Stokkhólmur

Feneyjar norðursins.

Maður að stökkva af stökkbretti í sjóinn fyrir framan fjölda áhorfenda

Stokkhólmur er á austurströnd Svíþjóðar og teygir sig yfir ellefu eyjar í sundinu.

Það gæti verið gaman spóka sig í miðbænum, Gamla stan, og upplifa hið goðsagnakennda sænska sumar þar sem allir eru brúnir, ljóshærðir, bláeygðir og snyrtilega klæddir í litríkum fötum.

Innfæddir sækja mikið í skerjagarðinn á sumrin en þar er fjöldi lítilla eyja með sumarhúsum eins og því sem sem Björn og Benny gistu í þegar þeir sömdu Dancing Queen 1976.

Stokkhólmur á vefnum:

Google leit: Stokkhólmur
Google kort: Stokkhólmur
Wikipedia: Stokkhólmur

1x í viku frá 1. júní til 31. ágúst 2011.

Ertu að spá í að fara í spa?

Fullkomið næði til að skola af sér timburmennina.

Sturebadet er fyrir þá sem vilja komast í alvöru tyrkneskt bað. Þar er hvorki barnalaug né spúlandi baðverðir og litlu sem engu hefur verið breytt síðustu 120 ár, nema kannski sturtuhausunum. Athugaðu að Sturebaded er vinsælt og það er vissara að bóka tíma.

Sturebadet, við Sturegallerian 36. Opið 10-15 og kostar 325 sænskar inn.

Magðalena prinsessa, hertogynja af Hälsingland and Gästrikland

Því ég vil elegans – milljón manns

Farðu á barinn með flottræflum og kóngafólki.

Það er nóg af þessu öllu í Stokkhólmi. The Spy Bar og Laroy bjóða uppá langar raðir og stanslaust fjör þegar inn er komið. Ekki láta ykkur bregða þó kóngabörnunum Magðalenu og Karli Filipusi verði hleypt framfyrir röð.

Fyrir þá sem hafa haft bílpróf meirihluta ævinnar mælir heimsborgaradeild Iceland Express hins vegar með Sturecompagniet. The White Room er svo eini staðurinn með fjólublátt ljós við barinn.

The Spy Bar, við Stureplan. Taktu veskið með þér.

AUGLÝSING