginn á mis við jólin um borð hjá okkur.

Mikið rétt, jólin eru handan við hornið og af því tilefni verður sannkallaður hátíðarblær yfir veitingaúrvalinu um borð nú í desember.

Piparkökur, jólaöl og og fleira í þeim dúr verður á boðstólum, ásamt öðrum sígildum jólaréttum eins og jólalangloku með jólaskinku og jólaosti og hinum sívinsælu jólaávaxtabökkum.

Auk þess hafa vélarnar fengið smá jólasvip, þar sem búið er að festa fjölda mynda af hinum rammíslensku jólasveinum á farangurshólfin í farþegarýminu, ásamt stuttri lýsingu á íslensku og ensku á þessum kumpánum.

Erlendir gestir munu því geta kynnt sér mannkosti Meat Hooker, Pot Licker og Sausage Snatcher, svo einhverjir þeirra félaga séu nefndir.

Rúsínan í jólapylsuendanum er síðan að boðið verður upp á lifandi tónlistarflutning í völdum flugum í desember til að auka enn á stemninguna.

Í hvaða flugum það verður, veit nú enginn, vandi er um slíkt að spá. En eitt er víst að alltaf ... æ., þið þekkið restina.

Það er því nokkuð ljóst að farþegar Iceland Express munu vart fara á mis við jólin þetta árið. Hó hó hó...


Bloggað 2. desember 2008, kl. 15:18



Út með námsfólkið!

Iceland Express í samstarf við Stúdentafélag Háskólans í Reykjavík.

Eins og sjá má var Matthías forstjóri í sérlega fínum félagsskap í morgun — aldeilis ærin ástæða til að brosa út í bæði þegar vinnudagurinn byrjar svo vel.

Tilefnið var undirritun samnings á milli Iceland Express og Stúdentafélags Háskólans í Reykjavík sem, eins og góðra samninga er siður, er ætlað að koma báðum aðilum til góða ef plönin ganga eftir.

Samkvæmt samningnum mun Iceland Express hafa bókunarborða á vef Stúdentafélagsins og mun félagið fá hlutdeild af andvirði allra seldra miða sem bókaðir verða í gegnum þessa borða.

Ef vel gengur gæti því komið dágóður peningur í baukinn hjá Stúdentafélaginu, sem kemur sér alltaf vel, auk þess sem við hjá Iceland Express hjálpum til við að víkka sjóndeildarhringinn fyrir stúdenta HR. Það þarf nú enga SVÓT-greiningu til að sjá að það græða allir á þessum díl...


Bloggað 10. nóvember 2008, kl. 15:08



Ekki þessi trúðslæti

50 DVD diskar af Klovn bíða nýrra eigenda.

Hrakfallasögur félaganna Franks og Caspers í dönsku sjónvarpsseríunni Klovn hafa aldeilis slegið í gegn hérlendis og þjóðin setið sem límd við skjáinn þegar vandræðin hrannast upp.

Nú ætlum við hjá Iceland Express, í samstarfi við vini okkar hjá VisitDenmark og Wonderful Copenhagen, að efna til lítils leiks þar sem 50 heppnir ferðalangar geta unnið eintak af Klovn á DVD.

Það eina sem þarf að gera er að bóka eins og eitt (nú eða fleiri) flug til Kaupmannahafnar á söguslóðir Klovn. Það skiptir engu hvenær þú vilt fljúga — mundu bara að það þarf að ganga frá bókuninni vikuna 6. til 12. október.

Mánudaginn 13. október drögum við síðan úr öllum bókunum og sendum 50 heppnum Kaupmannahafnarförum póst.

Sláðu kreppunni upp í kæruleysi og taktu flugið til Köben á söguslóðir Klovn.


Bloggað 3. október 2008, kl. 14:04



Væri það ekki indælt?

Hausttilboð 2008Hausttilboð Iceland Express.

Horfðu út um gluggann í smástund og spáðu svo í að þú getur skipt út íslenskum haustlægðum fyrir milt meginlandsloftið í Evrópu fyrir aðeins 7.890 kr. Ekki svo slæm tilhugsun eða hvað?

Hvert:
Hellingur af sætum til Kaupmannahafnar og London og svo kryddum við með góðum slatta af sætum til Alicante, Berlínar, Friedrichshafen og Varsjár.

Hvenær:
Flugtímabil frá 20. september 2008 til 31. mars 2009.

Hversu mikið:
Frá 7.890 kr. með sköttum og öðrum greiðslum.

Kauptu:
Frá kl. 12:00, fimmtudaginn 18. sep til kl. 23:59, föstudaginn 19. sep.

Sestu tímanlega við tölvuna, því þó hinir síðustu verði fyrstir í biblíusögunum, þá gerist það ekki hjá okkur. Þeir fyrstu verða fyrstir og kaupa á lægsta verðinu.

Mundu, salan hefst klukkan 12 á hádegi í dag! 


Bloggað 17. september 2008, kl. 18:02



Sannkallaðir jazzgeggjarar

Iceland Express einn af stuðningasaðilum Jazzhátíðar Reykjavíkur.

Þeir segja að heima sé best en við erum ekkert endilega sammála því.

Hvað sem öðru líður þá er víst á hreinu að jazzinn mun brátt hljóma í hverjum krók og kima í höfuðstaðnum þegar Jazzhátíð Reykjavíkur hefst.

26. til 30. ágúst munu kontrabassi, trommur, brass – píanó og rámur tenórsax, og án efa einhver fleiri hljóðfæri öðlast jazzað líf í meðförum músíksnillinga á borð við Sigurð Flosason og Theo Bleckmann.

Þetta er sannkölluð veisla fyrir jazzunnendur og við hjá Iceland Express erum kát með að geta lagt okkar af mörkum til að gera hátíðina að veruleika.

Iceland Express og Jazzhátíð Reykjavíkur — músíkalskt par.


Bloggað 18. ágúst 2008, kl. 16:21



Síðsumartilboð Iceland Express

Allt í blóma í Evrópu.

Höfum eitt á hreinu. Veðrið í sumar hefur barasta verið býsna gott á Íslandi. En allir góðir hlutir taka enda og nú er haustið handan við hornið.

En bíddu við. Árstíðalögmálið er ekkert lögmál! Nú ætlum við að hjálpa til við að halda sumrinu ögn lengur með sérstöku síðsumartilboði á flugi til Evrópu.

Áfangastaðirnir eru út um alla álfuna — Barcelona, Berlín, Billund, Eindhoven, Frankfurt Hahn, Kaupmannahöfn, London Stansted og París.

Ferðatímabil: Frá 18. ágúst til 15. september 2008.

Verð: Frá 8.490 kr. með sköttum og öðrum greiðslum.

Sölutímabil: Sala á síðsumartilboðinu hefst kl. 12:00, mánudaginn 18. ágúst og stendur til kl. 23:59 þriðjudagskvöldið 19. ágúst.

Mundu bara að eins og vanalega þá er sætaframboðið takmarkað og valdar dagsetningar í boði, en vonandi finna nú allir eitthvað við sitt hæfi.

Kíktu á vefinn hjá okkur á hádegi á mánudag og framlengdu sumarið með flugi til meginlandsins.

Uppfært 18. ágúst: Salan er hafin og flugsætin rjúka út.


Bloggað 15. ágúst 2008, kl. 12:11



Nú yngjum við upp

Iceland Express tekur í notkun Boeing 737-700 flugvélar.

Það er komið að ákveðnum kaflaskiptum hjá okkur.

MD-90 flugvélarnar sem hafa ferjað ófáa Íslendinga yfir Atlantshafið, (og góðan slatta af útlendingum líka), eru teknar að lýjast ögn, enda búnar að duga okkur vel. 

Þá gildir hið fornkveðna: Út með það gamla og inn með það nýlega.

Frá og með næsta hausti tekur Iceland Express í notkun Boeing 737-700 vélar sem vinir okkar og viðskiptafélagar hjá Astraeus eiga og reka, og var skrifað undir leigusamning þess efnis í gær. 
  
Boeing flugvélarnar eru töluvert sparneytnari en forverarnir — ekki slæmt þegar dropinn er dýr — og svo er nú ekki verra að bilnatíðnin er almennt lág, sem er náttúrulega sem músík í flestra eyru (nema kannski flugvirkja í atvinnuleit).

Nýju djásnin verða tekin í notkun í september svo nú er um að gera fyrir alla hina sauðtryggu lesendur bloggsins að taka flugið á haustmánuðum og berja dýrðina augum.


Bloggað 24. júlí 2008, kl. 10:29



Havana Express

Iceland Express slær salsataktinn með Buena Vista Social Club í Reykjavík.

Nei, því miður erum við ekki að hefja beint flug til Kúbu. Þess í stað hjálpum við til við að flytja Kúbu til Íslands.

Iceland Express er sem sagt aðalstyrktaraðili tónleika sem hinir síungu snillingar í Buena Vista Social Club munu halda í Vodafone-höllinni á Hlíðarenda, fimmtudagskvöldið 24. júlí. 

Hinar öldnu kúbversku kempur hafa engu gleymt (a.m.k. ekki á tónlistarsviðinu) og þó svo nokkrir af frumherjum bandsins séu farnir yfir móðuna miklu, er óhætt að lofa aldeilis mögnuðum tónleikum þar sem andi Havana mun eflaust svífa yfir vötnum.

Eftir því sem bloggið best veit er enn hægt að nálgast miða á herlegheitin á midi.is.

Lifi byltingin!


Bloggað 22. júlí 2008, kl. 14:05



Verkfallsfréttir

Fréttatilkynning frá Iceland Express v/fyrirhugaðs verkfalls flugumferðarstjóra.


Iceland Express vill koma eftirfarandi skilaboðum á framfæri vegna fyrirhugaðs verkfalls flugumferðarstjóra
 
Vegna væntanlegs verkfalls flugumferðarstjóra hvetur Iceland Express viðskiptavini sína sem eiga bókað flug í fyrramálið, föstudaginn 27. júní til að fylgjast vel með heimasíðu Iceland Express, icelandexpress.is eða öðrum miðlum sem veita upplýsingar um komur- og brottfarir frá Keflavíkurflugvelli. Mun Iceland Express uppfæra heimasíðu sína með nýjustu upplýsingum hverju sinni.
 
Iceland Express harmar mjög fyrirhugað verkfall, en ef til þess kemur er alls óvíst hvaða áhrif það mun hafa á áætlun félagsins föstudaginn 27. júní. Þó hefur verið ákveðið að flýta flugi félagisins til Barcelona sem fara átti í loftið kl. 07.00. Nýr brottfarartími er kl. 06.20 eða 40 mínútum fyrr en áætlað verkfall á að hefjast.
 
Iceland Express mun leita allra leiða til þess að lágmarka óþægindi viðskiptavina af boðuðu verkfalli.

UPPFÆRT 27. JÚNÍ:
Búið er að aflýsa verkfalli flugumferðarstjóra. Flugáætlun næstu daga verður því með eðlilegum hætti


Bloggað 26. júní 2008, kl. 20:59



Sagnamaðurinn snjalli

Forstjórinn er ekki allur þar sem hann er séður.

Bridskóngar Laugarvatns

Matthías Imsland, forstjóri Iceland Express, hefur eðli málsins samkvæmt verið nokkuð í sviðsljósi fjölmiðla síðan hann tók við stjórn fyrirtækisins fyrir hálfu öðru ári síðan.

Það vita hins vegar færri að kappinn er heldur betur liðtækur bridsspilari og er haft fyrir satt að hann hafi eytt lunga skólaára sinna í að æfa bridssagnir.

Bloggið stóðst því ekki mátið þegar meðfylgjandi mynd rak á fjörur þess. Á myndinni má sjá Matthías, sigurreifan mjög í lok árlegs bridsmóts Laugvetninga, þ.e. fyrrverandi nemenda Menntaskólans á Laugarvatni, sem haldið var 16. júní sl.

Það er ekki að sökum að spyrja að kappinn rúllaði upp mótinu af miklum glæsibrag og hlaut þennan veglega verðlaunagrip sem sjá má á myndinni að launum (Matthías er vinstra megin á myndinni).

Til hamingju Imsland!


Bloggað 22. júní 2008, kl. 23:06



Vantar þig ferðafélaga?

FerðafélaginnNýir afþreyingarmöguleikar um borð hjá Iceland Express.

Þó að það sé auðvitað alltaf gaman að fljúga með okkur, þá getur ríflega þriggja klukkustunda seta í 30.000 fetum verið nokkuð tilbreytingarlaus til lengdar.

Á slíkum stundum er gott að hafa ferðafélaga til að stytta manni stundirnar og nú erum við komin með lausnina á þessum sígilda afþreyingarvanda.

Ferðafélaginn er lítill og handhægur spilari sem hægt er að leigja um borð í vélunum okkar frá 1. júní.

Spilarinn er mjög meðfærilegur og einfaldur í notkun svo það ætti ekki að vefjast fyrir nokkurri sálu að læra á hann.  

En eins og Bjössi í World Class mælti svo spaklega í eina tíð: Það eru ekki fötin sem menn vilja heldur það sem þau hylja. Að sjálfsögðu er það innihaldið sem skiptir mestu máli og þar kemur sko enginn að tómum kofanum.

Úrval af flunkunýjum bíómyndum og vinsælum sjónvarpsþáttum, barnaefni, tölvuleikjum og hvað þetta allt nú heitir. Síðan er skipt um efni á þriggja mánaða fresti svo það er alltaf eitthvað nýtt í boði.

Ferðafélaginn verður í boði um borð í flestum vélum Iceland Express í sumar, fyrst um sinn á sérstöku kynningarverði  – 800 kr. –  svo nú geta farþegar farið að hlakka enn meira til ferðalagsins.


Bloggað 29. maí 2008, kl. 21:28



Litagleðin getur borgað sig

Matur um borðFjögurra ára snáði býður allri fjölskyldunni í frí.

Já, við litum og við litum og við litum stórt og smátt, við litum grænt og brúnt og rautt og gult og fagurblátt.

Svo söng Svanhildur hérna í den og það á svo sannarlega við um hann Harald litla, fjögurra ára sem vann ferð fyrir alla fjölskylduna til Evrópu í litaleik Iceland Express.

Litaleikurinn gekk sumsé út á það að kaupa litabók um borð í vélum okkar en í þeim var svolítil ferðagetraun þar sem meðal annars átti að lita fána og svara léttum spurningum.

Getrauninni var svo skilað inn og var einn heppinn þátttakandi dreginn út. Vinningurinn var að sjálfsögðu ekki af verri endanum — ferð fyrir alla fjölskylduna til einhvers af áfangastöðum Iceland Express í Evrópu.

Allur ágóðinn af sölu litabókanna rann til ADHD-samtakanna. Næstum tvær og hálf milljón króna söfnuðust sem runnu til samtakanna auk ferðastyrks, svo allt í allt fengu samtökin 2.850.000 krónur. Það munar nú um minna!

Til hamingju Haraldur Björn Hjörleifsson!

E.S. fjölskyldan er úr Mosó og telur auk Haralds og litlu systur, eitt stykki mömmu og eitt stykki pabba (vísitölufjölskyldan í hnotskurn)

 


Bloggað 20. maí 2008, kl. 12:25



Af ávöxtunum skuluð þér þekkja þá

Matur um borðIceland Express semur við Ávaxtabílinn um veitingar um borð.

Ekki gráta elskan mín, þó þig vanti vítamín, því á næstunni verður fjölbreytt úrval af girnilegum og meinhollum réttum á boðstólum í öllum flugum Iceland Express.

Við erum sem sagt búin að semja við félaga okkar hjá Ávaxtabílnum um að skaffa veitingar um borð og þar er sko engin óhollusta á ferðinni.

Brakandi ferskt úrvals hráefni sem uppfyllir alla mögulega og ómögulega heilsustaðla og tryggi orkuríkt upphaf að hvaða ferðalagi sem er.

Það verða sem sagt melónur og vínber fín og ýmislegt fleira hollmeti sem farþegar okkar geta hámað í sig á næstu vikum og mánuðum. Bon appetit!


Bloggað 16. maí 2008, kl. 09:58



Þau verða í háloftunum í sumar

22 ferskir flugliðar af færibandinu hjá Iceland Express.

Mile High Club

Það eru nokkrir árvissir vorboðar sem fólk getur gengið að vísu hér á Íslandi.

Hitastigið skríður hægt og sígandi yfir frostmark, litlu lömbin koma í heiminn og hjá Iceland Express útskrifum við nýjan hóp af úrvalsfólki sem verður á ferð og flugi í sumar.

Nú um daginn var akkúrat sú hátíðarstund þegar Matthías forstjóri leit með velþóknunarsvip yfir nýja fólkið og bauð hópinn formlega velkominn til starfa.

Að þessu sinni útskrifuðust 22 nýir flugliðar, eftir margra vikna stífa þjálfun þar sem farið var yfir allt það sem prýða má góðan flugliða — allt frá nauðsynlegum öryggisatriðum um borð yfir í það að hella upp á gott kaffi, sem er náttúrulega ómetanlegur kostur.

Á myndinni hér fyrir ofan má sjá allan hópinn samankominn eftir útskriftina með dúxinn í hópnum, Þorleif Thorlacius, fyrir miðri mynd. Þorleifur var sá eini sem hafði vit á að mæta í útskriftarhófið í fyrirtækislitunum — skarpur strákur þar á ferð.

Bloggið býður nýju flugliðana hjartanlega velkomna til starfa og hlakkar til að fljúga með þeim í sumar.


Bloggað 2. maí 2008, kl. 15:28



Út með listina

Iceland Express sendir íslenska listamenn af landi brott.

Samkomulag handsalað

Næsta árið mun íslensk list fljúga með Iceland Express.

Iceland Express og Kynningarmiðstöð íslenskrar myndlistar (CIA) hafa sem sagt samið um að Iceland Express styrki íslenska myndlistarmenn vegna sýninga þeirra erlendis næsta árið.

Þetta mun vonandi hjálpa upprennandi Gabríelum þessa lands að koma sér á framfæri erlendis og víkka aðeins sjóndeildarhringinn um leið - heimskt er heimalið barn og allt það.

Af þessu tilefni var ónefndur íslenskur listamaður fenginn til að gera handsölun samningsins myndræn skil, eins og sjá má hér til hliðar þar sem Matthías forstjóri tekur þéttingsfast í hönd Christian Schoen, forstöðumanns KÍM.

Myndin var máluð í yfirstærð (3x2 metrar) og stendur til að að setja hana upp hér á skrifstofunni, enda sannkallað augnkonfekt og "Made in Iceland".


Bloggað 18. apríl 2008, kl. 15:54



Íslenskir eðalsokkar

Það er engin táfýla af nýjustu starfsmönnunum okkar.

Þarftu eitthvað að tjá þig um land og þjóð við útlenska vini og kunningja, en þorir ekki að segja það í eigin persónu? 

Ekki örvænta. Segðu það frekar með sokkunum okkar.

Iceland Socks er samansafn nokkurra kjaftforra sokka sem eru á ferðalagi um Ísland og ekkert hræddir við að tjá sig um upplifunina.

Það besta er að þú getur ráðið bókstaflega öllu sem þeir segja og leyft hverjum sem er að sjá útkomuna. Afskaplega hentug leið til að láta allt flakka (engan dónaskap samt).

Sokkarnir okkar eru heldur ekkert hræddir við að segja sína skoðun á þjóðmálunum, eins og sjá má í þessari stuttu klippu, þar sem þeir velta vöngum yfir virkjanakostum hér á landi á.

Láttu okkur hjálpa þér að losa um málbeinið — segðu það með sokkunum.


Bloggað 4. apríl 2008, kl. 14:19



Viltu vinna hjá okkur?

Nú leitum við að sumarafleysingafólki á skrifstofu.

Það kann að virðast hálf ótrúlegt miðað við veðurfarið þessa dagana, en sumarið er nú samt á næsta leyti samkvæmt almanakinu.

Það er sem sagt þessi árvissi tími þegar þarf að huga að sumarfríum og sumarafleysingum og að þessu sinni viljum við bæta við starfsfólki í sumarafleysingar á skrifstofu Iceland Express í Reykjavík.

Við leitum að duglegu fólki sem hefur gaman af mannlegum samskiptum, góða þjónustulund og kann vel við sig í starfsumhverfi sem er oft á tíðum í líflegri kantinum.

Ef þér líst vel á lýsinguna enn sem komið er og vilt reyna fyrir þér á nýjum vettvangi í sumar, er þá ekki alveg tilvalið að smella einu sinni í viðbót og kíkja aðeins betur á dæmið?

 Vertu með í ferðabransanum í sumar.


Bloggað 26. mars 2008, kl. 11:50



Allt er fimm ára fært

Við fögnum fimm ára afmælinu með sérstöku afmælistilboði.

Morgundagurinn, miðvikudagurinn 27. febrúar er stór dagur fyrir okkur því þá fagnar Iceland Express fimm ára afmæli sínu. 

Gjafir og blóm eru vinsamlega afþökkuð, en þeim sem vilja gleðja afmælisbarnið (og sig sjálf um leið), er bent á afmælistilboð Iceland Express — 5.000 flugsæti til fimm áfangastaða  á einungis 6.995 kr. með sköttum og greiðslum.

Áfangastaðir: Kaupmannahöfn, London, Berlín, Barcelona og Alicante.

Sölutímabil: Salan hefst á kl. 12 hádegi, miðvikudaginn 27. febrúar og lýkur kl. 17.00 fimmtudaginn 28. febrúar.

Ferðatímabil: 1. mars til 15. maí 2008.

Smáa afmælisletrið: Takmarkað sætaframboð og valdar dagsetningar í boði.

Mundu — afmælisveislan hefst kl. 12 á morgun. Fyrstir bóka, fyrstir fá.

Uppfært 27. feb: Salan er hafin og miðarnir rjúka út! Bókaðu í einum grænum!

Uppfært 28. feb kl. 12.00: Nú fer hver að verða síðastur því sölunni lýkur kl. 17 í dag.

Tilboðinu er lokið. Takk fyrir frábærar viðtökur.


Bloggað 21. febrúar 2008, kl. 15:48



Margt smátt gerir eitt stórt

ADHD-samtökin fá fullt af peningum frá Iceland Express.

Sólskinsbrosið hans Matthíasar forstjóra er óvenju breitt á myndinni hér til hliðar og sannast þar endanlega hið fornkveðna að sælla er að gefa en þiggja.

Tilefni þessa alls er að í gær afhenti Iceland Express ADHD-samtökunum andvirði 2.350.000 króna sem söfnuðust meðal farþega í vélum Iceland Express frá ágúst 2006 fram til ársloka 2007.

ADHD eru stuðningssamtök fjölskyldna barna og unglinga með athyglisbrest og ofvirkni, en fyrir þá sem ekki þekkja þá er ADHD taugaröskun sem í daglegu tali er kölluð ofvirkni. Rannsóknir sýna að nálægt 5% barna og unglinga glíma við þessa röskun sem lýsir sér einkum í óróleika, hvatvísi og athyglisbresti

Samtökunum voru sem sagt afhentar 1.650.000 kr. í peningum og 700.000 kr. flugmiðaúttekt frá Iceland Express. Áður höfðu samtökin fengið 500.000 kr. ferðastyrk, svo samtals nemur upphæðin 2.850.000 kr. Það má nú ennþá gera eitthvað gagnlegt fyrir slíka upphæð...

Á myndinni má sjá Ingibjörgu Karlsdóttur, formann ADHD-samtakanna, taka við ansi hreint myndarlegum tékka úr höndum forstjórans.


