Reykjavík Keflavík KEF

Notkunarleiðbeiningar.

Flugstöð Leifs Eiríkssonar

Velkomin á Keflavíkurflugvöll

Keflavíkurflugvöllur er í 48 km fjarlægð frá Reykjavík. Saga flugvallarins nær aftur til ársins 1943. Flugstöð Leifs Eiríkssonar var tekin í notkun árið 1987 en hún hefur verið stækkuð talsvert á undanförnum árum til að mæta aukinni umferð um völlinn og vegna inngöngu Íslands í Schengen-svæðið.

Heimsækja vef Leifsstöðvar

Innritun í flug Iceland Express:
Borð 12 til 20, á vinstri hönd þegar gengið er inn í flugstöðina.

Farþegaþjónusta Iceland Express er opin allan sólarhringinn — sími 425-0704.
Farangursþjónusta Iceland Express er opin alla daga frá 8 til 17 — sími 425-0705.

Samgöngur

Með Flugrútunni

Flugrútan, eða Flybus, fer milli flugvallarins og höfuðborgarinnar í tengslum við öll flug sem koma og fara frá vellinum.

Rútan stoppar beint fyrir framan flugstöðina og það er mjög einfalt að finna hana. Flugrútan stoppar á BSÍ áður en hún heldur áfram með farþega til nokkurra helstu hótela og gistiheimila borgarinnar.

Ferðin tekur um 45 mínútur og kostar 1.950 kr, aðra leið. Hægt er að kaupa miða um borð í rútunni og þar er líka tekið við greiðslukortum.

Flugrútan, 45 mínútur milli BSÍ og flugstöðvarinnar, 1.950 kr

Með bíl

Að keyra milli flugvallarins og borgarinnar er einfalt mál. Ferðin tekur um 45 mínútur. Það er jafnvel hægt að koma við í Bláa lóninu sem staðsett er nokkurn veginn miðja vegu milli borgarinnar og flugvallarins.

Bókaðu bílaleigubíl á Keflavíkurflugvelli hjá Budget.

Með leigubíl

Leigubílar stoppa beint fyrir utan flugstöðina og kostar ferðin um 12.-15.000 kr.

Með leigubíl á flugvöllinn eða aftur heim, um það bil 12.-15.000 kr

Kort

Reglur um innritun

Innritunarborð Iceland Express opna að minnsta kosti tveimur klukkustundum fyrir brottför og er lokað stundvíslega 45 mínútum fyrir brottför.

Við mælum með að farþegar mæti snemma til að forðast biðraðir og geta valið úr fleiri sætum.

Meira um innritun í hjálpinni

Reglur um farangur

Þú mátt taka með þér allt að 20 kg af innrituðum farangri (30 kg fyrir öll flug til/frá Bandaríkjunum og Kanada) og 10 kg af handfarangri. Kílóið af yfirvigt kostar 1.500 kr. Sérstakar reglur eru um flutning á sérfarangri eins og golfsettum, reiðhjólum og fleira.

Meira um farangursheimildir í hjálpinni