Kaupmannahöfn CPH

Með lest

Lestir fara milli flugvallarins og miðborgarinnar (Tivoli/Radhuspladsen) á 10 til 20 mínútna fresti og tekur ferðin um 15 til 20 mínútur. Lestir til miðborgarinnar fara frá spori 2 og kostar ferðin um 25 danskar krónur (um 250 íslenskar).

Farmiðar eru seldir hjá DSB í komusal flugvallarins. Munið að tímastimpla farmiðann á brautarpallinum áður en gengið er um borð í lestina.

Lestir fara líka með reglulegu millibili yfir Eyrarsundið til Malmö og tekur sú ferð um 30 mínútur. Lestarstöðin á flugvellinum er undir flugstöðvarbyggingu 3.

 Með Metro: Lestir fara milli flugvallarins og miðborgarinnar (Kongens Nytorv) á 4 til 15 mínútna fresti og tekur ferðin 13 mínútur. Lestin fer frá Metro lestarstöðinni, við hliðina á Hilton flugvallarhótelinu, við enda flugstöðvarbyggingar 3 á flugvellinum

Upplýsingar um lestaráætlanir
Skoðaðu kort yfir lestarleiðir í Kaupmannahöfn

Með rútu

Leiðir 12, 30 og 250S tengja flugvöllinn við aðalbrautarstöðina í Kaupmannahöfn og Ráðhústorgið. Rúturnar fara á um það bil 20 mínútna fresti frá því snemma morguns til miðnættis. Ferðin tekur um 20 mínútur og er fargjaldið 25,50 DKK aðra leið.

Tuttugu mínútur til miðborgarinnar á tuttugu mínúna fresti; 25,50 DKK aðra leið.

Nánari upplýsingar um á vef flugvallarins

Með bíl

Það er auðvelt að rata frá flugvellinum hvert sem þú vilt fara, hvort það er inn í borgina, út á land eða jafnvel til Svíþjóðar eða Þýskalands.

Taktu bílaleigubíl hjá Budget á flugvellinum.

Með leigubíl

Leigubílar eru vinstra megin við komusalinn. Ferðin milli flugvallarins og miðbæjarins tekur um það bil 10 og 20 mínútur og getur kostað á bilinu 150 til 250 DKK. Nær allir leigubílar taka greiðslukort.

Líka er hægt að taka leigubíla til Svíþjóðar yfir Eyrarsundsbrúna.