Bloggað 13. febrúar 2008, kl. 12:21



Seinkanir vegna veðurs

Illviðri í Suðurnesjum hefur valdið miklum seinkunum á flugi Iceland Express í dag.

Matthías Imsland, forstjóri Iceland Express, segir að miðað við vallaraðstæður hafi hann talið það ógna flugöryggi að reyna flugtak.

"Við vitum að þetta er mjög slæmt fyrir farþega og okkur þykir þetta afar leiðinlegt," segir Matthías, "en samkvæmt þeim öryggisreglum sem við vinnum eftir hefði hins vegar ekki verið forsvaranlegt að fara í loftið."

Farþegar sem lent hafa í seinkuninni geta hætt við ferðina og fengið hana endurgreidda að fullu, eða breytt ferðadagsetningu sér að kostnaðarlausu. Þeir eru beðnir að hafa samband við þjónustuver Iceland Express í síma 5 500 600. Vegna þessara aðstæðna verður þjónustuverið opið til 21.

Áfram er unnið að því að koma vélunum í loftið seinna í kvöld en erfitt er að segja til um það núna hvernig það mun ganga.

Við uppfærum þessa færslu með nýjustu upplýsingum þegar þær berast, en líka er hægt er að fá upplýsingar um áætlaða brottfarartíma síðu 421 í textavarpinu og á vef Keflavíkurflugvallar.

Uppfært kl. 22:15: Allt flug Iceland Express til og frá London í dag, fimmtudag, hefur verið fellt niður og flestir farþegar munu fara með morgunfluginu á morgun, föstudag. Brottför til Kaupmannahafnar hefur verið frestað til 23.30. Gert er ráð fyrir að flug morgundagsins, föstudagsins 8. febrúar, verði allt á áætlun.

Uppfært kl. 23.15: Þjónustuverinu hefur nú verið lokað fyrir nóttina. Það opnar aftur klukkan 9 í fyrramálið.

Uppfært kl. 00.15: Kaupmannahafnarflugi frestað til 01.30.

Uppfært: Kaupmannahafnarflug farið í loftið. Morgunflug til London, í dag föstudag, frestast til 12.00

Uppfært kl. 11.40: Kominn er staðfestur tími fyrir flug til London — brottför verður klukkan 13.15. Flugið til baka frá London til Íslands er áætlað kl. 17.00. Brottför á flugi til Berlínar hefur auk þess verið flýtt til 14.50 vegna slæms veðurútlits í Keflavík. Verið er að senda farþegum þessar upplýsingar með sms skilaboðum.

Uppfært kl. 15.30: Flug til London fór í loftið rétt fyrir tvö og mun lendir um fimmleytið. Búist er brottför frá London kl. 17.30. Vélin til Berlinar bíður flugtaks í Keflavík. Áætlaðar brottfarir.

Upfært 9. feb kl. 11.05: Flug er að mestu komið i eðlilegar horfur og brottfarir laugardagsins eru á áætlun. Vonum að veðurguðirnir spilli því ekki enn og aftur.


Bloggað 7. febrúar 2008, kl. 18:58



Sigurvefarar, enn á ný

Vefur Iceland Express valinn besti sölu- og þjónustuvefur landsins.

Fyrir rúmlega þremur mánuðum síðan ákváðum við hjá Iceland Express að láta slag standa — tókum hreint ágætlega brúklegan vef og skelltum honum í allsherjar yfirhalningu, eða "make-over" eins og það þykir víst fínt að kalla þetta nú til dags.

Fyrir þá sem ekki vita þá er eitt stykki nýr vefur ekki beinlínis hristur fram úr erminni á hálfri klukkustund eða svo. Svona verkefni kostar blóð, svita og tár (þetta með blóðið eru kannski smá ýkjur en hitt er alveg satt), og svo veit enginn fyrirfram hvort niðurstaðan verður í takt við væntingar.

Það var því heldur betur ánægjulegt að sjá uppskeru erfiðisins koma fram fyrr í dag, föstudaginn 1. feb, þegar vefurinn var valinn besti sölu- og þjónustuvefur landsins af SVEF, Samtökum vefiðnaðarins.

Sigurinn var afskaplega sætur, enda keppinautarnir ekki af lakara taginu og því mikil viðurkenning fyrir okkur frá fagfólki í þessum geira.

Af alkunnri hógværð allra góðra sigurvegara finnst okkur nú rétt að þakka öllum þeim sem lögðu hönd á plóg við verkefnið, (taki þeir til sín sem eiga), og ekki síður hinu ágæta og smekkvísa fólki hjá SVEF fyrir heiðurinn. Takk fyrir okkur.


Bloggað 1. febrúar 2008, kl. 23:04



Við vefumst vel

Iceland Express tilnefnt til Vefverðlaunanna 2007

Hvað sem öðru líður þá getur a.m.k enginn sakað okkur um kjarkleysi þegar kemur að vefnum okkar

Síðastliðið haust fékk Iceland Express alþjóðleg verðlaun fyrir besta vef á meðal lággjaldaflugfélaga. Einhverjir hefðu freistast til að halda sig við vinningsformúluna, en okkur fannst nú samt að við gætum gert enn betur og því var ákveðið að gerbreyta vefnum yfir í það útlit sem hann hefur í dag.

Það er því gaman að segja frá því að nú, þremur mánuðum eftir þessa allsherjar yfirhalningu, er vefurinn okkar í úrslitum í tveimur flokkum íslensku Vefverðlaunanna 2007. Ekki alslæm uppskera það.

Við hlutum sem sagt tilnefningu í flokkunum Besti sölu- og þjónustuvefurinn og Besta útlit og viðmót. Það hentar okkur ósköp vel þar sem við erum einmitt selja okkar vörur og þjónustu á vefnum og við leggjum mikla áherslu á — þú giskaðir rétt — gott útlit og viðmót!

Kunngjört verður um sigurvegara í öllum flokkum Vefverðlaunanna við hátíðlega athöfn á föstudaginn kemur, 1. febrúar.


Bloggað 28. janúar 2008, kl. 14:04



Við erum í skýjunum

Iceland Express að leitar að flugliðum

Vertíðin er framundan og þá gildir að hafa gott starfsfólk. Því viljum við ráða áhugasama, dugmikla og jákvæða einstaklinga sem hafa gaman af því að vera á ferð og flugi og vilja vinna á skemmtilegum vinnustað.

Ef þú ert:
- A.m.k. 22 ára
- Búin(n) að ljúka stúdentsprófi eða sambærilegri menntun
- Talar ensku á við innfæddan, Norðurlandamál án þess að blikna og hefur einhverja kunnáttu í þriðja tungumáli
þá erum við að leita að þér.

Við bjóðum upp á:
- Líflegt vinnuumhverfi
- Fjölbreytt starf og mikil ferðalög (að sjálfsögðu!)
- Skemmtilegt samstarfsfólk

Ef þér líst vel á allt það sem þú hefur lesið, uppfyllir okkar væntingar og ert í leit að sumarstarfi, er þá ekki upplagt að sækja um?

Sendu umsókn ásamt ásamt helstu upplýsingum um þig og ljósmynd, (þú veist að mynd segir meira en þúsund orð), til okkar. Mundu bara að umsóknarfresturinn rennur út 28. janúar.


Bloggað 21. janúar 2008, kl. 11:19



Nýársheit Iceland Express

Við ætlum að gera 2008 að besta ferðaári Íslendinga hingað til.

Það er ekkert vit í að strengja nýársheit ef þú stendur ekki við það. Hjá Iceland Express viljum við standa við það sem við segjum svo það er ekki seinna vænna að byrja.

Á mánudaginn kemur (mundu það, ekki fyrr en á mánudag) ætlum við að koma með fyrsta sértilboð ársins og það er sko ekki af lakara taginu — flug til þriggja skemmtilegustu borga Evrópu í dag, Berlínar, London og Kaupmannahafnar.

Ferðatímabil: Frá 15. janúar til 15. mars 2008.

Sölutímabil: Salan hefst á hádegi (kl. 12.00), mánudaginn 14. janúar og stendur til kl. 12.00, miðvikudaginn 16. janúar.

Verð: Berlín: frá 6.375 kr. | London: frá 8.295 kr. | Kaupmannahöfn: frá 6.695 kr.

Öll verð eru með sköttum og öðrum greiðslum og ekki gleyma að gamla góða reglan um valdar dagsetningar og takmarkað sætaframboð á við.

Mundu að salan hefst á hádegi á mánudag svo þú hefur helgina til að finna út hvaða borg heillar mest.

Uppfært kl. 12.00 16. jan. Tilboðinu er lokið. Vonandi fannstu flug við þitt hæfi.


Bloggað 11. janúar 2008, kl. 14:41



Jólin, jólin alls staðar...

Iceland Express er besti vinur allra jólasveina.

Uppiskroppa með góðar hugmyndir að jólagjöf? Ekki missa svefn af áhyggjum yfir svona smáræði fyrir hátíðarnar. Svarið er aðeins nokkra músarsmelli í burtu.

Jólagjafabréfið okkar er lausnin á öllum þínum vandamálum. Engar raðir úti í búð eða stresskaup á síðustu stundu. Það eina sem þú þarft að gera er að fara á netið, panta, prenta og pakka inn. Einfaldara getur það nú varla verið!

Eins og þetta sé nú ekki nóg til að létta á öllum jólakvíðanum, þá höfum við ákveðið að gera enn betur og fullkomna jólahátíðina fyrir tíu heppna jólasveina. Við köllum þetta sælla-er-að-gefa-en-þiggja stefnu Iceland Express.

Eftir jólin drögum við úr öllum seldum jólagjafabréfum og tíu heppnir jólasveinar fá ferð fyrir sig, fram og til baka með öllu tilheyrandi, á einhvern af áfangastöðum okkar. Það er jú alltaf skemmtilegra að hafa einhvern ferðafélaga.

Hægt er að kaupa jólagjafabréfin á vefnum alveg þangað til messan byrjar á gömlu gufunni á aðfangadag.

Kláraðu jólainnkaupin í einum grænum — smelltu þér á jólagjafabréf Iceland Express.


Bloggað 20. desember 2007, kl. 15:10



Forstjórinn í góðum félagsskap

Úrvalslið fyrstu umferðanna í Iceland Express deild kvenna valið.

Það er sannarlega röggsamur svipur á Matthíasi forstjóra á myndinni hér til hliðar, enda félagsskapurinn sem hann er í með eindæmum góður.

Staðurinn er höfuðstöðvar KKÍ í Laugardal, dagurinn er 11. desember og tilefnið er tilnefningar á bestu leikmönnum og þjálfara eftir fyrstu níu umferðirnar í Iceland Express deild kvenna í körfubolta.

Keflvíkingurinn Takesha Watson (fremri röð til hægri á mynd) var valin besti leikmaður fyrstu umferðanna og Jón Halldór Eðvaldsson, þjálfari Keflavíkur (eini maðurinn með verðlaunagrip á myndinni og soldið flóttalegur á svipinn) var valinn besti þjáfarinn. Áhugasamir geta lesið sér enn betur til um tilnefningarnar hjá félögum okkar á karfan.is.

Aðrir á myndinni eru sem sagt úrvalslið fyrstu níu umferðanna og svo þeir fóstbræður, Hannes S. Jónsson, formaður KKÍ (til vinstri) og Matthías Expressforstjóri Imsland (til hægri), sem sjá endanlega til þess að ekkert sést af Iceland Express merkinu í bakgrunninum.

Iceland Express deild karla og kvenna hefur annars farið frábærlega af stað þennan veturinn og það er algjörlega óhætt að mæla með ferð á völlinn fyrir alla spennufíkla landsins sem og íþróttaunnendur af öllum stærðum og gerðum.


Bloggað 11. desember 2007, kl. 23:22



Sjá roðann í austri

Við hefjum beint flug til Póllands sumarið 2008.

Það er engu um það logið að öflug tengsl binda frændþjóðirnar Ísland og Pólland saman.

Ekki einasta hefur margur íslenskur námsmaðurinn bætt við bókvitið á pólskri grundu og heilu byggðarlögin hér heima krydduð pólsku ívafi. Íslensk matarmenning væri einnig ólíkt fátækari ef góðir menn hefðu ekki kynnt þjóðina fyrir Prins Póló fyrir margt löngu síðan.

Það var því heldur betur tímabært að færa Ísland nær Póllandi og við hjá Iceland Express tökum nú það hlutverk að okkur með ánægju (takið sérstaklega eftir skemmtilegri notkun á nýjum einkennisorðum fyrirtækisins hér).

Sumarið 2008 verður sem sagt boðið upp á beint flug í hverri viku til höfuðborgar Póllands, Varsjár. Núna er því rétta tækifærið fyrir sanna heimsborgara að bóka sitt sæti á austlægar slóðir Evrópu.


Bloggað 11. nóvember 2007, kl. 17:02



Við heimtum endurtalningu!

ÍMARK logoÍMARK-verðlaunin gengu okkur úr greipum að þessu sinni.

Slakið á, fyrirsögnin var nú bara til að fá fólk til að lesa áfram — fyrsta trikk allra bloggara.

Alla vega þá er það nú komið á hreint að Landsbankinn er markaðsfyrirtæki ársins, að mati ÍMARK. Iceland Express og Glitnir fylgdu þar fast á eftir.

Auðvitað hefðum við viljað vinna til verðlaunanna núna, en þegar á heildina er litið getum við verið sátt við okkar hlut, enda verður það bara að teljast nokkuð gott að komast í hóp þriggja bestu markaðsfyrirtækja landsins.

Við óskum vinum okkar hjá Landsbankanum innilega til hamingju með verðlaunin og þökkum bæði þeim sem og öllum vinum okkar hjá Glitni fyrir drengilega keppni. Hlökkum til að hitta ykkur aftur á sama stað að ári.


Bloggað 8. nóvember 2007, kl. 15:47



Við hittum ÍMARK

Iceland Express tilnefnt til Markaðsverðlauna ÍMARK fyrir árið 2007.

Árið 2007 hefur verið okkur gott þegar kemur að verðlaunum og viðurkenningum.

Í byrjun árs varð Iceland Express númer tvö í vali neytenda á fyrirtæki ársins. Já sæll!

Í sumar vann vefurinn okkar til alþjóðlegra verðlauna sem besti vefur á meðal lággjaldaflugfélaga. Já fínt!

Nú komum við enn og aftur til álita við val á mikils metnum verðlaunum því Iceland Express er nú, eitt þriggja fyrirtækja, tilnefnt til Markaðsverðlauna ÍMARK, félags íslensks markaðsfólks. Eigum við að ræða þetta eitthvað frekar?!?

Að sjálfsögðu eru það engir meðal slöttólfar sem koma til álita því hin fyrirtækin sem tilnefnd eru til verðlaunanna eru Glitnir og Landsbankinn. Það er því ekki svo lítill heiður sem okkur er sýndur að vera hluti af svo virðulegum hóp.

Burtséð frá því er keppnisskapið hjá okkur enn það mikið að við stefnum að sjálfsögðu á að gera einu betur og vinna Markaðsverðlaunin. Bara heilbrigður metnaður, ekki satt?

ÍMARK verðlaunin verða veitt við hátíðlega athöfn 8. nóvember nk.


Bloggað 30. október 2007, kl. 14:54



Með mikilli ánægju

Iceland Express setur markið enn hærra.

Dagurinn í dag, föstudagurinn 26. október 2007, markar ákveðin skil í viðburðaríkum rekstri Iceland Express. Við erum á breytingaskeiði og förum sko ekkert dult með það, enda er alltaf gott að þekkja sín takmörk og vera reiðubúinn að breyta til þegar það á við.

Húslestur Matthíasar forstjóra var því í hátíðlegri kantinum í dag, enda ekki á hverjum degi sem ímynd fyrirtækisins fær allsherjar yfirhalningu.

Gömlu grænu og bláu litirnir, sem einkennt hafa allt markaðsefni Iceland Express fram til þessa, sem og vörumerki félagsins, fá nú verðskuldaða hvíld eftir áralanga og dygga þjónustu. 

Þeirra í stað er búið að taka í notkun nýtt merki, (reyndar ekki alls kostar ólíkt hinu gamla eins og sjá má hér til hliðar), sem endurspeglar nýja tíma og ný tækifæri sem eru framundan hjá okkur.

En við göngum líka einu skrefi lengra, héreftir eigum við okkar einkennisorð — með ánægju.

Þetta er í raun ekkert flókið. Við höfum gaman af því sem við erum að gera og viljum að okkar farþegar hafi jafn gaman af því að ferðast með okkur. Sem sagt, með ánægju. 

Við vonum að þið verðið ánægð með það.


Bloggað 26. október 2007, kl. 22:51



Sparigrís óskar eftir hirði

Iceland Express leitar að talnaglöggum og duglegum gjaldkera.

Fyrirbyggjum allan misskilning strax í upphafi. Við erum ekki að leita að nýjum framkvæmdastjóra fyrir Bónus.

Við erum hins vegar á höttunum eftir góðum og samviskusömum einstaklingi í starf gjaldkera hjá Iceland Express.

Sparibaukurinn okkar er við ágætis heilsu og þannig viljum við hafa það áfram. Þess vegna viljum núna við bæta góðri manneskju í hópinn sem kann að meðhöndla svona viðkvæmar skepnur á viðeigandi hátt.

Ef dýravernd af þessu tagi á vel við þig, eða einhvern sem þú þekkir, gæti verið tilvalið að skoða nánari lýsingu á starfinu og þeim eiginleikum sem við erum að falast eftir.

Fyrir þá sem hafa áhuga á að leggja nafn sitt í pottinn, skulu umsóknir, merktar "Gjaldkeri", sendast á netfangið job@icelandexpress.is fyrir 21.október nk.


Bloggað 11. október 2007, kl. 14:33



Fjórir leikhlutar í viðbót

Iceland Express og KKÍ gera samstarfssamning til næstu fjögurra ára.

Það var almennt létt yfir fólki í höfuðstöðvum KKÍ í morgun, enda var þá skrifað undir áfram-haldandi samstarf á milli KKÍ og Iceland Express til næstu fjögurra ára.

Síðastliðin tvö ár hefur Iceland Express verið aðalstyrktaraðili KKÍ og báðir aðilar eru hreint skínandi ánægðir með árangurinn, enda hefur aðsókn að leikjum í Iceland Express deild kvenna og karla farið fram úr væntingum og umfjöllun hefur einnig verið mjög góð.

Stefnan er að sjálfsögðu sett enn hærra á næstu fjórum árum. Sem dæmi um þetta verður verðlaunafé sigurvegara í karla- og kvennaflokki nú aukið umtalsvert, auk þess sem félögum gefst kostur á að setja upp borða frá Iceland Express á sínum vefsvæðum og fá greitt fyrir hvern flugmiða sem verður bókaður í gegnum þessa borða.

Á myndinni sést Matthías forstjóri handsala samninginn við Hannes S. Jónsson, formann KKÍ. 

Bloggið vill taka það sérstaklega fram að þeir Matthías og Hannes eru ekki eineggja tvíburar, þrátt fyrir að klæðaburður og sólskinsbros þeirra félaga bendi til annars.

Við hlið þeirra situr Friðrik Ingi Rúnarsson, framkæmdastjóri KKÍ, ekki alveg jafn kátur og hinir, enda gleymdi hann svartröndóttu skyrtunni þennan daginn. 


Bloggað 3. október 2007, kl. 16:42



Borgin sem Íslendingar elska

Danskur fánaborðiNú fjölgum við flugum til uppáhaldsborgar Íslendinga — Kaupmannahafnar.

Ef það er eitthvað sem við hjá Iceland Express vitum um ferðahegðun landans, er það hin óendanlega löngun okkar til að heimsækja frændur vora Dani með reglulegu millibili.

Þetta þarf svo sem ekkert að koma á óvart, enda eru Baunarnir jafnan höfðingjar heim að sækja og Kaupmannahöfn hefur jú verið íverustaður margra Íslendinga, um lengri og skemmri tíma.

Af þeim sökum ætlum við að bæta enn einu fluginu við á vetraráætlunina okkar, svo frá og með 13. nóvember nk. verður einnig hægt að komast með eftirmiðdagsflugi alla þriðjudaga til Kaupmannahafnar.

Með þessari viðbót verða vikulegar ferðir til Köben hvorki meira né minna en tíu talsins. Það má því vera mjög upptekin manneskja sem ekki finnur tímasetningu við sitt hæfi til að taka flugið út. Viltu ekki kíkja til Köben?


Bloggað 28. september 2007, kl. 15:10



Takk fyrir, takk fyrir

Iceland Express-vefurinn vinnur til alþjóðlegra verðlauna.

Því er ekki að neita að síðasta vika var okkur góð hjá Iceland Express. Ekki einasta var tilkynnt um umtalsverða fjölgun farþega á yfirstandandi ári m/v fyrra ár, heldur unnum við líka til verðlauna fyrir besta vefsvæði á meðal lágfargjaldaflugfélaga, The World Low Cost Airlines Award.

The World Low Cost Airlines Award eru veitt árlega til þeirra lággjaldaflugfélaga sem eru fremst meðal fjölmargra jafningja á hinum ýmsu sviðum er varða góða þjónustu gagnvart viðskiptavinum sínum. Samkeppnin var því mikil og að hafa endað á toppnum er því bara hálfu sætara fyrir vikið

Verðlaunin voru afhent við hátíðlega athöfn (gala kvöldverður og allur pakkinn) í London sl. þriðjudagskvöld. Vefdeildin öll fékk brottfararleyfi hjá Matthíasi forstjóra, enda ekki á hverjum degi sem svona vegtyllur falla okkur í skaut.

Í tilefni af þessu má minna á að ef einhver hinna fjölmörgu lesenda bloggsins vill komast að hjá sigurliði, nú eða þekkir einhvern sem gæti smollið í hópinn, þá erum við akkúrat að leita að eldklárum forritara þessa dagana. Það skaðar aldrei að skella inn umsókn! 

Á meðfylgjandi mynd sést einn af burðarásum vefteymisins, Erik Davidek, með sjálfan verðlaunagripinn í forgrunni.


Bloggað 24. september 2007, kl. 14:54



Settu upp réttu gleraugun fyrir veturinn

SkíðaglerauguÞað þarf enga ofursjón til að sjá að skíðaferðirnar með Iceland Express eru málið.

Mikið rétt. Sumarið er klárlega búið núna og hinn venjubundni skammtur haustlægða streymir til landsins líkt og á færibandi.

Þegar svona er í pottinn búið þá erum við handviss um að þetta er akkúrat rétti tíminn til að leggja drög að skíðaferð vetrarins. 

Eins og síðustu ár býður Iceland Express upp á beint flug til Friedrichshafen í vetur, hvaðan er þægilegt akstursfæri til margra af skemmtilegustu og glæsilegustu skíðastaða í Sviss, Austurríki og jafnvel Ítalíu.

Við hefjum flugið til Friedrichshafen 22. desember næstkomandi, (ekki amalegt að halda jólin hátíðleg í snævi þöktum Alpaþorpum), og verðum síðan vikulega á ferðinni allt til 1. mars 2008.

Kíktu á skíðavefinn okkar og finndu þínar draumabrekkur fyrir veturinn.


Bloggað 5. september 2007, kl. 12:46



Við elskum líka fótbolta

Iceland Express er einn af aðalstyrktaraðilum enska boltans á Sýn.

Það var sannkölluð hátíð í bæ hjá öllum fótboltaáhugamönnum til sjávar og sveita síðastliðinn laugardag þegar flautað var til leiks að nýju í ensku úrvalsdeildinni.

Um leið var tilkynnt um helstu styrktaraðila enska boltans á Sýn þennan veturinn og þar er Iceland Express fremst í flokki ásamt þremur öðrum knattspyrnuvænum fyrirtækjum: 10-11, Vodafone og tryggingafélaginu Verði.

Matthías forstjóri, sem þykir sjálfur nokkuð glúrinn í tuðrusparkinu, mætti af þessu tilefni í myndver Sýnar þar sem fulltrúar fyrirtækjanna handsöluðu samstarfið í vetur og var myndin hér að ofan tekin við það tækifæri (til glöggvunar er forstjórinn þessi brosmildi, þriðji frá vinstri).

Við hjá Iceland Express erum afar ánægð með okkar þátt í að færa ensku úrvalsdeildina heim í stofu Íslendinga, enda höfum við lengi verið á bólakafi í boltanum og Express Ferðir hafa um árabil verið leiðandi í fótboltaferðum fyrir knattspyrnusjúka Íslendinga.

það er sem sagt fínn fótboltavetur framundan og við ætlum að vera með í þeim leik allt þartil lokaflautið gellur í vor. 


Bloggað 13. ágúst 2007, kl. 12:29



Það kemur í ljós í næstu viku...

Nýr áfangastaður bætist í hópinn hjá Iceland Express

Bloggið hefur alla sínu stuttu ævi átt í mestu vandræðum með að þaga yfir leyndarmálum. Síðustu dagar hafa því verið erfiðir, enda er ýmislegt í bígerð í höfuðstöðvunum.

Í næstu viku verður nýjum áfangastað formlega bætt inn á vetraráætlun Iceland Express og sá er sko ekki af lakara taginu.

Við viljum nú halda smá spennu í mannskapnum svo í bili verða bara gefnar þrjár vísbendingar um staðinn. Lesendur bloggsins geta því aðeins hreyft við heilasellunum næstu daga.

 - Vísbending 1: Myndin sem fylgir þessari færslu er tekin af áfangastaðnum utan úr geimi (þessi er nú erfið!).
 - Vísbending 2: Helsta kennileiti áfangastaðarins hefur verið í byggingu frá 1882 og ekki er búist við að verkefninu ljúki fyrr en 2026 (þessi er lítið skárri!).
 - Vísbending 3: Það er nokkuð ljóst að það verður betra veður í allan vetur á áfangastaðnum heldur en hér á Íslandi (hver semur svona heimskulegar vísbendingar eiginlega?!?).

Við óskum öllum getspökum lesendum til hamingju með að vera fyrstir til að uppgötva nýja áfangastaðinn. Hinir sem ekki náðu að leysa gátuna verða bara að gera sér að góðu að bíða fram í næstu viku þegar hulunni verður svipt af herlegheitunum.


Bloggað 10. ágúst 2007, kl. 13:35



2.990 góðar ástæður til að elta góða veðrið

Iceland Express leggur sitt af mörkum til að framlengja sumarið.

Nú þegar síðasta alvöru fríhelgi sumarsins er liðin þá er bara eitt sem bíður handan hornsins, haustið með sínum hefðbundnu lægðadrífum og rigningum. 

 En af hverju að taka þessu þegjandi? Árstíðalögmálið er ekkert lögmál!

Við hjá Iceland Express hjálpum þér að gefa haustinu langt nef og bjóðum nú upp á sérstakt sumarlokatilboð — 2.990 sæti til allra okkar áfangastaða á verðum sem hljóta að fá allt eðlilega þenkjandi fólk til teygja sig samstundis eftir greiðslukortinu — frá 5.985 krónur með sköttum og öðrum greiðslum.

Spurningin er einungis sú: Hvert viltu fara til að framlengja sumarið?

Er tímanum best varið með smørrebrød og einn svellkaldan á stéttum Nýhafnar í Köben eða ertu meira fyrir að fóðra dúfurnar á Trafalgar Square í London?

Það gæti líka verið góður sumarauki að kynnast hinu alþjóðlega andrúmslofti Berlínar eða, ef þú vilt virkilega ná góðum skammti af aukasólskini og hita, þá er Alicante algjörlega skothelt val.

Mundu bara að tilboðssætin eru af skornum skammti, (sem þýðir bara valdar dagsetningar og takmarkað sætaframboð), og því gildir að hafa hraðar hendur. Finndu þína leið til að framlengja sumarið og mundu að salan hefst stundvíslega klukkan 12, miðvikudaginn 8. ágúst

Uppfært 8. ágúst, kl. 12: Salan er hafin.

Uppfært á hádegi 10. ágúst: Allt búið! Þökkum ánægjuleg viðskipti!


Bloggað 7. ágúst 2007, kl. 16:29



Af eldingum og öðrum óþægindum

Náttúruöflin fara óblíðum höndum um Iceland Express

Það verður að segjast eins og er að flugáætlun Iceland Express síðustu daga hefur ekki gengið sem skyldi.

Seinkanir hafa sett sinn svip á komur og brottfarir fluga og eðlilega hefur það valdið öllum hlutaðeigandi, ekki síst farþegum okkar, töluverðum óþægindum.

Allt hófst þetta með því að flugvél Iceland Express varð fyrir eldingu í flugtaki á Stanstedflugvelli, síðastliðinn föstudag.

Blessunarlega var engin hætta á ferðum fyrir farþega, en engu að síður var nauðsynlegt að kyrrsetja vélina, enda aldrei of varlega farið þegar kemur að öryggi farþega um borð.

Fyrir vikið hafa síðustu dagar farið í að vinna til baka þá röskun sem skapaðist við þetta óhapp. Bloggið ákvað að kanna stöðu mála hjá rekstrarstjóra Iceland Express, Hildi Maríu Gunnarsdóttur. 

"Við erum því sem næst komin á rétt ról að nýju hvað varðar flugáætlunina — um komandi helgi ættu öll flug að vera komin á réttan tíma", segir Hildur. "Það hefur vissulega verið nóg að gera að undanförnu og vinnudagarnir ansi langir fyrir mörg okkar", bætir hún við, "en þetta er jú óhjákvæmilegur fylgifiskur flugrekstrar — það er aldrei að vita hvað getur komið upp á."

En hvernig hafa farþegar tekið seinkununum? "Okkur þykir mjög leitt að hafa valdið öllum þeim farþegum sem í þessu lentu slíkum óþægindum, en jafnframt erum við þakklát fyrri þá þolinmæði og skilning sem þeir sýndu undir þeim kringumstæðum sem sköpuðust. Það er ávallt gríðarleg vinna og kostnaður sem fer í að vinna úr aðstæðum sem þessum og því er mjög kærkomið að njóta skilnings hjá okkar viðskiptavinum, eins og nú er raunin", segir Hildur að lokum.

Hlutirnir ættu sem sagt að vera komnir í réttar skorður von bráðar og þá er bara að vona eldingar og önnur leiðindi haldi sig kyrfilega fjarri vélum Iceland Express á næstunni. 


Bloggað 25. júlí 2007, kl. 22:28



Veldu þér sæti - Fast Track í kaupbæti

Farþegum Iceland Express gefst nú kostur á að velja sætisnúmer í vélum félagsins við kaup á farmiða. Í kaupbæti er hraðleið („Fast-track“) í gegnum öryggisleit í Flugstöð Leifs Eiríkssonar. Þessir farþegar komast þannig hraðar í gegnum öryggiseftirlit flugstöðvarinnar sem eykur þægindi þeirra fyrir flug. 
 
Við kaup á farmiða á vef Iceland Express, neðst til vinstri á síðunnni í skrefi 3, er hægt að haka við „Já, ég vil velja sætisnúmer“. Opnast þá mynd af sætaskipan vélarinnar þar sem velja má sæti.

Þeir sem nýta sér þennan möguleika greiða 990 eða 2.990 krónur krónur aukalega fyrir hvora leið en hærra gjaldið er fyrir sæti með auka fótarými. Farþegar með ákveðið sætisnúmer fá sérstaka „Fast-track“ miða sem þeir framvísa við hraðleið öryggisleitarinnar í Leifsstöð.

Val á sætum er þjónusta sem er komin til að vera en tenging hennar við hraðleið öryggisleitar er til reynslu út ágústmánuð.

Við bjóðum ekki upp á sérstök viðskipta- eða forgangssæti í okkar vélum en með því að velja sætisnúmer geta farþegar fengið aðgang að hraðleið öryggisleitarinnar. Hraðleið í öryggisleit er mörgum farþegum okkar þegar að góðu kunn en allir farþegar Iceland Express njóta hraðleiðarþjónustu í öryggisleit Stansted-flugvallar á Englandi og hafa gert frá því í júní síðastliðnum,”
 
segir Matthías Imsland, forstjóri Iceland Express.


Bloggað 13. júlí 2007, kl. 10:24



Hin gömlu kynni gleymast ei

Lúxemborg er nýjasti áfanga-staðurinn hjá Iceland Express

Íslendingar athugið!
Eftir sjö ára eyðimerkur-göngu er biðin á enda.

Frá byrjun árs 2000 hefur það reynst mörgum landanum þrautin þyngri að rækta tengslin við frændur, frænkur og aðra enn fjarskyldari ættingja í Evrópu, þegar Icelandair lögðu niður áætlunarflug til og frá Lúxemborg.

Nú er líklegt að hjörtu margra taki lítinn gleðikipp því í haust ætlum við hjá Iceland Express að hefja áætlunarflug til þessarar rótgrónu Íslendinganýlendu í hjarta Evrópu.

Fyrst um sinn verður flogið tvisvar í viku — á þriðjudögum og föstudögum — frá lokum september og fram í byrjun nóvember.

Nú er því rétti tíminn fyrir þig að draga fram ættartalið, rifja upp frændgarðinn í Lúx og boða komu þína á svæðið með beinu flugi Iceland Express.

Ætli Cockpit-Inn sé enn á sínum stað?


Bloggað 3. júlí 2007, kl. 16:35



Frá grunni að góðu (flug)heimili

Iceland Express sækir um lóð undir flugstöð og sitthvað fleira.

Það er nóg um að vera í höfuð-stöðvunum þessa dagana. Við erum í framkvæmdahug og eins og oft áður er hugsað stórt á þessum bænum.

Nú stefnir hugurinn á landvinninga innan borgarmarkanna. Nánar tiltekið þá er félagið búið að sækja um lóð við Reykjavíkurflugvöll fyrir reksturinn — 6.500 fermetra lóð fyrir flugstöð og 20.000 fermetra til viðbótar undir flughlað.

Hugmyndin er sem sagt sú að hefja bæði innanlands- og millilandaflug frá Reykjavíkurflugvelli, helst ekki síðar en á næsta ári.

En þetta er bara byrjunin. Samningaviðræður við Airbus um kaup á flunkunýjum A319 farþegaþotum, hafa staðið yfir nokkurn tíma og menn eru bara nokkuð bjartsýnir á að þau kaup geti orðið að veruleika.

Vinir okkar hjá Airbus eru meira að segja svo vissir í sinni sök, að þeir hafa nú þegar smellt Iceland Express merkingum á eina af nýju vélunum og eru jafnframt byrjaðir að prufukeyra græjuna, sbr. myndina hér að ofan.

Sem sagt, margt í bígerð hjá okkur og ýmsar breytingar fyrirhugaðar. Takmarkið er þó það sama og áður — að bjóða upp á úrvalsþjónustu, enn betri vélar og hófleg verð á herlegheitunum. Þetta heitir víst að standa í samkeppni og þá keppni ætlum við að vinna.


Bloggað 29. júní 2007, kl. 14:44



Geðveikt!!!

Það er svo ógurlega gaman að fara til London.

Okkur hjá Iceland Express finnst gaman að vita til þess þegar utanlandsferðirnar hjá farþegum okkar heppnast svo vel að þeir vilja deila reynslunni með öllum heiminum.

Rákumst á þessa klippu á YouTube og fannst alveg tilvalið að deila henni með lesendum bloggsins.

London baby, yeah! (eða öllu heldur: London barnið mitt, ó já!)


Bloggað 22. júní 2007, kl. 15:56



Panta, pakka, fljúga!

Þrjú einföld (og ódýr) skref til að komast til Evrópu með Iceland Express.

Snöggar ákvarðanir eru oft bestu ákvarðanirnar. Núna getur þú grætt hressilega á því að hugsa snöggt og komist til útlanda á hreinum kostakjörum.

Mundu bara að taka skrefin þrjú í réttri röð. Panta fyrst, pakka svo og fljúga að lokum með okkur út í heim.

Áfangastaðir: 
Eindhoven, Frankfurt Hahn, Gautaborg, Kaupmannahöfn, London Stansted, Ósló, París og Stokkhólmur.

Skoðaðu áfangastaði Iceland Express

Eina skilyrðið er að brottför þarf að vera á bilinu 20. til 30. júní, en heimkoma er hins vegar alveg að eigin vali.

Verð:
Frá 6.295 kr. með sköttum og gjöldum.

Sölutímabil:
Sala hefst á hádegi á morgun, 20. júní, og stendur til hádegis mánudaginn 25. júní.

Hið hefðbundna smáa letur:
Valdar dagsetningar og tamarkað sætaframboð.

Uppfært 20. júní kl. 12.00: Salan er hafin. Þaftu að hugsa málið eitthvað frekar?

Uppfært 25. júní kl. 14.00: Tilboðinu er lokið, því miður.

Bóka núna


Bloggað 19. júní 2007, kl. 22:11



Allt er vænt sem vel er grænt

Kolefnisjafnaðarstefna Iceland Express tekur flugið.

Það eru nokkrar staðreyndir varðandi flugrekstur sem ekki þarf að rökræða. Ein þeirra er sú að útblástur flugvéla mengar, svo einfalt er nú það.

Okkur græningjunum hjá Iceland Express finnst því kominn tími til að taka þessi mál ögn fastari tökum og ríðum nú á vaðið í þeim efnum með samstarfi við Kolvið.

Kolviður er nýr íslenskur sjóður sem hefur það markmið að draga úr styrk kolefnis í andrúmsloftinu með gróðursetningu trjáplantna og er reksturinn kostaður með framlögum einstaklinga og fyrirtækja.

Samstarf okkar með Kolvið er með þeim hætti að allir farþegar sem ferðast með Iceland Express geta nú kolefnisjafnað flugið sitt þegar þeir bóka á vefnum hjá okkur.

Í lok hverrar bókunar er hægt að fara inn á vef Kolviðar og reikna út hversu mikil meðalkolefnislosun er á hvern farþega á þeirri flugleið sem bókuð er. Í framhaldinu er boðið upp á að greiða þá upphæð sem dekkar kostnað við gróðursetningu til að jafna út þessa losun.

Nú kynnu einhverjir hagsýnir lesendur bloggsins að hugsa hvort þetta sé ekki rándýrt dæmi, en það er nú öðru nær — kolefnisjöfnunin kostar á bilinu 172 til 346 krónur fyrir hverja flugferð.

Sem sagt bæði einfalt og hræbillegt. Við hjá Iceland Express vonum svo sannarlega að farþegar okkar taki vel við þessari nýjung svo að öll flug héreftir skili sem flestum grænum hríslum í framtíðarskóga Kolviðar.

Lifi græna byltingin!


Bloggað 14. júní 2007, kl. 09:53



Við rennum út rauða dreglinum fyrir þig

Iceland Express setur farþega sína frá London fremst í röðina.

Það þarf svo sem ekkert að tyggja það ofan í lesendur bloggsins að við hjá Iceland Express erum alltaf að leita leiða til að létta farþegum okkar lífið og gera ferðina ánægjulegri.

Nú höfum við bætt enn einni rósinni í það hnappagat — enskri rós að þessu sinni — því að allir farþegar Iceland Express frá Stansted flugvelli í London munu hér eftir fá sérstakan forgang í öryggisskoðun á flugvellinum, endurgjaldslaust að sjálfsögðu.

Þessi þjónusta, sem heitir upp á enska tungu BAA Fast Track, virkar þannig að við innritun fá farþegar afhentan passa sem gerir þeim kleift að fara í gegnum öryggisskoðun í sérstöku hliði sem ætti að stytta allan biðtíma og önnur leiðindi til mikilla muna.

Við erum bara töluvert stolt að hafa landað þessari þjónustu fyrir farþega okkar, enda eru fínheit af þessu tagi einkum ætluð kóngafólki, rokkstjörnum og öðrum broddborgurum (höldum við).

Það verður því ekki amalegt fyrir farþega Iceland Express að labba í rólegheitum fram hjá óralöngum röðum við öryggisskoðunina á Stansted og veifa vinalega til allra hinna sem þar þurfa að húka. Er ekki ráð að taka flugið og fá þessa eðalþjónustu án nokkurs aukakostnaðar?

 


Bloggað 7. júní 2007, kl. 11:48



Erum við komin í tívolíið mamma?

Iceland Express gefur fjölskyldu á Akureyri ferð til Kaupmannahafnar

Ferðahugurinn var mikill þegar Linda Björk Ómarsdóttir og börnin hennar tvö, Ástrós Harpa og Ómar Snær, tóku flugið í boði Iceland Express frá Akureyri og áleiðis til Kaupmannahafnar í gærmorgun.

Tilefnið var það að nú tökum við upp þráðinn frá síðasta sumri, þegar Iceland Express hóf beint flug frá Akureyri til Kaupmanna-hafnar.

Á mánudögum og miðvikudögum í sumar geta Akureyringar því átt von á því að sjá vélar Iceland Express svífa fagurlega yfir Pollinn á leið sinni til og frá höfuðstað Norðurlands.

Gjöfin er líka liður í samstarfi Iceland Express og ADHD-samtakanna, stuðningssamtaka fjölskyldna barna og unglinga með athyglisbrest og ofvirkni, en sonur Lindu Bjarkar er ofvirkur.

Linda Björk sagði börnin hafa verið himinlifandi þegar í ljós kom hvað stæði til en þetta er fyrsta utanlandsferð systkinanna. „Það var þrennt sem þau óskuðu sér; að sjá fíl, búa til bangsa í Tívolíinu og kaupa AC Milan búning. Við ættum nú alveg að ná því að fara í dýragarðinn, Tívolíið og íþróttavöruverslun,“ segir hún.

Þau Kjartan Lárusson og Katrín Harðardóttir frá Markaðsskrifstofu Norðurlands tóku að sér að afhenda fjölskyldunni gjöfina og að sjálfsögðu á viðeigandi stað, sjálfum Akureyrarflugvelli, rétt áður en haldið var í'ann til Köben.


Bloggað 5. júní 2007, kl. 13:33



Segðu það með blómum

Íbúar Fljótsdalshéraðs fagna fyrsta flugi Iceland Express á milli Egilsstaða og Kaupmannahafnar.

Eldsnemma í morgun mátti sjá Matthías forstjóra ganga um gólf flugstöðvarinnar á Egilsstöðum með fangið fullt af blómum. Ekki var þó um að ræða afmæli eða aðra persónulega áfanga hjá forstjóranum, heldur var tilefnið tímamót í samgöngum á Austurlandi.

Klukkan 08.25 lenti flugvél Iceland Express frá Kaupmannahöfn á Egilsstaðaflugvelli og markaði þar með upphaf áætlunarflugs félagsins á milli þessara staða í sumar.

Þotugnýrinn mun sem sagt fylla loftið við Egilsstaðaflugvöll alla þriðjudaga og föstudaga í sumar, til 31. ágúst.

Eins og ávallt er siður við svona tilefni stigu menn í pontu og sögðu nokkur vel valin orð. Forstjóranum var ekki orða vant, fremur en vanalega. Hann sagði það ávallt hafa verið keppikefli Iceland Express að efla þjónustu með þessum hætti við íbúa Austurlands og sagðist jafnframt vona að þetta beina flug yrði lyftistöng fyrir ferðaþjónustu á svæðinu.

Eiríkur Bj. Björgvinsson, bæjarstjóri Fljótsdalshéraðs, var næstur í ræðupúltið. Hann tók undir orð Matthíasar og bætti jafnframt við að nú væri það heimamanna að nýta þau tækifæri sem þessi þjónusta byði upp á.

Eftir að ræðumenn höfðu lokið sér af og bæjarstjórinn hafði smellt heljarinnar blómvendi á forstjórann, var komið að brotfför fyrsta flugs frá Egilstöðum til Köben og fullhlaðin vélin hóf sig til lofts með stefnuna á meginland Evrópu. 


Bloggað 1. júní 2007, kl. 12:16



Traust handtak

Samstarf GusGus og Iceland Express handsalað.

Eins og dyggir lesendur bloggsins muna vel, var ekki svo alls fyrir löngu greint frá tímamóta samstarfssamningi Iceland Express við teknótröllin í GusGus.

Illu heilli láðist að smella af nokkrum myndum þegar samningurinn var undirritaður, en þá gildir hið fornkveðna: Ef það gekk ekki í fyrsta skiptið, þá gerum við það bara næst.

Það hittist því vel á þegar ljósmyndari okkar rakst á þá Matthías framkvæmdastjóra og President Bongo á förnum vegi í Leifsstöð um daginn, að handsala samninginn að nýju.

Eins og sjá má fór afar vel á með þeim félögum og traustar heimildir bloggsins herma að viðræður um inngöngu framkvæmdastjórans í GusGus séu langt komnar. Ekki er þó enn ljóst hvort hann fær úthlutað ananasjakka til að falla nær fatasmekk sveitarinnar.

Af GusGus er það helst að frétta þessa dagana að hljómsveitin er á leið í heljarinnar tónleikareisu sem hefst í Kaupmannahöfn í byrjun júní. Fyrir áhugasama og dansþyrsta lesendur má benda á að vinir okkar hjá Express Ferðum standa fyrir magnaðri ferð á tónleikana í Köben — eitthvað sem enginn sannur GusGus-aðdáandi má missa af.


Bloggað 25. maí 2007, kl. 09:24



Ert þú að fara til Parísar vinan?

Sumaráætluninni ýtt úr vör hjá Iceland Express

Það var býsna glatt á hjalla í gær uppi í Leifsstöð þegar var haldið upp á með pompi og prakt að sumaráætlun Iceland Express árið 2007 er hafin.

Það verður sem sagt nóg um að vera í sumar hjá félaginu. Fimm nýir áfangastaðir um alla Evrópu bætast við þá átta sem flogið var til á síðasta ári og talnaglöggt fólk áttar sig því líklegast á að þar með eru áfangastaðirnir alls þrettán talsins.

Matthías forstjóri var glaðbeittur á athöfninni í gær og hélt stutta tölu þar sem m.a. kom fram að hvergi yrði slegið af í samkeppninni um hylli íslenskra ferðalanga.

Samgönguráðherra, Sturla Böðvarsson, hélt einnig stutt ávarp og sagði Iceland Express hafa áunnið sér traust Íslendinga síðustu fjögur ár með góðri þjónustu og hagstæðri verðlagningu.

Sumaráætluninni var síðan formlega hleypt af stokkunum með því að farþegar á fyrsta flugi Iceland Express til Parísar voru kallaðir um borð og sá forstjórinn um að rífa af fyrsta miðanum á þessu flugi, eins og sjá má á meðfylgjandi mynd.


Bloggað 15. maí 2007, kl. 16:14



Þau verða í háloftunum í sumar

45 flugliðar á færibandinu þokast nær.

það er býsna kátt yfir hópnum á myndinni hér að ofan enda góð ástæða til. Þarna eru saman komnir 45 flugliðar sem voru útskrifaðir af nýliðanámskeiði Iceland Express síðastliðinn lauardag, og munu því bætast við starfsmannahóp okkar í sumar.

Það er sko ekkert grín að ganga í gegnum nýliðanámskeið hjá Iceland Express. Þessi huggulegi hópur er til dæmis búinn að læra að bregðast við öllu því sem mögulega (og ómögulega) getur komið fyrir um borð í farþegaþotum, allt frá notkun öryggisbúnaðar og rýmingu flugvéla, til þess hvernig eigi að meðhöndla flugdólga og annan óróalýð sem getur skapað hættu um borð.

Þessu til viðbótar hafa flugliðarnir fengið tilsögn í öllu því sem varðar þjónustu og umönnun farþega, auk þess sem nokkur góð og gagnleg ráð um framkomu og útlit fengu að fylgja með — þetta fólk er jú andlit fyrirtækisins og því betra að halda andlitinu í standi.

Þeim er sem sagt ekkert að vanbúnaði — útskriftarárgangurinn 2007 er klár í verkefnin framundan. Bloggið óskar nýju flugliðunum til hamingju með áfangann og hlakkar mikið til að fljúga með þeim út og suður í sumar.


Bloggað 8. maí 2007, kl. 23:28



"Icex og GusGus eru hjón"*

Iceland Express gerir samstarfssamning við teknótröllin í GusGus

Það var nettur taktur í sporinu hjá Matthíasi forstjóra þegar hann mætti á skrifstofuna í dag, enda var hann þá nýbúinn að skrifa undir samstarfssamning við Íslands einu von á sviði alvöru danstónlistar — hljómsveitina GusGus.

Bloggið telur nú varla þörf á að fara mörgum orðum um GusGus hér. Bandið er þegar orðið víðþekkt og aldrei að vita nema heimsfrægðin sé handan við hornið. Fyrir hina örfáu fáfróðu og dansheftu lesendur bloggsins má þó benda á að hljómsveitin heldur úti eigin vef þar sem nálgast má alls kyns fróðleik um allt það sem snertir GusGus.

Samningurinn felur í sér að Iceland Express mun styðja við bakið á þeim Bigga Veiru, Earth og President Bongo,(ath. að þetta eru ekki raunveruleg nöfn hljómsveitarmeðlima), á ferðalögum þeirra víða um heim á næstu misserum að breiða út hið taktvísa fagnaðarerindi.  

Á einhvern óskiljanlegan hátt var enginn ljósmyndari fenginn á staðinn til að festa þennan tímamótaviðburð á filmu. Þess í stað fylgir hér mynd af President Bongo að gæða sér á íslenskum lunda. Bon apetit!

*President Bongo


Bloggað 3. maí 2007, kl. 15:58



Lokaútkall inn í sumarið!

Iceland Express kynnir: Sumarið-er-ekki-enn-komið-til-Íslands-tilboð

Horfumst bara í augu við staðreyndir.

Sumardagurinn fyrsti er kominn og farinn en sumarveðrið er ekkert á leiðinni til landsins á næstunni.

Horfðu út um gluggann. Það er kalt, það er hvasst og það er rigning. Hvað finnst þér, er ekki komið nóg af þessu í bili?

Nú höfum við hjá Iceland Express ákveðið að koma til móts við sólþyrsta og helkalda landa okkar með sérstöku tilboði í maí til níu áfangastaða Iceland Express í Evrópu. Tilboðið stendur jafn lengi og heildarfjöldi sólarstunda á Íslandi í meðal sumri, þ.e. 48 klukkustundir.

Áfangastaðir:
Berlín, Frankfurt Hahn, Friedrichshafen, Gautaborg, Kaupmannahöfn, London Stansted, Ósló, París og Stokkhólmur.

Skoðaðu alla áfangastaði Iceland Express

Verð:
Frá 6.395 kr. með sköttum og gjöldum.

Ferðatímabil:
1. til 31. maí 2007

Sölutímabil:
Sala hefst á hádegi í dag, 25. apríl, og stendur til hádegis föstudaginn 27. apríl.

Smáa letrið:
Valdar dagsetningar og tamarkað sætaframboð.

Ekki mæta of seint í lokaútkallið!

Uppfært 25. apríl kl. 12.00: Salan er hafin.


Bloggað 25. apríl 2007, kl. 09:56



Gleðilegan vetur!

Vetraráætlunin fer í sölu á hádegi á mánudag.

Jæja, þar kom að því. Snjókarl með flugmannshúfuFrá og með hádegi á mánudaginn verður hægt að bóka flug með Iceland Express eftir 15. september og eitthvað fram á vorið 2008.

Það verður ekki mikið um breytingar frá áætlun vetrarins sem er að líða, enda lítil þörf á að breyta því sem virkar vel. Áfangastaðirnir næsta vetur verða sem sagt sex talsins.

Sem fyrr verður flogið daglega til og frá Kaupmannahöfn og London, auk þess sem sólarstrendur Alicante, heimsborgin Berlín, Legóveröldin Billund og skíðaparadísir nærri Friedrichshafen verða á meðal fastra dagskrárliða.

Ódýrustu sætin á vetraráætluninni eru seld á 7.995 kr. með sköttum og gjöldum og sem fyrr gildir hið fornkveðna — fyrstir koma, fyrstir fá.

Við opnum fyrir sölu á öllum herlegheitunum mánudaginn 16. apríl, kl. 12.00. Það er því smá tími til stefnu og tilvalið að nota hann til að skoða betur hvert og hvenær við fljúgum.

Uppfært: Búið að opna fyrir sölu. Smelltu hér til að bóka


Bloggað 14. apríl 2007, kl. 21:27



Það borgar sig alltaf að spila heiðarlega

Samkeppniseftirlitið sektar Icelandair um litlar 190 milljónir króna.

Það ríkir líklegast einhver flugleiði í höfuðstöðvum Icelandair í dag eftir að Samkeppniseftirlitið felldi þá ákvörðun að fyrirtækinu bæri að greiða 190.000.000 króna (dágóð upphæð það) í sekt til ríkissjóðs, vegna brots á samkeppnislögum.

Í sem stystu máli þá súrraði Icelandair niður verðum á netfargjöldum sínum á flugleiðunum Keflavík - Kaupmannahöfn og Keflavík - London, árið 2004. Svo merkilega vildi til að þetta voru akkúrat sömu áfangastaðir og Iceland Express flaug um á þessum tíma.

Samkeppniseftirlitinu þótti a.m.k. þessi verðlækkun hjá Icelandair undarleg og þar á bæ er málið túlkað svo að um hafi verið að ræða skaðlega undirverðlagningu, ætlaða til þess að koma í veg fyrir fótfestu samkeppnisaðila á markaði.

Svo mörg voru þau orð. Nú er bara vonandi að vinir okkar hjá Icelandair hegði sér betur í framtíðinni og muni spakmælið sígilda úr Dýrunum í Hálsaskógi: Öll dýrin í skóginum eiga að vera vinir!


Bloggað 30. mars 2007, kl. 16:27



Eitt skot og fríið er komið

Er miðið hjá þér gott?

Það er engu um það logið að úrslitakeppnin í Iceland Express deildinni í körfubolta karla og kvenna hefur boðið upp á mörg rafmögnuð augnablik og ófáar neglurnar hafa verið nagaðar langleiðina upp að kviku yfir æsispennandi lokamínútum.

Eins og spennustigið hafi ekki verið nægilegt fyrir, þá ákváðum við að bæta um betur og bjóða nokkrum heppnum áhorfendum á hverjum leik að reyna skotvissuna og vinna borgarferð með Iceland Express um leið.

Nýi leikurinn okkar heitir Borgarskot Iceland Express. Á hverjum leik í úrslitakeppninni er fjórum áhorfendum boðið að reyna boltatæknina með því að taka eitt skot, ýmist frá miðju eða þriggja stiga línunni, háð aldri og kyni áhorfandans. Þeir sem hitta fá að launum borgarferð fyrir tvo á einhvern af áfangastöðum Iceland Express.

Þegar þetta er skrifað hafa fjórar stórskyttur af ýmsum stærðum og gerðum komið boltanum rétta leið ofan í körfuhringinn og eru fyrir vikið á leiðinni út í heim. Við óskum öllu þessu fólki kærlega til hamingju með árangurinn og minnum um leið á að nú er tvöföld ástæða fyrir að mæta á völlinn — að sjá körfubolta í hæsta gæðaflokki og um leið að afgreiða sumarfríið með einu skoti — ef heppnin er með þér.


Bloggað 26. mars 2007, kl. 12:54



Þetta er allt að koma

Iceland Express næstum því vinsælasta fyrirtækið á Íslandi

Úrslitin eru komin á hreint. Mikið rétt. Það er víst búið að telja öll atkvæði, þ.m.t. utankjörstaðaratkvæði, í vali neytenda á fyrirtæki ársins 2007.

Handhafi Neytendaverðlaunanna að þessu sinni er Bónus (sem að eigin sögn býður betur). Í öðru sæti var ... mikið rétt ... Iceland Express!!! Þar að auki fengu Atlantasolía og Iceland Express sérstök hvatningarverðlaun (líklega til þess ætluð að hvetja fyrirtækin til frekari dáða).

Við getum sannarlega verið kát með þessa niðurstöðu, enda keppinautarnir ekki af lakara taginu. Í fyrra lentum við í þriðja sæti, núna lendum við í öðru sæti — eru ekki allir að sjá mynstrið í þessu fyrir næsta ár?

Við hjá Iceland Express þökkum neytendum kærlega fyrir okkur og lítum þannig á málið að við hljótum að vera að gera eitthvað rétt fyrst við lönduðum silfrinu. Við viljum líka óska vinum okkar (og neytenda) hjá Bónus hjartanlega til hamingju með titilinn og hvetjum þá til að njóta hans vel þessar 52 vikur sem framundan eru. Á næsta ári verður nýtt fyrirtæki handhafi verðlaunanna ... ef við fáum einhverju um það ráðið. 


Bloggað 15. mars 2007, kl. 21:47



Í fínum félagsskap

 Við elskum neytendur og neytendur elska (vonandi) okkur

Gestaþraut dagsins: Hvað á Iceland Express sameiginlegt með Atlantsolíu, Bónus, Fjarðarkaup, Húsasmiðjunni, Ikea, Krónunni, Office One, Rúmfatalagernum og Sparisjóðunum?

Svar: Öll þessi fyrirtæki eru tilnefnd til Neytendaverðlaunanna 2007, sem fyrirtæki ársins.

Tilnefningar til Neytendaverðlaunanna voru birtar í síðustu viku, (síðbúin en góð afmælisgjöf fyrir okkur). Næstu daga, nánar tiltekið alveg fram til 12. mars, geta allir með lágmarks tölvukunnáttu kosið sitt uppáhalds fyrirtæki úr þessum fríða hópi. Tilkynnt verður síðan um fyrirtæki ársins þann 15. mars næstkomandi sem, fyrir helbera tilviljun, er einmitt alþjóðlegur dagur neytendaréttar.

Þar sem mörg úrvals fyrirtæki, (viljum ekki styggja neinn), keppa um titilinn að þessu sinni, er ómögulegt að segja til um hvar glerpýramídinn góði endar. Þess má þó geta að Matthías forstjóri á nýpressuð Kóróna-jakkaföt inni í fataskáp sem hann getur hæglega notað í næstu viku, ef tilefnið gefst.

Allir að krossa puttana fyrir okkar hönd og ekki orð um það meir ... að sinni.


Bloggað 6. mars 2007, kl. 09:58



Í loftinu í 1.461 dag (skv. reiknimeisturum)

Iceland Express fagnar fjögurra ára afmæli í dag.

það var sérstakur hátíðarbragur á húslestri Matthíasar forstjóra með starfsmönnum í morgun, enda ærið tilefni. Í dag er nefnilega fjögurra ára afmæli Iceland Express.

Og hvað hefur nú eiginlega gerst á þessum fjórum árum? Hér koma nokkrar tölur sem okkur leiðist ekkert að vekja athygli á:

  • Fyrst voru áfangastaðirnir tveir — nú eru þeir orðnir þrettán.
  • Fyrsta árið fluttum við ca. 130.000 farþega — á síðasta ári voru farþegarnir ca. 320.000.
  • Heimsóknir erlendra ferðamanna til landsins hafa aukist um 16,5%
  • Íslendingarnir eru enn duglegri að gerast heimsborgarar — ferðir erlendis hafa aukist um hartnær 35%.
  • Verð á helstu samkeppnisleiðum hafa lækkað um 50 - 80% frá árinu 2003.

Þetta hljómar nú ekki svo illa, eða hvað?

Eins og jafnan á svona tímamótum, bauð afmælisbarnið upp á léttar veitingar í tilefni dagsins. Veislugestirnir voru allir farþegar á morgunflugunum okkar til Kaupmannahafnar og London og eins og í öllum hefðbundnum fjögurra ára afmælisveislum, var boðið upp á freyðivín og gómsætt fínerí með. Auk þess voru fjórir farþegar leystir út með gjafabréf á flug að eigin vali með Icelandair Iceland Express.

Sem sagt, fyrstu fjögur árin að baki — mörg, mörg fleiri ár framundan þar sem við ætlum að toppa fyrri árangur svo um munar.


Bloggað 27. febrúar 2007, kl. 13:40



Vantar þig vasapening fyrir fríið?

Það má ennþá gera ýmislegt fyrir hundrað þúsund kall

Nokkur atriði sem við getum líklega öll verið sammála um: 

  • Það er skemmtilegra að gista á góðu hóteli frekar en farfuglaheimili.
  • Það er skemmtilegra að borða á góðu veitingahúsi frekar en að drekka jógúrt úr plastdollu.
  • Og það er skemmtilegra að versla í útlöndum frekar en að láta sig bara dreyma um það.

Þurfum við að útskýra þetta eitthvað frekar?

Nú ætlum við hjá Iceland Express að setja af stað lítinn leik þar sem einn heppinn vinningshafi fær eitthvað til að kætast yfir.

Reglurnar eru þessar (ekkert flókið):

Allir ferðalangar sem bóka flugið sitt fyrir 1. mars og ljúka ferðinni fyrir 1. apríl næstkomandi, eiga nú möguleika á því að fá flugbókunina sína endurgreidda. En það er ekki allt því við ætlum líka að leggja aðeins í púkkið í ferðasjóðinn hjá vinningshafanum — litlar 100.000 alvöru íslenskar krónur!

Það eina sem þú þarft að gera er að bóka eitt stykki flug, fram og til baka, og þá fer nafnið þitt sjálfkrafa í pott sem við drögum síðan úr, mánudaginn 5. mars.

Leikurinn hefst í dag, 15. febrúar, svo nú þarftu bara spyrja þig: Hvert vil ég fara? Mundu bara að (flug)miði er möguleiki.


Bloggað 15. febrúar 2007, kl. 10:10



Tár, bros, takkaskór og eitt stykki flugfélag

Iceland Express gerist stuðningsaðili Rey Cup til 2009

Arnar Þór, markaðsstjórinn okkar, sem er mikill fótboltafíkill og heldur með Liverpool í enska boltanum (greyið), skrifaði nýlega undir samning þess efnis að Iceland Express verði aðalstuðningsaðili alþjóðlegu knattspyrnuhátíðarinnar í Reykjavík — Rey Cup — næstu þrjú árin.

Rey Cup verður haldin 25. til 29. júlí í sumar. Þema hátíðarinnar er Fótbolti og fjör og má fastlega búast við góðum skammti af hvoru tveggja. Keppnin er opin barna- og unglingaliðum, (13 til 16 ára), og er búist við því að á bilinu 90 til 100 lið með vel á annað þúsund þátttakendur muni taka þátt, þeirra á meðal þónokkur fjöldi erlendra liða.

Í stuttu samtali við bloggið sagðist Arnar markasstjóri vera mjög ánægður með stuðning Iceland Express við Rey Cup. "Þessi keppni hefur vakið aukna athygli erlendis og gefur okkur möguleika á að kynna Ísland sem áhugaverðan valkost fyrir svona viðburði", sagði hann.

Arnar gat þó ekki leynt augljósum vonbrigðum sínum þegar honum var bent á að hann væri sjálfur orðinn fullgamall til að hafa þátttökurétt á Rey Cup — sagðist hafa sparað vasapeninga síðustu sex mánaða til að kaupa nýja takkaskó og legghlífar. Hann er þó búinn að jafna sig á áfallinu og ætlar í staðinn að standa á hliðarlínunni í sumar og fylgjast með þegar blásið verður til leiks.


Bloggað 7. febrúar 2007, kl. 16:17



Hlutirnir gerast á netinu hjá okkur

Nú leitum við að slyngum og hugmyndaríkum netviðskiptastjóra

Iceland Express leitar að netviðskiptastjóra (eBusiness Manager).

Um 90% af sölu Iceland Express fer fram í gegnum vefi fyrirtækisins og því leggjum við mikinn metnað í markaðssetningu á netinu, enda er fyrirtækið leiðandi í rafrænum viðskiptum á sínu sviði.

Í boði er líflegt og krefjandi starf hjá fyrirtæki sem er í örum vexti. Við leitum því að einstaklingi sem hefur mikinn áhuga á tölvu- og tæknimálum með áherslu á rafræn viðskipti. Ekki er verra að viðkomandi hafi gaman af því að ferðast, enda kallar starfið á einhver ferðalög og töluverð samskipti við erlenda aðila.

Starfslýsing:
- Skipulagning, þróun og innleiðing markaðsaðgerða á netinu
- Hugmyndir að nýrri þjónustu, vöruframboði og öðrum tækifærum sem nýst geta á netinu
- Samskipti við innlenda sem erlenda samstarfsaðila er tengjast rafrænum viðskiptum félagsins  
- Samvinna við ritstjóra í tengslum við efnisinnihald og framsetningu á efni og upplýsingum sem fram eiga að koma á vefjum Iceland Express
- Samskipti við erlendar vefsíður varðandi samstarf og eftirfylgni samstarfsverkefna
- Umsjón með tölfræði sem snýr að vefjum fyrirtækisins

Hæfniskröfur:
- Gott vald á ensku í rituðu og töluðu máli er skilyrði. 
- Yfirgripsmikil þekking af nettækni og -viðskiptum  
- Þekking á HTMLog helstu vefstjórnunarkerfum er kostur en ekki skilyrði 

Sendu umsókn ásamt helstu upplýsingum um þig, merkt Netviðskiptastjóri, til okkar. Mundu bara að umsóknarfresturinn rennur út 11. febrúar. 

Uppfært 9. febrúar: Við ætlum aðeins að lengja umsóknarfrestinn, til 17. febrúar. Láttu vaða — sendu inn umsókn.


Bloggað 3. febrúar 2007, kl. 18:52



Handbolti hvað!

Badmintonlandsliðið vann ekki bara einn leik, þau unnu Evrópumótið. 

Um nýliðna helgi hríslaðist sælutilfinning um nokkra (líklega allt of fáa) Íslendinga, þegar íslenska landsliðið í badminton varð Evrópumeistari B-þjóða.  

Brosmildu og hreystilegu ungmennin á myndinni hér til hliðar, eiga allan heiður að því að hafa skotið litla Íslandi upp á íþróttastjörnuhimininn, og þar með bætt enn einni rósinni í blómvönd íslenskrar íþróttasögu.

Við hjá Iceland Express teljum góða ástæðu til að segja öllum sem vita vilja að frá 2005 höfum við verið einn af helstu styrktaraðilum íslenska badmintonlandsliðsins og sjáum ekkert eftir peningunum sem hafa runnið í það verkefni.

Ef svo ólíklega vill til að þessi árangur hafi algjörlega farið framhjá einhverjum tryggum lesendum bloggsins, þá má rifja atburðarásina upp. Það vill líka svo skemmtilega til að sæta stelpan sem er fyrir miðri mynd, haldandi á Evrópubikarnum, er einn af ofurbloggurum Íslands (fjölhæf manneskja), og því ekki úr vegi að upplifa sigurinn frá sjónarhóli sigurvegarans.

Til hamingju með frábæran árangur.


Bloggað 23. janúar 2007, kl. 23:04



Viltu starfa í hæstu hæðum í sumar?

Nú erum við að leita að flugliðum

 Þegar við byrjuðum fyrir fjórum árum, voru áfangastaðirnir aðeins tveir. Í fyrra flugum við til átta áfangastaða. Í sumar munum við auka kraftinn enn frekar - taka hressilegan vaxtarkipp og fljúga til hvorki meira né minna en 13 áfangastaða um alla Evrópu.

Vertíðin er framundan og þá gildir að hafa gott starfsfólk. Því viljum við ráða áhugasama, dugmikla og jákvæða einstaklinga sem hafa gaman að vera á ferð og flugi og vilja vinna á skemmtilegum vinnustað.

Ef þú ert:
- A.m.k. 22 ára
- Búin(n) að ljúka stúdentsprófi eða sambærilegri menntun
- Talar ensku á við innfæddan, Norðurlandamál án þess að blikna og hefur einhverja kunnáttu í þriðja tungumáli
þá erum við að leita að þér.

Við bjóðum upp á:
- Líflegt vinnuumhverfi
- Fjölbreytt starf og mikil ferðalög (að sjálfsögðu!)
- Skemmtilegt samstarfsfólk

Ef þér líst vel á allt það sem þú hefur lesið, uppfyllir okkar væntingar og ert í leit að sumarstarfi, er þá ekki upplagt að sækja um?

Sendu umsókn ásamt ásamt helstu upplýsingum um þig og ljósmynd, (þú veist að mynd segir meira en þúsund orð), til okkar. Mundu bara að umsóknarfresturinn rennur út 28. janúar.


Bloggað 20. janúar 2007, kl. 22:29



Do you speak English?

Við leitum að vefritstjóra sem er góður í útlensku

Iceland Express leitar að ritstjóra fyrir erlenda vefi fyrirtækisins.

Við hjá Iceland Express starfrækjum öfluga vefi á fimm tungumálum:  íslensku, ensku, þýsku, dönsku og sænsku og er frekari fjölgun á þeim vettvangi  í bígerð. Til viðbótar eru starfræktir Netklúbbar fyrir íslenskan og erlendan markað með vel á annað hundrað þúsund áskrifendur.

Megnið af sölu Iceland Express fer fram í gegnum vefi þess og því leggjum við mikinn metnað í efni og útlit vefjanna, enda  er fyrirtækið leiðandi í rafrænum viðskiptum á sínu sviði.

Í boði er líflegt og krefjandi starf hjá fyrirtæki sem er í örum vexti. Við leitum því að einstaklingi sem hefur bullandi áhuga á ferðaþjónustu, jafnvel einhverja reynslu af skrifum og á gott með að tjá sig, bæði í orði og á lyklaborði. Ekki er verra að viðkomandi hafi gaman af því að ferðast, enda kallar starfið á einhver ferðalög og töluverð samskipti við erlenda aðila.

Starfslýsing:
- Ritstjórn fréttabréfs fyrir erlenda Netklúbbinn
- Umsjón með ensku bloggi Iceland Express - http://blog.icelandexpress.com/iceland
- Ritstjórn, þ.m.t. efnisöflun og uppsetning efnis á www.icelandexpress.com 
- Utanumhald vegna þýðinga fyrir erlenda vefi    
- Umsjón með upplýsingaefni á ensku sem sent er til farþega
Auk þess sem öðru hvoru þarf að skrifa og/eða þýða efni sem er ætlað til prentunar, t.d. auglýsingar, tímarit o.þ.h.


Hæfniskröfur:
- Mjög gott vald á ensku í rituðu og töluðu máli er skilyrði. 
- Góð hæfni að koma hugsunum á blað og skrifa læsilegan og skemmtilegan texta.  
- Reynsla af skrifum fyrir prentmiðla og/eða vefmiðla er æskileg. 
- Menntun og þekking á html og helstu vefstjórnunarkerfum er kostur en ekki skilyrði 
- Ekki er verra ef einhver þekking á myndvinnsluforritum, t.d. Photoshop, er fyrir hendi.

Sendu umsókn ásamt helstu upplýsingum um þig, merkt Ritstjóri, til okkar. Mundu bara að umsóknarfresturinn rennur út 28. janúar.


Bloggað 20. janúar 2007, kl. 21:27



Við erum fjögurra ára í dag: Sértilboð

4 ára afmæliAfmælisbarnið verður á ferð og flugi á afmælisdaginn

Í dag eru nákvæmlega fjögur ár síðan við hjá Iceland Express hófum sölu á ferðum til Kaupmannahafnar og London.

Það gafst því miður ekki færi á að blása til veislu í tilefni áfangans en til að vega upp á móti því ætlum við að skella inn fyrsta tilboði ársins 2007.

Sala hefst: Klukkan 12.00, miðvikudaginn 10. janúar.

Ferðatímabil: 11. janúar til 31. mars 2007.

Flugleiðir: Milli Íslands og Berlínar, Friedrichshafen, Kaupmannahafnar og London.

Verð: Frá 6.465 aðra leið, með sköttum og gjöldum.

Gjafir og heillaóskaskeyti vegna afmælisins eru vinsamlega afþökkuð en vinum og velunnurum er bent á að frekar má nota aurinn til að bóka eins og eina ferð til áfangastaða okkar í Evrópu. Það er líka fátt betra en að fagna afmæli annarra með því að gefa sjálfum sér utanlandsferð.

Uppfært 10. janúar, kl. 12: Salan er hafin.

Uppfært á hádegi 12. janúar: Allt búið! Þökkum ánægjuleg viðskipti!


Bloggað 9. janúar 2007, kl. 22:20



Stundvísi takk!

Við viljum ekki að þú missir af vélinni

Gling gló, klukkan slóNú um áramótin tók fyrirtækið Flugstoðir við umsjón á íslenska flugumferðarsvæðinu. Þar sem samningar hafa ekki náðst við nokkurn fjölda flugumferðarstjóra um að starfa fyrir nýja fyrirtækið, er líklegt að einhver röskun muni verða á flugumferð til og frá landinu.

Meðal annars þarf að lengja biðtíma á milli brottfara millilandaflugvéla frá Keflavíkurflugvelli. 20 mínútna bið verður á milli brottfara og mun þetta líklega valda töfum á áætluðum brottfarartíma í einhverjum tilvikum.

Guðbergur Ólafsson, rekstrarstjóri Iceland Express, er mikill áhugamaður um stundvísi og hann átti ekki í vandræðum með að upplýsa bloggskrifara um áhrif breytinganna á flugáætlunina.

"Morgunbrottfarirnar okkar til Kaupmannahafnar og London eru það snemma að vonandi verður lítil sem engin töf á þeim," segir Guðbergur. "En þetta þýðir líka að við tökum stíft á stundvísinni hjá farþegum okkar," bætir hann við. "Það er því vissara að allir mæti tímanlega í innritun og hafi farangur og ferðaskilríki til taks svo að allt gangi nú vel fyrir sig."
Með þessum orðum var Guðbergur rokinn, enda vildi hann ekki mæta of seint á næsta fund.

Góðir farþegar, takið þennan mann til fyrirmyndar á nýju ári.


Bloggað 2. janúar 2007, kl. 10:22



Ekkert vesen og allt í góðu lagi

Iceland Express orðið hluti af einu stærsta ferðaþjónustufyrirtæki Norðurlanda. 

Í gær tilkynnti forstjóri Iceland Express, Matthías Imsland, í daglegum húslestri sínum með starfsfólki, að Iceland Express væri komið í eigu nýstofnaðs fyrirtækis á norrænum ferðamarkaði, Northern Travel Holding.

Fyrri eigandi Iceland Express, eignarhaldsfélagið Fons, er meðal stærstu eigenda Northern Travel Holding, og ekki verða gerðar neinar breytingar á rekstri Iceland Express í tengslum við eignarhaldsbreytinguna.

"Þetta eru bara spennandi og jákvæðar fréttir fyrir Iceland Express," sagði Matthías. "Þetta sýnir sterka stöðu félagsins og er mikil viðurkenning fyrir gott starf."

Aðrir eigendur Northern Travel Holding eru FL Group og Sund, og meðal fyrirtækja innan vébanda þess má nefna norræna lággjaldafélagið Sterling, ferðaskrifstofurnar Hekla Travel og Ticket, og breska leiguflugfélagið Astraeus. Reiknað er með að velta félagsins verði milli 120 og 150 milljarðar króna.


Bloggað 28. desember 2006, kl. 14:57



Það er sælla að gefa en þiggja

Ef þú kaupir jólagjafabréf Iceland Express gefum við þér kannski ferð.

Við kynnum með stolti hina nýju sælla-er-að-gefa-en-þiggja stefnu Iceland Express!

Á milli jóla og nýárs verður dregið úr öllum seldum jólagjafabréfum og tíu heppnir jólasveinar fá ferð fyrir sig, fram og til baka með öllu tilheyrandi, á einhvern af áfangastöðum okkar. Það er jú alltaf skemmtilegra að hafa einhvern ferðafélaga.

Hægt er að kaupa jólagjafabréfin á vefnum alveg þangað til messan byrjar á rás eitt á aðfangadag. Halelúja!

Keyptu jólagjafabréfið núna


Bloggað 21. desember 2006, kl. 14:09



Jólatilboð: 2.990 flugsæti í desember

Jólin eru óvenju snemma á ferð hjá okkur.

Það eru ellefu dagar í fyrsta jólasveininn og meira en þrjár vikur til jóla en okkur er alveg sama. Við erum komin í jólaskap.

Í desember býður Iceland Express upp á 2.990 flugsæti á verði sem færir gleði í hvert hjarta (nema samkeppnisaðilanna auðvitað).

Sala hefst:
Föstudaginn 1. desember, kl. 9.00

Gildir fyrir flug á tímabilinu:
1. til 30. desember 2006

Áfangastaðir:
Gildir fyrir alla áfangastaði Iceland Express: Alicante, Berlín, Frankfurt Hahn, Kaupmannahöfn og London.

Verð:
Verð með sköttum og gjöldum: frá 5.895 kr.

Ath:
Valdar dagsetningar, takmarkað sætaframboð. Fyrstir koma, fyrstir fá, líkt og vanalega. Aðeins hægt að bóka á netinu.

Kíktu á áfangastaðina meðan þú bíður

Uppfært 1. desember, kl. 9: Salan er hafin.

Uppfært 4. desember, kl. 9: Sölunni er lokið.

Bóka núna


Bloggað 30. nóvember 2006, kl. 18:58



Nýjustu fréttir: Utanríkisráðherra bókar ferð til útlanda

Valgerður Sverrisdóttir bókar flug til Kaupmannahafnar frá Egilsstöðum á skrifstofu sinniSala er hafin á beinu flugi milli Egils Daða Egilsstaða og Kaupmannahafnar

Sala á sætum í beinu flugi á milli Egilsstaða og Kaupmannahafnar næsta sumar hófst í gær. Fyrir einskæra tilviljun vildi svo skemmtilega til að Valgerður Sverrisdóttir utanríkisráðherra bókaði fyrsta sætið á þessari flugleið.

Útsendari okkar var einmitt staddur í morgunkaffi í utanríkisráðuneytinu á sama tíma og náði að festa atburðinn á filmu.

Það er hægt að lesa allt um Egilsstaðaflugið á blogginu.


Bloggað 22. nóvember 2006, kl. 11:00



Egilsstaðir komast á flugkortið

Merki EgilsstaðaEgilsstaðabúar og nærsveitarmenn athugið: Landsbyggðarstefna Iceland Express heldur áfram

Fyrst var það Keflavík, svo Akureyri og nú er röðin komin að Egilsstöðum. Sumarið 2007 munum við hefja beint flug á milli Egilsstaða og Kaupmannahafnar. Langar og lýjandi ferðir yfir landið endilangt, til að komast út í heim, munu heyra sögunni til.

Við leggjum heldur enga aukatolla á landsbyggðarfólk, sama lága verðið, frá 7.995 kr. aðra leið með sköttum og gjöldum.

Nú er tækifærið fyrir íbúa Austurlands að kynnast afslöppuðu andrúmsloftinu í Köben með lágmarks fyrirhöfn. Þar að auki eru Danir ósköp vinalegir upp til hópa fyrir utan fólkið á Ekstrabladet og því ekki síðra að kynnast þeim ögn betur.

Frá Kaupmannahöfn er líka hægt að þvælast út um allan heim með framhaldsflugi.

Sala á flugi frá Egilsstöðum sumarið 2007 hefst á hádegi á morgun, 21. nóvember, en þangað til er hægt að skipuleggja sumarfríið í huganum og skoða flugáætlunina okkar.


Bloggað 20. nóvember 2006, kl. 16:48



Gjöfin handa þeim sem eiga allt

Jólagjöfin í ár: ferð til útlanda með Iceland Express fyrir 19.900 kr.

Jólagjafabréf Iceland Express eru komin í sölu og gilda í ferð, fram og til baka, á alla áfangastaði okkar í Evrópu. Skattar og gjöld, allt innifalið í pakkanum.

(Ef þú vilt það frekar, geturðu líka gefið inneign upp í flug, allt frá 2.000 krónum.)

Hægt er að kaupa jólagjafabréfin á vefnum alveg þangað til messan byrjar á rás eitt á aðfangadag. Það eina sem þú þarft að gera er að fara á netið, panta, prenta og pakka inn!

Keyptu jólagjafabréfið núna


Bloggað 19. nóvember 2006, kl. 23:29



Hinn ástkæri leiðtogi kveður

Birgir Jónsson hættir sem forstjóri Iceland Express.

Okkar ástkæri leiðtogi, Birgir Jónsson, tilkynnti á fundi með starfsfólki Iceland Express í morgun að hann hefði sagt starfi sínu lausu og hygðist hætta strax í dag.

Matthías Imsland, stjórnarmaður hjá Iceland Express og forstöðumaður norrænna fjárfestinga hjá Fons, eiganda félagsins, tekur tímabundið við stöðunni, þar til nýtt fórnarlamb nýr forstjóri hefur verið ráðinn.

Á fundinum sagðist Birgir kveðja okkur öll með söknuði, en líka vera spenntur fyrir því að takast á við ný verkefni. Hann tekur nú við stöðu framkvæmdastjóra erlendrar starfsemi hjá eignarhaldsfélaginu Kvos, sem meðal annars á prentsmiðjuna Odda.

Bloggið telur sig tala fyrir hönd allra starfsmanna Iceland Express þegar við þökkum Birgi fyrir að hafa verið frábær forstjóri. Vonandi heldur hann áfram að koma í starfsmannapartí!


Bloggað 17. nóvember 2006, kl. 13:16



Nýir skór fyrir veturinn! Tilboð til Alicante

Nú höfum við sett í sölu fullt af sætum til Alicante á 9.990 kr. aðra leið með sköttum og gjöldum. Vamos a la playa!

Sölutímabil:
Sala er hafin og stendur til kl. 23.59, föstudaginn 17. nóvember.

Ferðatímabil:
18. nóvember til og með 20. desember 2006.

Áfangastaður: 
Alicante á Spáni

Verð: 
9.990 kr. aðra leið, með sköttum og gjöldum.

Ath:
Valdar dagsetningar, takmarkað sætaframboð. Fyrstir koma, fyrstir fá.

Bóka núna

P.S. Kíktu á hóteltilboð Express Ferða á Alicante


Bloggað 16. nóvember 2006, kl. 00:05



Tilboð á 5 stjörnu hótel á Alicante

Express Ferðir bjóða fimm stjörnu hótel á Alicante á 6.900 kr. nóttin á mann

Í tengslum við tilboð á flugi til Alicante til jóla, bjóða félagar okkar hjá Express Ferðum tilboðsverð á Hotel Sidi, fimm stjörnu hóteli í smábænum San Juan, nálægt Alicante.

Verðið er 6.900 kr. á mann fyrir nóttina, miðað við tvo í herbergi.

Öll herbergin eru með svalir og útsýni yfir ströndina. Á hótelinu er líka veitingahús, heilsulind og spa, tennisvellir, inni- og útisundlaug, leiksvæði fyrir börn og barnalaug.

Fyrir þá sem vilja komast inn til Alicante eru skutlur reglulega yfir daginn frá hótelinu og aftur til baka og sú þjónusta kostar ekkert aukalega.

Athugið: Takmarkað framboð.

Til að fá meiri upplýsingar eða bóka, er best að hringja í Express Ferðir í síma 590 0100 (milli 9 og 17) eða senda póst á info@expressferdir.is


Bloggað 16. nóvember 2006, kl. 00:02



Achtung: Þýskaland á tilboðsverði

Á mánudagsmorguninn opnum við fyrir sölu á fullt af sætum til Þýskalands á 8.900 kr. aðra leið með sköttum og gjöldum. Ich komme!

Sölutímabil:
Frá kl. 9, að morgni mánudagsins 6. nóvember, til hádegis, föstudaginn 10. nóvember.

Ferðatímabil:
6. nóvember til og með 20. desember 2006.

Áfangastaðir: 
Berlín og Frankfurt Hahn.

Fast verð: 
8.900 kr. aðra leið, með sköttum og gjöldum.

Ath:
Valdar dagsetningar, takmarkað sætaframboð. Fyrstir koma, fyrstir fá.

Við ítrekum: salan hefst kl. 9 á mánudaginn.

Á meðan þú bíður gætirðu til dæmis kíkt á áfangastaðina, eða skoðað flugáætlunina okkar.


Bloggað 5. nóvember 2006, kl. 01:31



Achtung: Þýskaland á tilboðsverði

Á mánudagsmorguninn opnum við fyrir sölu á fullt af sætum til Þýskalands á 8.900 kr. aðra leið með sköttum og gjöldum. Ich komme!

Sölutímabil:
Frá kl. 9, að morgni mánudagsins 6. nóvember, til hádegis, föstudaginn 10. nóvember.

Ferðatímabil:
6. nóvember til og með 20. desember 2006.

Áfangastaðir: 
Berlín og Frankfurt Hahn.

Fast verð: 
8.900 kr. aðra leið, með sköttum og gjöldum.

Ath:
Valdar dagsetningar, takmarkað sætaframboð. Fyrstir koma, fyrstir fá.

Við ítrekum: salan hefst kl. 9 á mánudaginn.

Á meðan þú bíður gætirðu til dæmis kíkt á áfangastaðina, eða skoðað flugáætlunina okkar.


Bloggað 5. nóvember 2006, kl. 01:31



Breyttar reglur um handfarangur

Mynd af plastpokum sem innihalda vökvaMánudaginn 6. nóvember taka gildi nýjar reglur um handfarangur á öllum flugvöllum í Evrópu til að sporna við meintri hættu af sprengiefnum í fljótandi formi.

Með reglunum eru sett ákveðin takmörk á leyfilegu magn vökva í handfarangri, sem hér segir:

  • Allar umbúðir (flöskur, túpur, hylki og annað) sem innihalda vökva verða að rúmast í einum gegnsæjum eins lítra plastpoka sem hægt er að loka með plastrennilási.
  • Í hverjum umbúðum mega ekki vera meira en 100 ml af vökva.
  • Öryggisverðir mega gera undantekningu vegna barnamatar, og lyfja merktum notanda (í magni sem dugar meðan á ferð stendur). Einnig er tekið tillit til sérstaks mataræðis ef með fylgir tilvísun frá lækni.

Eftirfarandi flokkast til dæmis sem vökvi:

  • Gos
  • Áfengi
  • Ilmvatn
  • Rakakrem
  • Tannkrem
  • Varagloss
  • Hárlakk
  • Sápur
  • Sjampó

Eftir sem áður mega farþegar hafa sem handfarangur eina tösku eða bakpoka, ekki stærri en 55x35x25cm, að hámarki 10 kg. (Engar áhyggur — í töskunni mega vera raftæki eins og farsímar, MP3 spilarar, myndavélar og fartölvur.)

Athugið að þessar reglur gilda ekki um innritaðan farangur, aðeins handfarangur.

Vænta má einhverra tafa í öryggisleit vegna þessara ráðstafana, og því er venju fremur mikilvægt að mæta tímanlega í innritun.

Nánari upplýsingar

Á vef Flugmálastjórnar er greinargott yfirlit um nýju reglurnar.

Bæklingur frá Flugmálastjórn (PDF, 1.9MB)


Bloggað 2. nóvember 2006, kl. 21:44



Brimborg (næstum því) fyrst íslenskra fyrirtækja til að nota bloggið sem samskiptaleið

Í Morgunblaðinu í gær segir Egill Jóhannson framkvæmdastjóri Brimborgar frá nýja blogginu þeirra: "Við viljum meina að Brimborg sé fyrsta fyrirtækið á Íslandi sem bloggar og ég er sannfærður um að bloggið er upphafið að nýrri samskiptabyltingu."

Úrklippa úr Morgunblaðinu 29. október með viðtali við forstjóra Brimborgar

Við gætum ekki verið meira sammála. Eða, eins og Heimsborgarinn sagði: "Wake up and welcome to the nineteenth century."

Kíkið á Egil og félaga á www.brimborg.blog.is. Þeir eru sannkallaðir heimsborgarar!

Án þess að vilja taka neitt frá þeim Brimborgarmönnum viljum við benda á að bloggið okkar hjá Iceland Express hefur nokkuð lengi verið öruggur staður til að vera á, bæði það íslenska (sem þú ert að skoða núna) og líka nýja útlenska bloggið okkar á How Do You Like Iceland.


Bloggað 30. október 2006, kl. 16:31



Við stækkum: Þrettán áfangastaðir næsta sumar

Fimm nýir áfangastaðirÍ hádeginu opnum fyrir sölu á flugi til þrettán flugvalla í Evrópu næsta sumar.

Sala á ferðum næsta sumar til sex fimm nýrra og átta gamalla áfangastaða Iceland Express hefst kl. 12 á hádegi.

Nýju staðirnir:
París, ÓslóBasel, Billund, og Eindhoven.

Gömlu staðirnir:
Alicante, Berlín, Frankfurt Hahn, Friedrichshafen, Gautaborg, Kaupmannahöfn, London og Stokkhólmur.

Bónus fyrir Norðlendinga:
Frá Akureyri til Kaupmannahafnar tvisvar í viku frá 3. júní til 31. ágúst 2007.

Opnað fyrir sölu:
Þriðjudaginn 24. október, kl. 12.00.

Flugtímabil:
Allt næsta sumar, til 15. september 2007.

Þess má geta að hjá Iceland Express eru ódýrustu sætin seld fyrst, þannig að það borgar sig að vera svolítið þýskur skipulagður og bóka snemma! Samt ekki fyrr en á hádegi!

Uppfært kl. 12: Salan er hafin á flugi næsta sumar.

Uppfært 22. nóvember: Góðu fréttirnar: sala á flugi til Billund er loksins hafin. Slæmu fréttirnar: Því miður urðum við að hætta við flug til Bergen. Áfangastaðirnir okkar verða því ekki 14, heldur 13, nema við teljum Egilsstaði með. Undskyld!

Bóka núna


Bloggað 23. október 2006, kl. 17:44



Takið eftir, takið eftir: 20.000 sæti á alla áfangastaði til 1. desember

Mynd af gjallarhorniFrá hádegi á morgun, þriðjudag, opnum við fyrir sölu á 20.000 sætum á 8.900 kr. aðra leið; fram og til baka fyrir 17.800 kr.

Sölutímabil:
Frá hádegi, þriðjudaginn 17. október
til hádegis, föstudaginn 20. október.

Ferðatímabil:
18. október til og með 30. nóvember 2006.

Áfangastaðir:
Gildir fyrir alla áfangastaði Iceland Express [nánar].

Fast verð: 
8.900 kr. aðra leið, með sköttum og gjöldum.

Ath:
Valdar dagsetningar, takmarkað sætaframboð. Fyrstir koma, fyrstir fá.

Salan hefst á hádegi á þriðjudag, 17. október.

Á meðan þú bíður gætirðu til dæmis kíkt á áfangastaðina, eða skoðað nýja bloggið okkar á ensku, How do you like Iceland?

Uppfært 17. október, kl. 12: Salan er hafin. Smelltu hér til að bóka ódýrt flug


Bloggað 16. október 2006, kl. 16:55



Akureyri séð úr flugstjórnarklefanum

Flugmenn Iceland Express tóku aðflugið inn á Akureyri upp á myndband um daginn.

Hér að neðan er tæplega 5 mínútna myndskeið sem flugmenn Iceland Express tóku í aðflugi inn á Akureyri í síðustu viku. Upptakan er fyrst og fremst ætluð til þjálfunar en okkur datt í hug að fleiri gætu haft gaman að því að sjá Eyjafjörðinn eins og hann birtist fólkinu í flugstjórnarklefanum.


Bloggað 12. október 2006, kl. 10:57



Frá hádegi á mánudag: Tilboð á flugi fram í miðjan desember

2.990 flugsæti, aðra leið, á tilboðsverði.

Sala hefst:
Mánudaginn 9. október, kl. 12.00

Gildir fyrir flug á tímabilinu:
10. október til 15. desember 2006

Áfangastaðir:
Gildir fyrir alla áfangastaði Iceland Express.

Verð: 
Verð með sköttum og gjöldum: frá 5.985 kr.

Ath:
Valdar dagsetningar, takmarkað sætaframboð. Fyrstir koma, fyrstir fá.

Sala hefst á hádegi á mánudag, 9. október. Á meðan þú bíður gætirðu til dæmis kíkt á áfangastaðina, eða skoðað nýja bloggið okkar, How do you like Iceland?  

Uppfært 9. október, kl. 12: Salan er hafin. Smelltu hér til að bóka ódýrt flug

Uppfært: 10. október kl. 15.25: Allt búið! Þökkum ánægjuleg viðskipti!


Bloggað 8. október 2006, kl. 11:23



How do you like Iceland?

Bloggsíðan How do you like IcelandKíktu á nýja bloggið okkar fyrir útlendinga.

Við vorum að gangsetja nýtt blogg um Ísland fyrir útlendinga. Það ber hið einstaklega frumlega nafn "How do you like Iceland?".

Þar fjöllum við um íslenska náttúru, næturlífið í Reykjavík, íslenska tónlist, og opinberum ýmsa leyndardóma Íslands fyrir öllu fólkinu í útlöndum sem finnst allt vera svo frábært á Íslandi. (Sjálf vitum við auðvitað að allt er best í útlöndum.)

Markmiðið er bæði að upplýsa þá sem hafa áhuga á Íslandi, og að draga fleiri túrista til landsins fyrir ykkur til að leika við. Ekki segja að við höfum ekki varað ykkur við.

En þótt nýja bloggið sé aðallega hugsað fyrir útlendinga og sé meira að segja á útlensku, þýðir það ekki að þið megið ekki skoða það líka!

Kíktu á How do you like Iceland


Bloggað 1. október 2006, kl. 14:41



Út með þetta lið, allt saman

Bunki af vegabréfumErtu að skipuleggja hópferð? Láttu hópadeild Iceland Express sjá um alla vinnuna á meðan þú færð allt hrósið.

Auður, Guðrún og Helga í hópadeild Iceland Express sjá um að skipuleggja ferðir fyrir hópa og félög, 11 og fleiri.

Þær bóka fyrir þig flugið, gistinguna og ferðir til og frá flugvellinum.

Þær geta líka pantað sali á hótelum, fundið spennandi skoðunarferðir og útvegað miða í leikhús eða á tónleika.

Mundu líka að hjá okkur er auðvelt að breyta bókunum og það ekkert sem segir að hópurinn þurfi að vera yfir sunnudag (eins og hjá sumum).

Sendu okkur fyrirspurn um hópabókanir


Bloggað 23. september 2006, kl. 09:06



Það teygist á London og Kaupmannahöfn

Við erum búin að opna fyrir sölu á flugi til London og Kaupmannahafnar til 15. maí 2007.

Í dag framlengdu vinir okkar í tekjustýringardeildinni sölutímabilið á flugi til Kaupmannahafnar og London frá 30. mars til 15. maí 2007.

Það ætti þess vegna að vera fullt af sætum á þessu tímabili á 7.995 kr. með sköttum og gjöldum.

Bóka flug til Kaupmannahafnar og London eftir 30. mars 2007


Bloggað 22. september 2006, kl. 16:35



Frá hádegi á mánudag: Tilboðssæti í október og nóvember

2.990 flugsæti, aðra leið, á tilboðsverði.

Sala hefst:
Mánudaginn 18. september, kl. 12.00

Gildir fyrir flug á tímabilinu:
1. október til 15. nóvember 2006

Áfangastaðir:
Gildir fyrir alla áfangastaði Iceland Express.

Verð: 
Verð með sköttum og gjöldum: frá 5.985 kr.

Ath:
Valdar dagsetningar, takmarkað sætaframboð. Fyrstir koma, fyrstir fá.

Sala hefst á hádegi á mánudag, 18. september. Kíktu á áfangastaðina meðan þú bíður

Uppfært: Salan er hafin. Smelltu hér til að bóka ódýrt flug

Uppfært 19/6, kl. 10:00: Sölunni er lokið. Þökkum ánægjuleg viðskipti!


Bloggað 17. september 2006, kl. 13:54



Veturinn byrjar á morgun

Vetraráætlun Iceland Express er í gildi frá 16. september

Jæja þá er sumarið að verða búið, að minnsta kosti á dagatali Iceland Express. Vetraráætlunin tekur við á morgun og gildir til 31. mars 2007.

Alicante 1-2x í viku
Berlín 2x í viku til 8. janúar 
Frankfurt Hahn 2x í viku
Friedrichshafen 1-2x í viku frá 30. desember til 3. mars 
Kaupmannahöfn 7-9x í viku
London 7x í viku

Auk þess verður flogið frá Akureyri til London frá 28. september til 29. október og frá Akureyri til Kaupmannahafnar frá 2. nóvember til 3. desember.

Iceland Express: Flugáætlun


Bloggað 15. september 2006, kl. 16:12



2.990 flugsæti á færbandinu þokast nær

Tilboð á 2.990 flugsætum í september.

Sala hefst:
Mánudaginn 4. september, kl. 12.00

Gildir fyrir flug á tímabilinu:
5. til 30. september 2006

Áfangastaðir:
Gildir fyrir alla áfangastaði Iceland Express: Akureyri, Alicante, Berlín, Frankfurt Hahn, Friedrichshafen, Gautaborg, Kaupmannahöfn, London, Reykjavík og Stokkhólm (Athugið að við hættum að fljúga til Gautaborgar og Stokkhólms um miðjan september.) 

Verð: 
Verð með sköttum og gjöldum: frá 5.985 kr.

Ath:
Valdar dagsetningar, takmarkað sætaframboð. Fyrstir koma, fyrstir fá.

Sala hefst á hádegi á mánudag, 4. september. Kíktu á áfangastaðina meðan þú bíður

Uppfært: Salan er hafin. Smelltu hér til að bóka ódýrt flug

Bóka núna


Bloggað 3. september 2006, kl. 21:12



Haustbæklingurinn kominn

Þá eru laufin byrjuð að falla á allt og alla og haustbæklingur Iceland Express er kominn með fullt af hugmyndum og ferðum. Smelltu hér til að kíkja á haustbækling Iceland Express

Bloggað 30. ágúst 2006, kl. 21:36



Tilboð til e-kortshafa

Merki e-kortsins og Iceland Express í flækju

Klukkan sex: Sexhundruð sæti í september á sexþúsund krónur.

Tilboðið gildir:
Fyrir alla e-korthafa

Bókanlegt:
Frá og með kl. 6.00 að morgni miðvikudagsins 30. ágúst til og með 1. september, meðan til eru sæti

Í boði:
600 sæti

Verð:
6.000 kr. aðra leið með sköttum og gjöldum.

Ferðatímabil:
1. til 30. september 2006

Hvert:
Til allra áfangastaða Iceland Express

Farðu á vef e-kortsins til að bóka:
www.ekort.is/icelandexpress


Bloggað 30. ágúst 2006, kl. 00:00



Farðu nú að vinna

Gínur í einkennisbúningum Iceland ExpressOkkur vantar fleira fólk í þjónustuver Iceland Express

Við erum að leita að ábyggilegum einstaklingi með kurteislegt viðmót og ríka þjónustulund til að vinna í þjónustuverinu okkar.

Eins og allir aðrir starfsmenn Iceland Express þarftu að "sýna áhuga, sjálfstæði í starfi og geta unnið vel undir álagi". Umsóknarfresturinn er til 20. ágúst.

Já, og eitt enn. Það er ekki verra ef þú talar rússnesku eða pólsku.

Allt um laus störf hjá Iceland Express

Uppfært: Umsóknarfresturinn er liðinn. Þökkum öllum sem sótt um.


Bloggað 15. ágúst 2006, kl. 13:36



Ný sending af tilboðssætum

Jóhannes Kjarval á tvöþúsundkróna seðlinumTvö þúsund flugsæti á verði sem Kjarval hefði verið sáttur við.

Sala hefst:
Mánudaginn 14. ágúst, kl. 12.00

Gildir fyrir flug á tímabilinu:
21. ágúst til og með 10. október 2006

Áfangastaðir:
Gildir fyrir alla áfangastaði Iceland Express: Akureyri, Alicante, Berlín, Frankfurt Hahn, Friedrichshafen, Gautaborg, Kaupmannahöfn, London, Reykjavík og Stokkhólm

Verð: 
Verð með sköttum og gjöldum: frá 5.145 kr. til 6.295 kr.
Sjá yfirlit hér (opnast í nýjum glugga)

Ath:
Valdar dagsetningar, takmarkað sætaframboð. Fyrstir koma, fyrstir fá.

Sala hefst á hádegi á mánudag, 14. ágúst. Kíktu á áfangastaðina meðan þú bíður

Uppfært: Salan er hafin. Smelltu hér til að bóka ódýrt flug


Bloggað 13. ágúst 2006, kl. 13:00



Auknar öryggisráðstafanir í London næstu daga

Eins og flestir hafa líklega frétt hefur öryggisgæsla verið aukin verulega á flugvöllum í London og í flugi til London frá Keflavíkurflugvelli. 

Búið er að banna allan handfarangur, handleitað er á öllum farþegum og farþegar mega ekki fara með vökva (drykki, sjampó, sólarolíu, tannkrem, o.fl) um borð nema í innrituðum farangri. Fartölvur og farsímar verða líka að vera innrituð. 

Út af öllu þessu biðjum við farþega okkar til og frá London næstu daga að koma snemma í innritun en vera viðbúna töfum á flugvellinum. Við biðjumst velvirðingar á þessu og vonum að hlutirnir komist aftur í eðlilegt horf eins fljótt og mögulegt er.

Uppfært 11. ágúst, kl. 16.12: Að mestu leyti góðar fréttir: Aðeins um hálftíma töf varð á hádegisflugi okkar frá Stansted í dag og vonandi gengur allt vel í kvöldfluginu á eftir.

Uppfært 14. ág��st, kl. 13.00: Búið að slaka á reglum um handfarangur. Flugmálayfirvöld í Bretlandi voru að tilkynna að búið er að slaka á reglum um handfarangur í flugi frá Bretlandi. Farþegar mega hafa meðferðis eina litla tösku eða bakpoka, þó ekki stærri en 35x45x16 cm. Í töskunni mega vera raftæki eins og farsímar, MP3 spilarar, myndavélar og fartölvur en vökvar aðrir en lyf og barnamjólk eru bannaðir, sem og kveikjarar. 

Viltu vita meira?


Bloggað 10. ágúst 2006, kl. 10:14



Viltu vita meira um hvert þú ert að fara og hvað þú átt að gera þegar þangað kemur?

FastCheck Arrival GuidesUpplýsingabæklingar á ensku um alla áfangastaði Iceland Express nú fáanlegir hér á vefnum, ókeypis

Nú er hægt að sækja hér á vefnum upplýsingabæklinga frá FastCheck Arrival Guides fyrir alla áfangastaði Iceland Express. Bæklingarnir eru:

  • fullir af ábendingum um áhugaverða staði, veitingahús, söfn, leiksýningar og fleira,
  • uppfærðir á hverjum ársfjórðungi,
  • skrifaðir af blaðamönnum sem þekkja til á hverjum stað,
  • með kortum af hverri borg og í þeim eru greinargóðar upplýsingar um samgöngur.

Það er einfalt að sækja sér bækling og lesa á netinu eða prenta út og taka með sér í ferðina.

Sæktu bækling um einhvern af áfangastöðum Iceland Express


Bloggað 2. ágúst 2006, kl. 16:31



Ich bin, du bist, und so weiter

Rifjaðu upp þýskuna í haust og vetur

Þýskaland tekur á móti Iceland Express ferðalöngum í haust og vetur á þremur áfangastöðum, Berlín, Frankfurt Hahn og Friedrichshafen.

Hvernig væri að bregða sér í borgarferð til Berlínar, keyra um nágrenni Frankfurt Hahn eða skella sér á skíði í Friedrichshafen?

Bókaðu núna og nældu þér í besta verðið á flugi til Þýskalands.

Viltu meira en flug? Express Ferðir, ferðaskrifstofa Iceland Express býður upp á borgar- og sérferðir þar sem þaulvanir fararstjórar segja frá því merkasta á hverjum stað. Skoðaðu hvað er í boði á www.expressferdir.is


Bloggað 14. júlí 2006, kl. 14:21



Ferðaveturinn mikli

Forsjálustu ferðalangarnir fá ódýrustu sætin.

Snjókarl með flugmannshúfuFlugáætlun Iceland Express fyrir næsta vetur, allt til 31. mars 2007, er komin í sölu. Ekki bíða með að tryggja þér lægsta fargjald til London, Kaupmannahafnar, Frankfurt Hahn, Berlínar, Friedrichshafen og Alicante næsta vetur. Að hika er sama og tapa.

Áfangastaðir Iceland Express veturinn 2006–2007 verða því sex talsins, London, Kaupmannahöfn, Frankfurt Hahn, Berlín, Friedrichshafen og Alicante.

Ódýrustu sætin eru seld fyrst og þess vegna ætti að vera nóg af sætum á 7.995 kr með sköttum og gjöldum þegar þetta er skrifað.

Lestu þér til um áfangastaðina okkar eða farðu aftur á forsíðuna

Smelltu hér til að bóka


Bloggað 9. júlí 2006, kl. 00:01



Iceland Express beinir athyglinni að athyglisbresti og ofvirkni

Næsta árið mun félagið vinna með ADHD samtökunum að fræðsluátaki um athyglisbrest og ofvirkni, einkenni sem talið er að 5% barna og unglinga glími við.

Iceland Express hefur tilkynnt að næsta árið muni félagið einbeita sér að því að styrkja ADHD samtökin, stuðningssamtök fjölskyldna barna og unglinga með athyglisbrest og ofvirkni.

Samkomulag sem Birgir Jónsson framkvæmdastjóri Iceland Express og Ingibjörg Karlsdóttir formaður ADHD samtakanna undirrituðu þann 4. júlí 2006 felur í sér stuðning við fræðsluátak um einkenni og afleiðingar ADHD (Attention Deficit Hyperactivity Disorder). Sérstök áhersla verður lögð á gerð fræðsluefnis fyrir kennara í grunnskólum.

ADHD er taugaröskun sem í daglegu tali er kölluð ofvirkni. Rannsóknir sýna að nálægt 5 af hundraði barna og unglinga glíma við þessa röskun sem lýsir sér einkum í óróleika, hvatvísi og athyglisbresti og hefur því oft alvarleg áhrif á daglegt líf, nám og samskipti við önnur börn eða fullorðna. Góðu fréttirnar eru þær að til eru vel þekktar leiðir til að draga úr einkennum ADHD og þar með auka lífsgæði barnanna.

Meira um stuðning Iceland Express við ADHD samtökin


Bloggað 4. júlí 2006, kl. 12:20



Núna er orðið ennþá ódýrara að leigja bílaleigubíl í Frankfurt Hahn

Þú færð 5% afslátt af öllum bílaleigubílum frá Budget á Frankfurt Hahn flugvelli

Félagar okkar hjá Budget hafa ákveðið að bjóða farþegum Iceland Express 5% afslátt á bílaleigubílum í öllum flokkum á Frankfurt Hahn flugvelli frá og með deginum í dag.

Við minnum á að hjá Iceland Express er ekkert mál að fljúga á einn áfangastað, taka bílaleigubíl og fljúga heim frá öðrum áfangastað.

Meira um Frankfurt Hahn

Smelltu hér til að fá tilboð í bílaleigubíl í Frankfurt Hahn


Bloggað 30. júní 2006, kl. 14:11



Tilkynning vegna fyrirhugaðra aðgerða starfsmanna IGS

Vegna fyrirhugaðra verkfallsaðgerða starfsmanna IGS á Keflavíkurflugvelli á morgun, sunnudaginn 25. júní, vill Iceland Express árétta:

Ekki er hægt að útiloka seinkanir á flugi okkar frá Keflavík vegna aðgerðanna á sunnudag. Engu að síður stefnum við að því að þær hafi sem minnst áhrif á starfsemi okkar og biðjum því farþega sem eiga bókað flug með okkur frá Keflavík á morgun vinsamlegast að mæta á réttum tíma í innritun.

Uppfært 26. júní: Það urðu engar tafir urðu á flugi okkar í gær.


Bloggað 24. júní 2006, kl. 20:31



Fljúgandi færi

Nú er rétti tíminn til að bóka skíðaferðina í vetur

Frá 30. desember til 3. mars flýgur Iceland Express einu sinni í viku til Friedrichshafen við Bodensee, rétt hjá skíðasvæðum eins og Lech, St. Anton, Ischgl og Montafon í Austurríki, Davos, Laax og St. Moritz í Sviss, Garmisch-Partenkirchen í Þýskalandi og Dolomitafjölliunum á Ítalíu.

Salan er hafin og eins og venjulega er verðið frá 7.995 kr fyrir fullorðna.

Svo þegar það er frágengið er einfalt að finna gistingu og bóka bíl á netinu.

Allt um skíðaferðirnar


Bloggað 17. júní 2006, kl. 20:32



Góða verðið í góða veðrið

SólTilboð: síðustu sætin í júní á 9.900 kr. aðra leið með sköttum og gjöldum

Sala hefst
Fimmtudaginn 15. júní, kl. 9.00

Ferðatímabil
Frá 15. til 30. júní 2006

Gildir fyrir alla áfangastaði
Akureyri, Alicante, Berlín, Frankfurt Hahn, Friedrichshafen, Gautaborg, Kaupmannahöfn, London, Reykjavík og Stokkhólm.

Verð
9.900 kr. aðra leið með sköttum og gjöldum.

Ekki gleyma
Valdar dagsetningar og takmarkað sætaframboð. Fyrstir bóka, fyrstir fá. Notið sólarvörn.


Bloggað 14. júní 2006, kl. 20:20



Akureyri-London í október, Akureyri-Köben í nóvember

Sala hefst á hádegi í dag

Um daginn tilkynnti forstjórinn að í haust myndum við verða með flug milli Akureyrar og London. Nú er komið að því. Áætlunin er svona:

Til 5. september: Kaupmannahöfn
Kvöldflug alla fimmtudaga (til 24. ágúst) og þriðjudaga

28. september til 29. október: London
Morgunflug alla fimmtudaga og sunnudaga

2. nóvember til 3. desember: Kaupmannahöfn
Morgunflug alla fimmtudaga og sunnudaga

Opnað verður fyrir sölu á hádegi í dag. Verð frá 7.995 kr, aðra leið með sköttum.

Uppfært: Salan er hafin. Bókaðu núna


Bloggað 14. júní 2006, kl. 11:33



Við færum þau á HM

Vinningshafar í HM leikjum Iceland Express komu saman á skrifstofu Iceland ExpressVinningsliðið í HM leikjum Iceland Express sótti miðana sína í gær

Það voru engar fótboltabullur sem komu á skrifstofuna til okkar í gær heldur kátur 16 manna hópur sem var mættur til að taka þá móti vinningum í HM leikjunum sem við höfum verið að halda með Sýn að undanförnu.

Hvað var svo í vinninga? Bunki af ferðum á HM auðvitað.

Flest unnu þau ferðirnar með því að bóka flug með Iceland Express eða vera félagar í hinum sínvinsæla netklúbbi.

Langar þig að slást í hópinn? Vinningarnir eru búnir en vinir okkar hjá Express Ferðum eiga ennþá nokkra miða.

Allt um HM2006 á hm2006.is


Bloggað 9. júní 2006, kl. 15:18



18 holur

GolfvöllurIceland Express Open golfmótið verður haldið á laugardaginn

Iceland Express Open verður haldið laugardaginn 10. júní á Vífilstaðavelli og ber Golfklúbbur Kópavogs og Garðabæjar hita og þunga af skipulagningunni. Keppnisfyrirkomulagið er höggleikur og punktakeppni og hámarksforgjöf er 24 kk og 28 kvk. Þátttökugjald: 4.000 spírur.

Verðlaunin:

  • Besta skor: Golfferð fyrir tvo á Manor of Groves með Express Ferðum
  • Næstbesta skor: Tveir farseðlar á einhvern af áfangastöðum Iceland Express
  • Ferðaverðlaun fyrir þrjú efstu sætin í punktakeppninni, og
  • nándarverðlaun á 2., 4. og 13. holu.
  • Loks verður dreginn út einn ferðavinningur af handahófi þannig að þeir sem geta ekkert í golfi eiga líka séns.

Skráning núna á golf.is


Bloggað 6. júní 2006, kl. 12:07



Nýjar vörur daglega

Ilmvatnsglas á forsíðu sölubæklingsTollfrjálsar sumarvörur komnar í sölu

Geturðu ekki beðið með að versla þangað til þú kemur til útlanda? Eða gleymdirðu að kaupa dót handa börnunum í ferðinni? Þá kemur nýjasti sölubæklingurinn til bjargar. Í honum er að finna alls konar góss, allt frá ilmvötnum og sólgleraugum til skartgripa og úra, auk ódýrra MP3 og DVD spilara, nammis og dóts handa krökkunum.

Í bæklingnum eru líka viðtöl við Andra Snæ Magnason um Draumalandið og Jón Pál Eyjólfsson leikara um brýna nauðsyn þess að gera dramatískar breytingar á flestum hlutum í heimi hér.

Kíktu á bæklinginn hér


Bloggað 2. júní 2006, kl. 11:43



Tilboðin fljúga út

Tvöþúsundkróna seðill brotinn saman í skutluTvö þúsund flugsæti á sérlega hagstæðu verði.

Sala hefst:
Fimmtudaginn 1. júní, kl. 12.00

Gildir fyrir flug á tímabilinu:
2. júní til og með 15. júlí 2006

Áfangastaðir:
Gildir fyrir alla áfangastaði Iceland Express: Akureyri, Alicante, Berlín, Frankfurt Hahn, Friedrichshafen, Gautaborg, Kaupmannahöfn, London, Reykjavík og Stokkhólm

Verð: 
Verð með sköttum og gjöldum: frá 4.350 kr. til 5.950 kr.
Sjá yfirlit hér (opnast í nýjum glugga)

Ath:
Valdar dagsetningar, takmarkað sætaframboð. Fyrstir koma, fyrstir fá.

Uppfært 16:30: Nú eru rúmlega 300 sæti eftir á tilboðsverði.

Uppfært 2/6, kl. 10:00: Rúmlega 200 sæti eftir. 

Bóka núna


Bloggað 31. maí 2006, kl. 17:41



Einn einn erfiður dagur í lífi forstjóra Iceland Express

Birgir Jónsson klippir á borða í flugstöðinni á Akureyri 30. maí 2006Klippt á borða fyrir Akureyri-Kaupmannahöfn í sumar. Tilkynnt um Akureyri-London í fimm vikur í haust.

Boeing MD-90 vél á vegum Iceland Express lenti í fyrsta skipti á Akureyrarflugvelli um kl. 20:50 í gær með 109 farþega. Að stuttri móttökuathöfn lokinni (sjá mynd af enn einni borðaklippingunni) stigu 110 Akureyringar um borð í fyrsta beina áætlunarflug Iceland Express frá Akureyri til Kaupmannahafnar sem fór á loft kl. 21:50.

Þetta var í sjálfu sér gott og blessað en til að kóróna þetta allt saman sagði forstjórinn frá því að við verðum með beint flug milli Akureyrar og London í haust frá 28. september til 29. október. Við segjum betur frá því síðar en sala hefst fljótlega.

» Akureyri.net: Fyrsta flugvél Iceland Express kom í kvöld


Bloggað 31. maí 2006, kl. 10:10



Bylgjan býður á HM

Strákarnir í Reykjavík síðdegisLeikur á vef Bylgjunnar: 3 x 2 á HM 2006

Útvarpsstöðin Bylgjan var að setja upp HM leik á vefnum hjá sér. Leikurinn gengur út á að svara nokkrum tiltölulega einföldum spurningum um Iceland Express.

Tveir heppnir þátttakendur fá ferð fyrir tvo á leik Englands og Paraguay 10. júní og sá þriðji fær ferð fyrir tvo á leik Brasilíu og Króatíu þann 13. júní. Flug og hótelgisting í boði Iceland Express.

Nafn sigurvegaranna verður dregið út í þættinum Reykjavík síðdegis á Bylgjunni mánudaginn 29. maí og þriðjudaginn 30. maí. Við munum líka segja frá því hér á blogginu.

Lestu allt um leikinn á vef Bylgjunnar

Uppfært 31. maí: Vinningshafarnir eru Ingimar Helgason (Krótía-Brasilía), Sigríður Helgadóttir (England-Paraguay) og Stefán Þór Ingvarsson (England-Paraguay).


Bloggað 24. maí 2006, kl. 17:50



Lítið að gera hjá slökkviliðinu í Friedrichshafen

Tveir rauðir slökkviliðsbílar sprauta vatni á Boeing MD-90 vél Iceland Express við lendingu á flugvellinum í FriedrichshafenFyrsta flug Iceland Express til litlu borgarinnar við Bodensee fékk blautar móttökur

Nei, það var ekki kviknað í. Að fornum þýskum sið ákvað slökkviliðið á flugvellinum í Friedrichshafen að sprauta vatni yfir vélina þegar fyrsta flug Iceland Express lenti þar í síðustu viku.

Svo var klippt á borða og svona. Enn einn erfiður dagur í lífi forstjórans.

Friedrichshafen er lítill bær sem stendur við Bodensee (sem sumir kalla Konstanz-vatn) nálægt landamærum Þýskalands, Sviss og Austurríkis. Iceland Express flýgur þangað þrisvar í viku í sumar, á þriðjudögum, fimmtudögum og laugardögum.

Meira um Friedrichshafen


Bloggað 24. maí 2006, kl. 15:10



Talningu atkvæða lokið á Akureyri

Mynd Þóris Tryggvasonar fékk flest atkvæði í myndakeppninni hinni nyrðri.

Akureyringar munduðu myndavélarnar þegar nýjasta Boeing MD-90 vél Iceland Express heilsaði upp á þá mánudaginn 15. maí.

Við fengum alls 26 myndir frá tíu ljósmyndurum og settum þær jafnharðan upp á myndasafninu okkar á Flickr. Þar var öllu ljósmyndaáhugafólki boðið að kjósa bestu myndina.

Kjörstöðum var lokað klukkan 17 í dag og hlaut mynd Þóris Tryggvasonar, Oddaflug, flest atkvæði, alls 34.

Meðal þess sem "dómnefndin" sagði var: "Þetta er góð mynd og það sem gefur henni gildi eru turnarnir tveir sem eru prýði Akureyrar" ... "Frábær mynd og ekki skemmir að vélin er blessuð í bak og fyrir."

Myndin er tekin frá Gamla barnaskólanum á alvöru vél, Canon EOS-1D Mark II. Þórir er málari að atvinnu en hefur verið að taka myndir í um það bil tíu ár. Hann tekur stundum íþróttamyndir fyrir tímaritið Vikudag sem kemur út á Akureyri.

Þórir fær í sinn hlut ferð fyrir tvo fram og til baka með Iceland Express. Allir hinir sem tóku þátt fá gos í hvítum bauk. Nei, reyndar fá þeir fimm þúsund króna inneign hjá Iceland Express.

Skoðaðu myndirnar sem bárust frá Akureyri


Bloggað 23. maí 2006, kl. 17:00



Svífðu inn í Draumalandið

Andri Snær Magnason í jakkafötum með skilti sem á stendur 'Draumalandið'

Draumalandið eftir Andra Snæ fæst nú um borð

Draumalandið: Sjálfshjálparbók handa hræddri þjóð eftir Andra Snæ Magnason er umtalaðasta bók sem komið hefur út á Íslandi í langan tíma. Þegar þetta er skrifað hefur hún verið prentuð fjórum sinnum og selst í rúmlega átta þúsund eintökum.

Forstjórinn las bókina og var svo hrifinn að hann ákvað að við myndum selja hana um borð og ekkert múður.

Hér er stutt brot úr viðtali við Andra Snæ í sölubæklingnum sem líka er að finna um borð:

Andri, hvers vegna selst Draumalandið svona vel?

Stundum hittir maður á rétta augnablikið. Bókin hefur spurst vel út og menn hafa líkt henni við reyfara og margir hafa hreinlega keypt eintök handa vinum og ættingjum og heimtað að þeir læsu bókina. Bókinni er ætlað að hrista upp í heimsmyndinni og hún fjallar líka um málefni sem fólk hefur áhuga á en hvorki stjórmálamenn, sálfræðingar né viðskiptafræðingar virðast geta nálgast svo að nokkur skilji.

[...] Mörg fallegustu svæði Íslands eru eða hafa verið í beinni hættu á undanförnum árum og margir hafa staðið varnarlausir og vanmáttugir gagnvart öllum þessum áformum. Ég vildi vita hvaða áætlun væri eiginlega í gangi, hversu miklu menn vildu fórna og hvað menn væru yfirleitt að hugsa og um það fjallar einn kafli bókarinnar. Það sem ég gróf upp var verulega sláandi og þeir punktar hafa fengið mikla athygli.

Er Draumalandið í rökréttu framhaldi af öðrum verkum þínum?

Já. Ég hef gert barnabók, skáldsögu, tvær ljóðabækur, smásögur, þrjú leikrit. Ég hef alltaf skipt um svið. Bónusljóð, Blái hnötturinn, LoveStar – eftir allar þessar bækur hefur alltaf einhver sagt við mig að “það væri erfitt að toppa þetta”. Samt hef ég alltaf svikið lesendurna og farið í aðra átt.

Hvað er þá næst, matreiðslubók?

Ég á eftir ævisöguna.

Hvað með glæpasöguna?

Þetta er glæpasaga.

Lestu meira um bókina á vef Draumalandsins


Bloggað 19. maí 2006, kl. 14:55



Birgir Jónsson er einlægur og væminn

Forstjóri Iceland Express lét nokkur orð falla í Leifsstöð í dag í tilefni af fyrsta flugi til sex nýrra áfangastaða

Kæru farþegar, starfsfólk Iceland Express og aðrir viðstaddir:

Þetta er stór dagur fyrir okkur öll hjá Iceland Express.

Fyrir einu og hálfu ári vorum við lítið félag sem flaug einu sinni á dag á tvo áfangastaði. Í dag erum við með níu áfangastaði og í gífurlegum vexti.

[...]

Eftir að ég tók við sem forstjóri þá hafa svona ræðuhöld verið að taka sífellt meira af tíma míinum. Ég er ekki mjög góður ræðumaður vegna þess að ég verð alltaf svo einlægur og væminn þegar á hólminn er komið að ég þakka bara öllum sem ég man eftir.

Þess vegna fór ég í gærkvöldi og las mér til um hvernig menn eiga að halda svona ræður. Samkvæmt bókinni á maður að byrja á einhverjum brandara til að reyna að halda athyglinni hjá hópnum. Síðan á maður að setja ýmsar staðreyndir inn í skemmtilegan flutning til að koma skilaboðunum sínum til skila.

Maður á umfram allt ekki að vera væminn og þakka öllum sem maður man eftir.

Þetta er ekki einfalt mál fyrir mig.

Mér datt auðvitað engin brandari í hug sem er við hæfi að segja hér. Ég kann reyndar nokkra en þeir væru ekki einu sinni við hæfi á réttarballi þannig að ég hætti við að segja þá.

Þá datt mér í hug að ég gæti farið beint í staðreyndirnar og sagt ykkur að á þessu ári er Iceland Express að gera ýmsa merkilega hluti, eins og til dæmis að

  • fá þrjár nýjar flugvélar,
  • auka farþegafjöldann um helming,
  • bæta við sex nýjum áfangastöðum, þar á meðal nokkra sem eru nýir á markaðinum,
  • auka veltuna um helming,
  • þrefalda hagnaðinn.

Ég man þegar ég stóð hér fyrir réttu ári þegar við vorum með fyrsta flugið okkar til Frankfurt Hahn. Þá sagði ég tvennt: Fyrst sagðist ég mundu koma oft aftur til að halda fleiri ræður og opna nýja staði. Og síðan þakkaði ég öllum sem ég mundi eftir. (Þið munið að samkvæmt ræðubókinni má það ekki – ég er búinn að læra það síðan þá).

Þegar við kynntum Frankfurt Hahn í fyrra hélt fólk að við værum búin að tapa okkur. Hvað er nú það, og hvar er nú það, spurðu menn sig. Þetta getur aldrei gengið var eitthvað sem ég heyrði oft. Við seldum síðan yfir 90% af öllum sætunum í fyrra á Hahn og þúsundir farþega munu einnig fara þangað á þessu ári.

Það er nefnilega þannig að maður á ekkert að vera að gera hlutina eins og allir aðrir eru að gera þá, þá skarar maður ekki framúr og er aldrei beðinn um að halda ræður.

Hafandi það í huga þá ætla ég bara að brjóta ræðureglurnar og fá að vera væminn og segja að ég er ótrúlega stoltur af því að vera hérna í dag. Svo ætla ég að þakka öllum.

Það vill svo vel til að hér eru fulltrúar þeirra tveggja hópa sem skipta mestu máli í velgengni Iceland Express. Í fyrsta lagi er hér hluti af okkar frábæra starfsfólki og besta áhöfnin í loftinu, og síðast en ekki síst það sem öllu skiptir: bestu farþegar sem við gætum óskað okkur.

Ég segi því skál fyrir öllu saman. Kæru farþegar, ég óska ykkur góðrar ferðar og við hlökkum til að sjá ykkur aftur um borð hjá okkur. Við ykkur vinnudýr segi ég: það er komin tími til að drífa sig aftur í vinnuna! 

Til hamingju og skál!


Bloggað 16. maí 2006, kl. 18:31



Önnur vél, önnur myndakeppni

Boeing MD 90 vél Iceland Express milli kirkjuturnanna á AkureyriYfirflug á Akureyri klukkan 13.30 í dag

Þegar fyrsta nýja vélin okkar af þremur kom til landsins um daginn báðum við fólk að taka myndir af yfirflugi hennar yfir Reykjavík.

Nú erum við að fá vél númer þrjú og hún flýgur yfir Akureyri í dag klukkan 13.30, ef veður leyfir. Ergo: önnur myndakeppni.

Reglurnar eru eins og síðast: Þú tekur mynd, sendir hana á póstfangið myndakeppni@icelandexpress.is og við setjum hana á myndasafnið okkar á Flickr.

Svo fær sú mynd verðlaun sem fær flest atkvæði í kommentakerfinu. Ekki kannski vísindalegasta niðurstaðan en væntanlega sú lýðræðislegasta. Verðlaunin eru ferð fyrir tvo á einhvern af áfangastöðum Iceland Express.

Við rifjum um smáa letrið: Með því að senda okkur myndina þína gefurðu okkur leyfi til að birta hana á þessari síðu og annars staðar. Tekið verður við myndum fram á fimmtudag.

Uppfært 16. maí: Það hafa borist 13 myndir frá Akureyri.

Uppfært 18. maí: Nú hafa tíu manns sent okkur 26 myndir frá Akureyri.

Uppfært 19. maí: Við erum hætt að taka á móti myndum. Sú mynd vinnur sem fengið hefur flest atkvæði í kommentakerfinu fyrir klukkan 17 þriðjudaginn 23. maí.

Skoðaðu myndirnar og greiddu atkvæði


Bloggað 15. maí 2006, kl. 10:11



Gleðilegan vetur!

Vetraráætlunin fer í sölu á hádegi á föstudag.

Snjókarl með flugmannshúfuFrá og með hádegi á föstudaginn verður loksins hægt að bóka flug með Iceland Express eftir 15. september og eitthvað fram á haust og vetur.

Um miðjan næsta mánuð byrjar Iceland Express að fljúga til fimm nýrra staða og nú er búið að ákveða að við höldum áfram að fljúga til Alicante, Berlínar og Frankfurt Hahn eftir að sumrinu lýkur.

Ódýrustu sætin eru seld fyrst og þess vegna ætti að vera nóg af sætum á 7.995 kr með sköttum og gjöldum.

London og Kaupmannahöfn:
Hægt að bóka flug til og með 8. janúar 2007

Alicante, Berlín og Frankfurt Hahn:
Hægt að bóka flug til og með 30. nóvember 2006

Opnað fyrir sölu á þessum tímabilum:
Föstudaginn 21. apríl, kl. 12.00

Lestu þér til um áfangastaðina okkar eða farðu aftur á forsíðuna

Uppfært: Búið að opna fyrir sölu. Smelltu hér til að bóka


Bloggað 20. apríl 2006, kl. 12:19



Skutlastu út á tilboðsverði

Tvö þúsund flugsæti á tvö þúsund krónur auk skatta.

Tvöþúsundkróna seðill brotinn saman í skutluSala hefst:
Miðvikudaginn 12. apríl, kl. 12.00
Stendur yfir í 24 klukkustundir framlengt í 48 klukkustundir

Gildir fyrir flug á tímabilinu:
1. maí til 30. júní 2006

Verð: 
Verð án skatta og gjalda: 2.000 kr.
Verð með sköttum og gjöldum: frá 3.900 kr. til 5.350 kr.

Ath:
Valdar dagsetningar, takmarkað sætaframboð. Fyrstir koma, fyrstir fá.

Uppfært 14/4: Tilboðinu er lokið, þökkum viðskiptin. 


Bloggað 11. apríl 2006, kl. 19:23



Heimsborgarinn tekur eggjaþeytarann

Heimsborgarinn kominn aftur með fullt af nýjum auglýsingum fyrir HM

Heimsborgarinn kom við á Íslandi um daginn til að taka nokkrar nýja auglýsingar fyrir Iceland Express sem sýndar verða á næstunni. Checkit.

Smelltu á Share til að taka eggjaþeytarann á einhvern. Ef þú er eigingjarn getur þú líka sleppt því og horft í staðinn á gömlu auglýsingarnar með heimsborgaranum


Bloggað 11. apríl 2006, kl. 13:40



Heiti potturinn er barmafullur

Hitamælir sýnir verðið í heita potti Iceland ExpressAllt fullt af ódýru flugi í heita pottinum

Í heita potti Iceland Express finnurðu allra ódýrustu ferðirnar okkar. Eins og gengur þá er mismikið í heita pottinum en núna er hann hins vegar stútfullur.

Þar finnurðu fullt af ferðum á alla áfangastaði Iceland Express alveg fram á haust. Verðið er frá 999 kr. til 2.999 kr. auk skatta og gjalda sem þó fara aldrei yfir 3.350 kr.

Kíktu í pottinn


Bloggað 9. apríl 2006, kl. 08:00



Nýr HM leikur

Miði á leik Englands og Trinidad & Tobago á HM í sumarEf þú bókar fyrir 1. maí færðu kannski miða á HM

Gamli HM leikurinn klárast ekki fyrr en 12. apríl en við erum samt komin með nýjan.

Reglurnar í þetta skiptið:

Allir sem bóka flug til Gautaborgar eða Stokkhólms fyrir 1. maí geta unnið ferð fyrir tvo á leik í 16 liða úrslitum HM 2006.

Allir sem bóka flug til Berlínar, Friedrichshafen eða Frankfurt Hahn fyrir 1. maí geta unnið ferð fyrir fjóra á leik Þýskalands og Ekvador í Berlín 20. júní.

Innifalið er flug, gisting og miðar á leikina, í boði Iceland Express og Sýnar. Gildir einungis fyrir nýjar bókanir fyrir 1. maí 2006.

Vertu memm. Bókaðu núna


Bloggað 2. apríl 2006, kl. 13:45



50% meiri sól

Við bætum við þriðja fluginu á viku til Alicante. Sala hefst á hádegi á morgun, mánudaginn 27. mars.

Eitt helsta áhyggjuefni tekjustjórans að undanförnu hefur verið að flugið til Alicante í sumar hefur selst alltof vel. Svo vel að það var allt að verða uppselt.

Þannig að það var bara eitt í stöðunni: Að fljúga meira.

Þann 8. apríl byrjum við að fljúga í sólina einu sinni í viku á laugardögum en frá og með 17. maí verður flogið ekki bara tvisvar heldur þrisvar í viku, á laugardögum, sunnudögum og mánudögum.

Sala í nýju sunnudagsflugin til Alicante hefst stundvíslega klukkan 12 mánudaginn 27. mars. Verð frá 7.995 kr.

Notaðu tímann meðan þú bíður til að lesa meira um Alicante


Bloggað 26. mars 2006, kl. 20:16



Myndasamkeppninni allri lokið

Iceland Express tilkynnir brottf... öh, úrslit myndasamkeppninnar

Iceland Express Boeing MD-90 á flugi fyrir Reykjavík

Þegar fyrsta nýja vélin okkar kom til landsins um daginn efndum við til svolítillar myndasamkeppni.

Alls bárust 22 myndir sem teknar voru hér og þar í Reykjavík á alls konar græjur, allt frá dýrustu myndavélum með kraftmiklum aðdráttarlinsum til venjulegra myndavélasíma.

Kosið var um bestu myndina á vefnum og sú sem hlaut flest atkvæði var "Leggðu hana svo bara á þakið" eftir Steinbjörn Logason.

Þótt Steinbjörn fái aðalvinninginn, ferð fyrir tvo á einhvern af áfangastöðum Iceland Express, ákváðum við í þakklætisskyni að gefa öllum sem sendu inn myndir fimm þúsund króna gjafabréf sem gildir í ferð með Iceland Express næsta árið.

Smelltu hér til að skoða allar myndirnar sem bárust


Bloggað 23. mars 2006, kl. 16:09



Neytandinn hefur alltaf rétt fyrir sér

Iceland Express fær hvatningarverðlaun á alþjóðadegi neytendaréttar

Rétt í þessu var Birgir framkvæmdastjóri, fyrir hönd Iceland Express, að taka við hvatningarverðlaunum sem Neytendasamtökin og Bylgjan afhentu í tilefni alþjóðadags neytendaréttar.

Valið fór fram með netkosningu á Vísi.is þar sem neytendur tilnefndu sjálfir þau fyrirtæki sem þeir teldu vera best að verðlaununum komin.

Bónus vann eins og venjulega en Iceland Express og Atlantsolía fengu svokölluð hvatningarverðlaun.

Við afhendinguna varð Birgir foxillur og heimtaði að vita hvers vegna Iceland Express hefði ekki unnið. Nei, bara grín. Hann var voða kurteis, þakkaði fyrir sig og tók við verðlaununum sem eflaust munu prýða skrifstofuna hans um ókomna framtíð.

Lestu fréttatilkynninguna á vef Neytendasamtakanna


Bloggað 15. mars 2006, kl. 16:34



Kemur HM til þín eða ferð þú á HM?

Miði á leik Englands og Trinidad & Tobago á HM í sumarHM leikur Iceland Express og Sýnar er hafinn

Iceland Express færir þér ekki bara HM 2006 á SÝN heldur getum við líka fært þig á HM í Þýskalandi með viðkomu á einhverjum af nýju áfangastöðunum okkar.

Út af samstarfinu við Sýn fengum við nokkra miða á HM en í staðinn fyrir að senda forstjórann ætlum að að leyfa viðskiptavinum okkar að njóta góðs af.

Reglurnar: Ef þú bókar og ferðast með Iceland Express á tímabilinu 12. mars til 12. apríl 2006 ferðu sjálfkrafa í HM pott og getur unnið ferð fyrir tvo á leik Englands og Trinidad & Tobago á HM 2006, sem fer fram þann 15. júní í Nürnberg.

Innifalið er flug, gisting, bílaleigubíll og miði á leikinn fyrir tvo, í boði Iceland Express og Sýnar. Smáa letrið: Gildir einungis fyrir nýjar bókanir sem gerðar eru frá og með 12. mars fyrir ferðir sem er lokið fyrir 13. apríl.

Viltu vera með í leiknum? Bókaðu núna 


Bloggað 12. mars 2006, kl. 13:28



Myndakeppnin tekur flugið

Tókstu mynd? Sendu okkur hana og þú gætir unnið ferð fyrir tvo í sumar 

Við ákváðum að efna til smá samkeppni um bestu myndina sem yrði tekin þegar fyrsta nýja vélin okkar flaug yfir Reykjavík eftir hádegi í gær.

Satt að segja vissum við ekkert við hverju við ættum að búast en það leið ekki á löngu þangað til fyrstu myndirnar fóru að berast til okkar.

Þessar tvær komu til dæmis í pósthólfið hjá okkur skömmu eftir yfirflugið (smelltu á myndirnar til að sjá stærri útgáfur):

Myndakeppni: Himmel über Reykjavík

Myndakeppni: Leggðu hana svo bara á þakið

En keppnin er ekki búin. Ef þú tókst mynd af yfirfluginu -- það skiptir engu máli þótt hún sé tekin á litla myndavélasímann þinn -- viljum við fá hana senda á myndakeppni@icelandexpress.is. Við tökum við myndum fram til klukkan 23.59 næsta miðvikudag. Uppfært: Við erum hætt að taka við myndum!

Það er svo auðvelt að dæma fólk

Þegar myndin þín er komin til okkar kíkjum við á hana rétt si svona og setjum hana svo á myndasafnið okkar á Flickr.

Svo kemur það besta: Allir sem skoða myndasafnið eru í dómnefndinni. Þú notar bara kommentakerfið í myndasafninu til að greiða atkvæði.

Lokaðu augunum, bentu í austur, bentu í vestur, bentu á þann sem að þér þykir bestur. Sigurvegarinn vinnur flug fyrir tvo á áfangastað Iceland Express að eigin vali.

Smáa letrið: Með því að senda okkur myndina þína gefurðu okkur leyfi til að birta hana, til dæmis hér á þessari síðu og á Flickr. Við hver veit nema okkur detti líka eitthvað annað sniðugt til að gera við hana.

Uppfært: Tilkynnt verður um sigurvegara miðvikudaginn 22. mars.


Bloggað 4. mars 2006, kl. 07:12



Nýjar auglýsingar, sami heimsborgarinn

Fjórar nýjar auglýsingar með heimsborgaranum frumsýndar í vikunni.

Ritstjóri bloggsins var í Leifsstöð um daginn, einu sinni sem oftar, að koma heim frá London af athyglisverðri uppfærslu á La Bohème í Royal Albert Hall. Þar rakst hann á heimsborgarann, sem var þá á leiðinni á tónleika með Depeche Mode í Kaupmannahöfn, nýbúinn að taka upp fjórar nýjar auglýsingar fyrir Iceland Express.

Iceland Express: Blessaður félagi!

Heimsborgarinn: Guten Tag, wie geht's?!

IE: Þú bara á landinu?

Hb: Já, skaust bara heim eina helgi, rétt til að skjóta nokkrar auglýsingar og kíkja á sýninguna hjá Frikka. Búið að vera crazy að gera hjá mér. Er að gera mjög spennandi hluti þarna norður, ég meina suður í London. Soho. Útrás, maður. London er að míga á sig.

IE: Hvernig gengu upptökurnar?

Hb: Hrikalega vel. Reimar Líndal leikstjóri og hans fólk eru mjög pró. Þetta jafnast næstum því á við það besta á hinum Norðurlöndunum. Það versta var að maður er náttúrulega það orðinn það þekktur á klakanum að það þurfti nokkrum sinnum að gera hlé til að spjalla við fólk sem vildi fá góð ráð.

IE: Ráð um hvað?

Hb: Þú veist, hitt og þetta. Bestu sushistaðina í Stoke. Bestu gastropöbbana í Camden. Hvenær útsölurnar eru í Hamley's. Besta hótelið í Kaupmannahöfn. Jackið. Fattarðu?

Og þá var síðasta útkall og heimsborgarinn var rokinn af stað. "Þær verða alltaf pínu fúlar þessar elskur ef ég er of seinn, sérstaklega þessi nýja".

En nýju auglýsingarnar eru komnar og við birtum þær hér á blogginu, eina á dag fram á sunnudag.

Fimmtudagur: "Það þekkja mig allir þarna suðurfrá"

Föstudagur: "Íslendingar eru svo miklir villimenn"

Laugardagur: "Mér finnst íslenskar konur ekki vera neitt sérstaklega spennandi"

Sunnudagur: "Sjáiði þetta blað? Ég keypti það úti" ...


Bloggað 1. mars 2006, kl. 23:18



Nýjar vélar, sama röddin

Fyrsta nýja Boeing MD-90 vélin kemur í vikunni

Í þessari viku tökum við við fyrstu nýju Boeing MD-90 vélinni af þremur sem koma til með að fara með alla helstu heimsborgara landsins til London, Kaupmannahafnar og víðar á næstunni.

Á myndinni hér að neðan sést hún, nýmáluð og glansandi, í flugskýli í Osló fyrir helgi.

Boeing MD-90 vél merkt Iceland Express í flugskýli í Osló

Helsti munurinn á þessum vélum og og Boeing MD-80 vélunum sem Iceland Express notar núna er að í þeim nýju eru færri sæti og meira rými fyrir hvern farþega. Þannig eykst sætisbilið úr um það bil 74 cm að meðaltali í um það bil 81 cm.

Vélarnar eru í eigu SAS en flugrekstraraðili er svissneska félagið Hello AG. Samhliða breytast fyrstu þrír stafirnir í flugnúmerum okkar úr JXX í FHE. Meira um það hér

Vél númer tvö kemur svo í byrjun apríl og sú þriðja um miðjan maí.


Bloggað 28. febrúar 2006, kl. 19:14



Til hamingju, Ísland

Tvöþúsundkrónaseðill brotinn saman til að líta út eins og flugsæti

Við eigum afmæli. Þú færð gjafirnar: Tvö þúsund flugsæti á tvö þúsund krónur auk skatta.

Sala hefst:
Mánudaginn 27. febrúar, kl. 9.00

Gildir fyrir flug á tímabilinu:
1. mars til 15. maí 2006

Ath:
Valdar dagsetningar, takmarkað sætaframboð. Fyrstir koma, fyrstir fá!

Verðyfirlit:
Til Kaupmannahafnar 5.350 kr. 
Frá Kaupmannahöfn 5.350 kr. 
Til London  5.350 kr. 
Frá London  5.140 kr.

Sala er hafin
Smelltu hér til að bóka

Uppfært 28/2
Tilboðið er uppselt. Þökkum ánægjuleg viðskipti.


Bloggað 26. febrúar 2006, kl. 01:01



Jackið er kannski ekki ennþá komið til Íslands ...

... en það er að minnsta kosti komið á bloggið.

Sérðu ekkert hér? Prófaðu að smella hér


Bloggað 24. febrúar 2006, kl. 11:23



Morgunblaðið: Ódýrast fyrir fjölskyldur hjá Iceland Express

MorgunblaðiðMorgunblaðið fjallaði í gær um verð á flugi til Bretlands og Þýskalands í sumar og birtir verðkönnun hjá Iceland Express, Icelandair, British Airways og Terra Nova.

Í stuttu máli er niðurstaðan sú að á þeim dögum sem könnunin náði til var ódýrast fyrir fjögurra manna fjölskyldu (tvo fullorðna og tvö börn) að ferðast með Iceland Express. Skoðaðu úrklippuna úr Morgunblaðinu

Til og frá London fyrir fjögurra manna fjölskyldu:

Iceland Express: 66.920 kr
Icelandair: 94.270 kr.
British Airways: 80.250

Til og frá Þýskalandi fyrir fjögurra manna fjölskyldu:

Iceland Express til Frankfurt Hahn: 69.276 kr.
Icelandair til Frankfurt: 102.150 kr.
Terra Nova til Düsseldorf: 84.910 kr.

Ein af ástæðunum fyrir þessum mikla mun er örugglega barnaverðið. Hvað er nú það, segirðu? Lestu allt um barnaverðið hér


Bloggað 17. febrúar 2006, kl. 16:36



Stóra rauðkálsbloggið

Rauðkál í krukkuUm daginn lofuðum við ferð að eigin vali fyrir bestu útskýringuna á ummælum framkvæmdastjórans í Fréttablaðinu um yfirvofandi rauðkálsát sitt í Kaupmannahöfn þann 30. maí. 

Jón Sigtryggsson á Akureyri sendi okkur meðal annars eftirfarandi:

"Ýmsar vangaveltur voru um hvað ummæli þessi þýddu og þótti koma sterklega til greina skýringar eins og að rauðkál væri svo ódýrt í Danmörku að ef hann borðaði um tuttugu kíló af því væri hann búin að spara fyrir ferðinni eða að þetta væri kannski eina orðið sem hann kynni í dönsku og gæti því ekki pantað neitt annað á dönskum veitingastöðum."

Okkur þótti það fyndin tilhugsun að framkvæmdastjórinn ætlaði að borða tuttugu kíló af rauðkáli. Í mesta lagi tíu, sögðum við og hlógum. Þess vegna fær Jón vinninginn, 100 dósir af niðursoðnu rauðkáli. Nei alveg rétt, flug á áfangastað að eigin vali í sumar.

Við þökkum öllum þeim sem tóku þátt. 


Bloggað 13. febrúar 2006, kl. 14:22



Akureyri-Kaupmannahöfn: Sala hefst á hádegi í dag, 1. febrúar

Leiðakerfi Iceland Express með flugleiðinni Akureyri-Kaupmannahöfn

Jæja, þá er salan á ferðum milli Akureyrar og Kaupmannahafnar að hefjast. Flogið verður alla þriðjudaga og næstum því alla fimmtudaga fr�� 30. maí til 5. september. Gaman, gaman.

Flugleið:
Akureyri AEY - Kaupmannahöfn CPH - Akureyri AEY

Opnað fyrir sölu:
Miðvikudaginn 1. febrúar, kl. 12.00

Flugtímabil:
30. maí til 5. september 2006
(þar af 2x í viku frá 15. júní til og með 24. ágúst)

Verð:
Frá 7.995 kr. aðra leið með sköttum og gjöldum. Það er best að bóka snemma því ódýrustu sætin seljast fyrst

Verð fyrir börn 12 ára og yngri:
Fast verð, 5.995 kr. aðra leið með sköttum og gjöldum. Meira um barnaverðið

Það er búið að opna fyrir bókanir. Smelltu hér til að bóka

Hvað er svona merkilegt við Kaupmannahöfn? Lestu (næstum því) allt um Kaupmannahöfn hér á vefnum.

Viltu frekar fara í hópferð? Express Ferðir standa fyrir vikulangri hópferð frá Akureyri til Kaupmannahafnar í fylgd með Þorleifi Friðrikssyni sagnfræðingi. Flug, fjögurra störnu hótel og fararstjórn á 69.900 kr.

P.S. Þegar Birgir framkvæmdastjóri var spurður að því í Fréttablaðinu í gær hvar hann ætlaði að vera að kvöldi 30. maí sagði hann "í Kaupmannahöfn að borða rauðkál." Sendu okkur póst á raudkal@icelandexpress.is ef þú veist hvað þetta þýðir, því við skiljum það ekki sjálf. Besta útskýringin vinnur flugferð með Iceland Express á áfangastað að eigin vali í sumar. Úrslitin verða kynnt hér á blogginu eftir viku. Uppfært: Búið að finna vinningshafa. Verður tilkynnt seinna í dag á blogginu.


Bloggað 1. febrúar 2006, kl. 00:02



Það er ódýrara fyrir Akureyringa að fara til Kaupmannahafnar en til Reykjavíkur

Leiðakerfi Iceland Express með Akureyri

Birgir framkvæmdastjóri fór norður til Akureyrar í morgun. Þar hélt hann blaðamannafund þar sem hann kynnti fyrirhugað flug milli Akureyrar og Kaupmannahafnar í sumar.

Það má gera ráð fyrir að ferðalagið norður hafi komið við pyngjuna hjá Birgi því innanlandsflugið kostaði meira en ódýrasta flugið frá Akureyri til Kaupmannahafnar með Iceland Express.

Grunnverð farmiða verður það sama og á öðrum leiðum Iceland Express, 7.995 kr. aðra leið með sköttum. Sala hefst á vef Iceland Express í næstu viku og verður kynnt betur þegar nær dregur.

Kveðjunum hefur rignt inn til okkur að norðan og það er greinilegt að Akureyringar og nærsveitamenn hlakka til að komast út í sumar án þess að þurfa að koma við og hitta ættingja sína í Reykjavík.

Við viljum samt benda norðanmönnum á að öfugt við, tja, sum önnur flugfélög, þá geta farþegar Iceland Express keypt farmiða aðra leið í einu. Ef þeir vilja geta þeir til dæmis flogið frá Akureyri til Kaupmannahafnar en til baka frá Kaupmannahöfn til Reykjavíkur.

Heimsborgaradeildin: meira um Kaupmannahöfn


Bloggað 25. janúar 2006, kl. 17:41



HM 2006 í tvívídd og þrívídd

Iceland Express er það mikil ánægja að taka þátt í að færa Íslendingum HM á SÝN. En við gerum gott betur.

Í vor bætast tveir nýir áfangastaðir í Þýskalandi við leiðakerfi Iceland Express, Berlín og Friedrichshafen, til viðbótar við Frankfurt Hahn.

Við færum þér því ekki einungis HM á SÝN, heldur getum við líka fært þig beinustu leið í fjörið á HM í Þýskalandi – með öllum hinum heimsborgurunum!


Bloggað 23. janúar 2006, kl. 15:00



Akureyringar eru líka heimsborgarar

Skjaldarmerki AkureyrarbæjarHalló Akureyri!

Það er okkur mikil ánægja að tilkynna að Iceland Express mun í sumar fljúga milli Akureyrar og Kaupmannahafnar. Um er að ræða ferðir tvisvar sinnum í viku, á þriðjudögum og fimmtudögum, frá maí til september.

"Akureyri hefur stundum verið kölluð danskasti bær á Íslandi og þess vegna er þetta vel við hæfi" sagði Birgir Jónsson framkvæmdastjóri Iceland Express þegar þetta var tilkynnt í gær. "Þetta er auðvitað bara enn eitt merkið um að félagið er í mikilli sókn."

Við munum kynna þessa nýju flugleið nánar á næstu dögum en gert er rá�� fyrir að sala hefjist mjög fljótlega.


Bloggað 20. janúar 2006, kl. 11:50



Tilboð!

Tvöþúsundkrónaseðill brotinn saman til að líta út eins og flugsætiKlukkan 9 í dag opnuðum við fyrir sölu á tvö þúsund flugsæti á 2.000 kr. plús skatta. Lægsta verð með sköttum og gjöldum er 5.140 kr.

Tvö þúsund sæti til og frá Köben og London fyrir tvö þúsund krónur plús skattar og gjöld.

Opnað fyrir sölu:
Miðvikudaginn 11. janúar, kl. 9.00

Gildir fyrir flug á tímabilinu:
12. janúar til 1. apríl 2006

Ath:
Valdar dagsetningar, takmarkað sætaframboð. Fyrstir koma, fyrstir fá!

Verðyfirlit:
Til Kaupmannahafnar 5.350 kr. 
Frá Kaupmannahöfn 5.350 kr. 
Til London  5.350 kr. 
Frá London  5.140 kr.

Smelltu hér til að bóka


Bloggað 11. janúar 2006, kl. 09:05



Sniðið fyrir þig?

Iceland Express óskar eftir að ráða flugliða. Við leitum að jákvæðu og sveigjanlegu fólki með ríka þjónustulund sem hefur áhuga á að starfa í skemmtilegu en krefjandi umhverfi.

Hæfniskröfur:

  • Þú þarft að vera að minnsta kosti 22 ára.
  • Þú þarft að vera með stúdentspróf eða sambærilega menntun.
  • Þú þarft að hafa mjög góða enskukunnáttu og kunna að minnsta kosti eitt norðurlandamál. Þriðja tungumálið er æskilegt, helst þýska eða spænska.

Ath: Umsóknarfrestur rann úr miðvikudaginn 11. janúar.


Bloggað 8. janúar 2006, kl. 09:00



Tilboð: Króna fyrir krakka fram til 8. janúar

Eins og allir vita er hann Jónsi tekjustjóri ógurlega mikill barnakall. Það sést best á því hvað barnaverðið er venjulega lágt hjá okkur. Bara 5.995 kr. með sköttum.

Núna hefur Jónsi samt alveg misst sig. Hann er búinn að ákveða að flug sem bókað er frá og sunnudeginum 18. desember til 8. janúar 2006 kosti bara eina krónu plús skatta og gjöld, eða samtals 2.751 kr með sköttum, aðra leið, fyrir öll börn undir 13 ára í fylgd með fullorðnum frá Keflavík.

Þetta tilboð gildir um allt flug á tímabilinu 17. desember til 8. janúar sem bókað er á sama tímabili.

Skattar eru misháir eftir flugvöllum. Hér er yfirlit yfir barnaverð með sköttum:
Frá Keflavík: 2.726 kr.
Frá London: 3.141 kr.
Frá Kaupmannahöfn: 3.351 kr.
Frá Frankfurt Hahn: 1.701 kr

Það hefur aldrei verið einfaldara að taka börnin með í Tívolí í Kaupmannahöfn eða dýragarðinn í London.

Húrra fyrir tekjustjóranum!

Smelltu hér til að bóka


Bloggað 16. desember 2005, kl. 16:52



Gjöfin sem heldur áfram að gefa

Rauð gjafaaskja með Iceland Express merki íÞá eru jólagjafabréf Iceland Express komin í sölu og kosta bara 19.900 kr. Fyrir það færðu ferð fram og til baka á tímabilinu 15. janúar til 1. júlí, ef þú notar gjafabréfið fyrir 1. febrúar 2006.

Ef þú notar gjafabréfið hins vegar eftir 1. febrúar gildir það sem inneign í tvö ár, eða til 31. desember 2007.

Gildir til allra áfangastaða Iceland Express: Kaupmannahafnar, London, Alicante, Berlínar, Frankfurt Hahn, Friedrichshafen, Gautaborgar og Stokkhólms.

Það eina sem þú þarft að gera er að fara á netið, panta, prenta út og pakka inn!

Smelltu hér til að kaupa jólagjafabréf 


Bloggað 21. nóvember 2005, kl. 11:18



Nýtt tungumál, sama röddin

KnugenÍ tilefni af nýjum áfangastöðum í Svíþjóð (Gautaborg og Stokkhólmi) höfum við nú opnað nýjan vef á sænsku. Sænski vefurinn er að sjálfsögðu aðallega hugsaður fyrir nostalgíska Íslendinga sem vilja rifja upp árin sem þeir voru við nám í Svíþjóð, en einnig má búast við að raunverulegir Svíar muni eitthvað nota hann til að bóka ferð til Íslands. Athugaðu að ef þér finnst sænska ekki nógu spennandi þá er hægt að fá sjálfvirka þýðingu á japönsku frá Google.

Heja Sverige!


Bloggað 3. nóvember 2005, kl. 12:21



Flugmenn óskast

Vegna fjölgunar áfangastaða hjá Iceland Express höfum við hafið samstarf við svissneska flugrekstraraðilann Hello. Við viljum benda íslenskum flugmönnum á að Hello er nú að leita að hæfu og áhugasömu fólki til starfa. Um er að ræða áætlunarflug milli Íslands og áfangastaða Iceland Express á þotum af gerðinni Boeing MD-90.

Smelltu hér til að sækja um flugmannsstarf á vef Hello.


Bloggað 31. október 2005, kl. 14:37



Express Ferðir verða til

Merki Express FerðaEins og margir vita hefur Iceland Express um nokkurt skeið verið í góðu og sívaxandi samstarfi við ferðaskrifstofuna Markmenn um að bjóða viðskiptavinum fótboltaferðir, golfferðir og tónleikaferðir á sérstaklega góðu verði.

Samstarfið var á endanum orðið svo gott að Iceland Express ákvað að gera Markmönnum tilboð sem þeir gátu ekki hafnað, og þeir eru nú formlega gengnir til liðs við okkur undir nafninu Express Ferðir. Það má því búast við enn fjölbreyttara úrvali ferða og jafnvel ennþá lægra verði en áður.

Kíktu á úrvalið hjá Express Ferðum.


Bloggað 23. október 2005, kl. 11:47



Hellingur af aukaferðum til Köben í nóvember, desember og janúar

Dagatal sem sýnir aukaflugLíka nokkur aukaflug til London og Frankfurt Hahn um jól og áramót.

Iceland Express hefur ákveðið að svara mikilli eftirspurn með því að bæta við heilum helling af aukaferðum til Kaupmannahafnar í nóvember, desember og janúar. Við verðum líka með nokkur aukaflug til London og Frankfurt Hahn milli 21. desember og 5. janúar.

Jólainnkaupin, afslöppunin og smørrebrøðið eru semsagt komin í seilingarfjarlægð á góðu verði. Hafðu líka bakvið eyrað að Tívolíð opnar aftur 11. nóvember.

Búið er að opna fyrir sölu á öllu aukaflugi

Smelltu hér til að sjá yfirlit yfir aukaflugið.


Bloggað 19. október 2005, kl. 12:50



Kond'í pottinn

Tilboð í heita pottinum

Flugsæti í heita pottinum kosta frá 499 kr. að viðbættum sköttum og gjöldum

Það er skammt stórra högga á milli hjá Iceland Express. Nú kynnum við til sögunnar heita pottinn, nýtt svæði á vefnum okkar þar sem oftast verður hægt að finna mjög gott verð á flugi til áfangastaða okkar.

Og þá meinum við mjög gott verð.

Athugaðu að í pottinum er aðeins hægt að bóka eitt sæti í einu, aðra leið. Verðið í pottinum er sýnt án skatta og gjalda, sem þó eru aldrei hærri en 3.350 kr. Mundu líka: Fyrstir koma fyrstir fá!

Kíktu í pottinn.


Bloggað 18. október 2005, kl. 18:41



Nýr vefur, sama röddin

Núna rétt í þessu vorum við að opna nýja útgáfu af vefnum okkar, Iceland Express.is. Markmiðið er að vefurinn auðveldi notendum að bóka bæði flug og ýmislegt fleira, finna upplýsingar um áfangastaði, bæði gamla og nýja, og fá betri upplýsingar um alls konar hluti á netinu sem áður þurfti að hringja í okkur til að fá. Að vísu er enn eitthvað af lausum endum en þeir verða allir hnýttir innan skamms.

Þessi nýi vefur kemur í kjölfar nýrra vefja á ensku, dönsku og þýsku sem opnaðir voru fyrir skömmu. Vonandi endurspegla þeir allir vel bjarta framtíðarsýn Iceland Express!


Bloggað 12. október 2005, kl. 01:24



Loksins komin ástæða til að fylgjast með körfuboltanum

Á blaðamannafundi í dag handsöluðu þeir Ólafur Rafnsson formaður KKÍ og Arnar Þór Hafþórsson markaðsstjóri Iceland Express samning þess efnis að efstu deildir karla og kvenna beri nafn fyrirtækisins næstu þrjú árin.

Keppni í Iceland Express-deild kvenna hefst í kvöld með leik ÍS og Keflavíkur í Kennaraháskólanum kl. 19:00, Iceland Express-deild karla hefst á fimmtudagskvöld með heilli umferð. Fylgist með í vetur!


Bloggað 11. október 2005, kl. 18:49



Sala á nýju áfangastaðina hefst á miðvikudag

Sala í ferðir á nýja áfangastaði Iceland Express hefst á vef og söluskrifstofu Iceland Express klukkan níu miðvikudaginn 12. október.

Flug á nýja áfangastaði hefst 16. maí 2006 og verður hægt að bóka ferðir á tímabilinu fram til 15. september 2006.

Áfangstaðirnir sem bætast við eru Alicante, Berlín, Friedrichshafen, Gautaborg og Stokkhólmur. Á sama tíma hefst aftur flug til Frankfurt Hahn en það var mjög vinsæll áfangastaður síðasta sumar. Fyrir flýgur Iceland Express einu sinni á dag til bæði London og Kaupmannahafnar.

Frá því áætlanir um fjölgun áfangastaða voru fyrst kynntar hafa verið gerðast smávægilegar breytingar sem felast í að hætt hefur verið við að fljúga til Bergen og Hamborgar en í staðinn kemur beint flug til Alicante og fleiri flug á aðra áfangastaði í Þýskalandi.


Bloggað 9. október 2005, kl. 10:16



Frankfurt Hahn: "I'll be back"

Síðasta ferð sumarsins til Frankfurt Hahn verður farin í dag, laugardaginn 17. september. Ferðirnar hafa gengið mjög vel og hefjast aftur í maí 2006.

Bloggað 17. september 2005, kl. 16:03



Nýir áfangastaðir næsta sumar

Höfnin í FriedrichshafenÍ morgun tilkynnti Iceland Express um verulega stækkun leiðakerfis félagsins en næsta sumar verður flogið til átta áfangastaða í beinu áætlunarflugi frá Keflavíkurflugvelli.

Nýju áfangastaðirnir eru Stokkhólmur (Arlanda) og Gautaborg (Landvetter) í Svíþjóð, Bergen í Noregi, Berlín (Schoenefeld) og Friedrichshafen í Þýskalandi. Bætast þeir við núverandi áfangastaði félagsins, London, Kaupmannahöfn og Frankfurt Hahn.

Gert er ráð fyrir að sala á ferðum til þessara nýju áfangastaða geti hafist á vef Iceland Express í byrjun október.

Nánari upplýsingar verða sendar á næstu vikum til félaga í netklúbbi Iceland Express.


Bloggað 1. september 2005, kl. 13:10



Ný skrifstofa, sama röddin

Jæja, þá erum við flutt að heiman og komin í eigið húsnæði. Það var kominn tími til, enda félagið að fullorðnast og stækka.

Frá og með deginum í dag er Iceland Express semsagt til húsa á efstu hæð í verslunarmiðstöðinni Grímsbæ við Bústaðaveg. Við erum þar í góðum félagsskap gæðaverslana eins og Skóvinnustofu Halldórs, hannyrðaversluninni Sporinu, Rakarastofu Gríms og tízkuversluninni Smart.

Opnunartímar söluskrifstofu og þjónustuvers verða áfram þeir sömu og símanúmerið verður áfram 5500 600.


Bloggað 27. júní 2005, kl. 08:20



Birgir nýr framkvæmdastjóri Iceland Express

Birgir Jónsson, svartklæddur og brosandiÍ dag var tilkynnt að Birgir Jónsson, 31 árs rekstrarhagfræðingur, hefði verið ráðinn framkvæmdastjóri Iceland Express.

Birgir, sem undanfarna mánuði hefur gegnt starfi sölu- og markaðsstjóra félagsins, tekur við af Almari Erni Hilmarssyni en hann hóf nýlega störf sem forstjóri norræna flugfélagsins Sterling.

Á fundi með starfsfólki sagði Birgir að ekki væri að vænta umfangsmikilla breytinga á starfsemi Iceland Express á næstunni. “Það hefur gengið vel undanfarna mánuði að hagræða í rekstrinum og það sem bíður okkar núna er fyrst og fremst að bæta þjónustu okkar við farþega, efla markaðsstarf okkar í útlöndum og halda áfram að skoða nýja áfangastaði,” sagði Birgir, en Iceland Express hefur beint flug til Frankfurt Hahn laugardaginn 21. maí.

Birgir starfaði áður hjá Össuri hf sem svæðistjóri með aðsetur í Hong Kong. Þar leiddi Birgir ört vaxandi starfsemi Össurar í Austur Evrópu, Rússlandi, Asíu, Ástralíu, Mið- Austurlöndum og Afríku. Áður starfaði Birgir sem forstöðumaður netþróunar hjá Íslandsbanka og framleiðslustjóri hjá RR Donnelley Financial í London.

Birgir er með BA próf frá University of the Arts í London, MBA rekstrarhagfræðigráðu frá University of Westminster í London og hefur verið að vinna að doktorsverkefni í rekstrarhagfræði við University of Newcastle í Ástralíu.


Bloggað 13. maí 2005, kl. 09:00


Bóka flug

Leita að flugi

Veldu dagsetningu
Breyta dagsetningu
Iceland Express on Facebook


Viltu segja vini frá þessari síðu?

Senda skilaboð á vin

Hér getur þú sent þessa síðu
ásamt skilaboðum á vin.



Hvataferðir — besta gulrótin

Hvað um að hrista hópinn betur saman í nýju og skemmtilegu umhverfi? Hópadeild Iceland Express á létt með að búa til ferðir sem henta bæði stórum og smáum fyrirtækjum eða félagasamtökum.

Þú velur staðinn — við finnum hagstæðustu leiðina, bókum hótel, bílaleigubíla og hvers kyns afþreyingu, allt eftir því hvað hentar þínum hópi.

Kannaðu hvað hópadeildin getur gert fyrir þig

www.flickr.com
iceland express' photos Fleiri myndir frá Iceland Express